Qida təhlükəsizliyinə nəzarət gücləndirilir
Dünən Milli Məclisin Aqrar siyasət komitəsinin iclası keçirildi. Komitə sədri Eldar İbrahimov müzakirəyə çıxarılan qanun layihələri haqqında məlumat verərək bildirdi ki, “Baytarlıq haqqında”, “Fitosanitar nəzarəti haqqında”, “Yeyinti məhsulları haqqında”, “Standartlaşdırma haqqında” və “Sanitariya-epidemioloji salamatlıq haqqında” qanunlara təklif olunan əlavə və dəyişikliklər müzakirə olunacaq. Təqdim olunan qanunlarda dəyişiklik edilməsi haqqında layihələr Prezident İlham Əliyev tərəfindən qanunvericilik təşəbbüsü qaydasında Milli Məclisə təqdim olunub. Bu qanunların hər birinə təklif olunan dəyişikliklərin əsas məqsədi qida təhlükəsizliyinin gücləndirilməsi və xidmətin nəzarətdən ayrılması ilə insanların sağlamlığının qorunmasını yüksək səviyyədə təmin etməkdir.
Belə ki, “Baytarlıq haqqında”, “Fitosanitar nəzarəti haqqında” qanunlara edilən dəyşikliklərə əsasən, qida təhlükəsizliyinə nəzarət tarladan süfrəyə qədər - bütün mərhələlər yeni yaradılan Qida Təhlükəsizliyi Agentliyinin səlahiyyətinə ötürülür. Digər üç qanunda da bir sıra müddəaların ləğvi və yeni redaksiyada verilməsi nəzərdə tutulur. “Yeyinti məhsulları haqqında” qanuna “qida zənciri” adlanan anlayış təklif olunub. Bu da qidanın tarladan süfrəyə qədər keçdiyi bütün prosesləri özündə ehtiva edir.
İclasda qeyd olundu ki, insanların sağlam və rahatlığı daim dövlət başçısının nəzarətində olub. Prezident İlham Əliyevin sərəncamı ilə yaradılan və cari il yanvarın 1-dən fəaliyyətə başlayan Qida Təhlükəsizliyi Agentliyi bu istiqamətdə çox məsuliyyətli missiyanı yerinə yetirəcək.
Qida Təhlükəsizliyi Agentliyinin direktoru Qoşqar Təhməzli yeni yaradılan qurumun fəaliyyət istiqamətlərindən danışaraq bildirdi ki, agentlik qida məhsullarının təhlükəsizliyinə dair normativ tənzimləməni, qida məhsullarının və onları qablaşdırma materiallarının dövlət qeydiyyatına alınmasını, xarici ölkələrə ixrac edilən qida məhsullarına qida təhlükəsizliyi sertifikatının verilməsini, baytarlıq, bitki mühafizəsi və karantini sahələri istisna olmaqla, məhsulun daşıdığı risk səviyyəsinə uyğun olaraq qida məhsullarının istehsalı, tədarükü, qablaşdırılması, saxlanması, daşınması, dövriyyəsi, ictimai iaşə və xidmət sahələrində istifadəsi, habelə qeyd olunan sahələrdə dövlət siyasətini və tənzimləməsini həyata keçirəcək.
Yekunda qanun layihələri Milli Məclisin plenar iclasına tövsiyə olundu.
Elnur HADIYEV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
ÜST-nin rəhbəri: Pandemiya dövründə vaksinlərə qeyri-bərabər əlçatanlıq ölüm hallarını artırdı ...
27 Aprel
ANAMA-nın əməkdaşı Şuşada minaya düşüb
27 Aprel
Aprelin 27-si Beynəlxalq Baytar Həkimi Günüdür
27 Aprel
Yaxın günlərdə Laçının Sus kəndinə köçürüləcək ailələr bəlli olub
27 Aprel
“Paris-2024”: Olimpiya məşəli Yunanıstandan Fransaya yola düşüb
27 Aprel
Sabah Bakıda 31, bəzi rayonlarda isə 32 dərəcə isti olacaq
27 Aprel
Qırğız nazir: Azərbaycan Qırğızıstana neft məhsulları ixrac etməyə hazır olduğunu bildirib...
27 Aprel
Hərbçilərimiz İtaliyada beynəlxalq dənizçilik yarışlarında iştirak edirlər
27 Aprel
Milli Məclisin nümayəndə heyəti Monteneqroda “Partizan döyüşçüsü” abidəsini ziyarət edib...
27 Aprel
ÜST: Pandemiya dövründə antibiotiklərdən ifrat istifadə mənfi nəticələr verib
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!