“Qəsəbə-45” seçilənlər sırasındadır
Ağdam rayonunun bir hissəsi erməni vandalları tərəfindən işğal olunandan sonra Mərzili kənd orta məktəbi fəaliyyətini İsmayıllı rayonunun Kürdmaşı kəndində uyğunlaşdırılmış məktəbdə davam etdirir.
Yeni məkanda əvvəlki rahatlığın, geniş sinif otaqlarının, fənn kabinələrinin olmaması, sözsüz ki, narahatlıq doğurmaya bilməzdi. Amma buna baxmayaraq, ənənəsi ilə seçilən məktəbin müəllim kollektivi Mərzilidə olduğu kimi, yeni yurd yerində də seçilənlər sırasındadır.
İsmayıllı rayonu ərazisində yaşayan məcburi köçkünlərin yaşayış şəraitlərini yaxşılaşdırmaq üçün rayon mərkəzinə yaxın hissədə Qarabağ qəsəbəsi, rəsmi sənəddə isə “Qəsəbə-45” adlanan ünvan salınarkən burada Ağdam 30 saylı tam orta məktəbi üçün də yeni binanın tikilməsinə qərar verilib. Beləliklə də məktəb 2013-cü ildən “Qəsəbə-45”də fəaliyyət göstərir.
Məktəbin direktoru Zahid Namazov deyir ki, müasir tələblər səviyyəsində inşa edilən məktəb binası müəllim, şagird və valideynlərin ürəyincədir. İndi burada hər kəs təhsilə daha həvəslə yanaşır.
Ötən tədris ilində məktəbdə 180 nəfər şagird təhsil alıb. Onların təlim-tərbiyəsi ilə 27 nəfər müəllim məşğul olub. Bu tədris ilində məktəbi 20 nəfər şagird bitirib. Onlardan bir nəfəri 592, 5 nəfəri 500-dən çox, 8 nəfəri isə 350-450 bal toplamışlar. Məktəb üzrə 20 nəfərdən 14 nəfəri respublikamızın ali məktəblərinə daxil olmuşdur.
Zahid Namazov məskunlaşdıqları İsmayıllı rayonunda istər icra hakimiyyəti, istərsə də digər qurumlar tərəfindən problemlərinə həssas yanaşıldığını bildirdi. Vurğuladı ki, rayon rəhbərliyi tərəfindən bu il ali məktəblərə yüksək balla daxil olan məcburi köçkün övladlarına hədiyyələr və mükafatlar verilmişdir.
“Qəsəbə-45” Ağdam rayonunda fəaliyyət göstərən 143 məktəb içərisində ali məktəblərə qəbula görə ikinci yeri tutub. Kollektivin başlıca arzusu işğal altında olan torpaqlarımızın azad edilməsi və məktəblərinin yenidən Mərzilidə fəaliyyət göstərərək uğurlarını davam etdirməsidir.
Ə.SƏLİMOV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Tacikistan vətəndaşlarını Rusiyaya səfər etməməyə çağırıb
27 Aprel
Azərbaycanın daha bir cüdoçusu Avropa çempionu olub
27 Aprel
Türkiyədə 38 qeyri-leqal miqrant saxlanılıb
27 Aprel
Rusiyada miqrantların qalma müddəti il ərzində 90 günə qədər azaldılır
27 Aprel
Qələbə "Sabah"ı 3-cü edib - Premyer Liqa
27 Aprel
Gürcüstan parlamentinin sədri ABŞ senatorlarına sərt cavab verib
27 Aprel
Karlo Ançelotti: Arda Gülərin “Real”da qalacağına şübhə yoxdur
27 Aprel
Azərbaycan Ordusunun hərbi qulluqçuları Türkiyədə beynəlxalq təlimdə iştirak edirlər
27 Aprel
Səfir: Ruanda soyqırımı bir Fransa əməliyyatı idi
27 Aprel
“WhatsApp”a parolsuz giriş olacaq
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!