04 Iyul 2022 11:02
258
Səhiyyə

Qarpız susuzluğu aradan qaldırır, öd ağrılarını azaldır, qan təzyiqini tənzimləyir

 

Yay aylarında havaların istiləşməsi ilə əlaqədar insan bədənində temperatur yüksək olduğundan maye qəbuluna daha çox ehtiyac duyulur. Təbii ki, su ilə bərabər, yediyimiz qidaların da maye qəbulunda təsiri böyükdür. Mövsümün ən sevilən bostan bitkilərindən olan qarpızın bu cəhətdən faydalı xüsusiyyətləri çoxdur. Qarpız 90 faizdən çox sudan ibarət olduğundan, sərinlədici təsirə malikdir. Tərkibi karbohidrat, mineral duz və vitaminlərlə zəngindir.

Bu fikirləri AZƏRTAC-ın bölgə müxbirinə müsahibəsində Dövlət Aqrar Universitetinin Bağçılıq kafedrasının dosenti Hüseyn İdrisov bildirib.

O, qarpızın bədənə soyuqluq və rütubət verdiyini deyib: “Qarpız yeməklə öd ağrılarını azaldıb, qan təzyiqini tənzimləmək mümkündür. Sidikqovucu xassəyə malikdir və susuzluğu aradan qaldırır. Qarpızın suyunu bal və zəncəfillə qarışdırıb içmək bəlğəmi kəsir. Qarpız, eyni zamanda, həzmə yaxşı kömək edir, qanı durulaşdırır. Qarpız tumu böyrək daşını salır. Onun qabığından şəkər və ya bal ilə bişirilmiş mürəbbəsi sinə ağrısı, mədə və həzm zəifliyini aradan qaldırır”.

Mütəxəssis qarpız alarkən alıcıları diqqətli olmağa çağırıb. “Qarpızın yetişməyini müəyyən etmək üçün bunları bilmək lazımdır: saplağın yanındakı bığcıq quru olmalı, meyvənin sorta məxsus naxışı tam aydın və parlaq olmalı, barmaqla vurarkən “küp” səsi verməlidir”, - deyə o bildirib.

Ümumiyyətlə mütəxəssislər havaların isti keçdiyi aylarda bostan bitkiləri ilə yanaşı, tərkibində suyun çox olduğu meyvə və tərəvəzlərlə qidalanmağı tövsiyə edirlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video