NASA-nın “James Webb” kosmik teleskopu ilkin kainat haqqında çoxlu məlumat verməklə yanaşı, 2021-ci ildə buraxılışından bu yana Günəş sistemimizdən kənarda ekzoplanetlər adlanan müxtəlif məlum planetlərlə bağlı qiymətli kəşflər edib. İndi isə teleskop ilk dəfə olaraq əvvəllər məlum olmayan ekzoplaneti aşkarlayıb.
AZƏRTAC NASA-nın məlumatına istinadla xəbər verir ki, tədqiqatçıların dediyinə görə, “James Webb” Günəş sistemimizin ikinci ən böyük planeti olan Saturnun böyüklüyündə olan gənc qaz nəhəngi planetinin Yerdən təxminən 110 işıq ili uzaqlıqda yerləşən Günəşdən kiçik bir ulduzun ətrafında fırlandığını birbaşa təsvir edib. İşıq ili işığın bir ildə qət etdiyi məsafədir və 9,5 trilyon kilometrə bərabərdir.
1990-cı illərdən bəri kəşf edilən 5900-ə yaxın ekzoplanetin əksəriyyəti dolayı üsullardan istifadə etməklə, məsələn, planetin qarşısından keçən zaman ulduzun işığının bir qədər zəifləməsinin müşahidəsi vasitəsilə aşkar edilib və buna tranzit metodu deyilir. Onların 2 faizdən də az hissəsi “James Webb” kosmik teleskopunun identifikasiya olunmuş planetlə etdiyi kimi birbaşa təsvir edilib.
Günəş sistemimiz kontekstində nəzərə alındıqda, bu planet böyük olsa da, o, əslində birbaşa görüntüləmə vasitəsilə indiyə qədər aşkar edilmiş ən kütləli planetdir. Onun kütləsi əvvəlki rekordçudan 10 dəfə çoxdur. Bu, teleskopun alətlərinin həssaslığını göstərir.
Bu kəşf kosmik teleskopun Orta İnfraqırmızı Alətində (MIRI) quraşdırılmış və ulduzun parlaq işığına maneə törədən cihaz - koronqrafdan istifadə yolu ilə edilib.
Planet TWA 7 adlanan ulduzu ətrafında Yerin Günəşdən orbital məsafəsindən təxminən 52 dəfə böyük məsafədə fırlanır. Müqayisə üçün desək, Günəş sistemimizin ən kənar planeti Neptun Günəşin Yerə məsafəsindən təxminən 30 dəfə uzaq orbitdə fırlanır. Ekzoplanetləri kəşf etməyin tranzit metodu yeni müəyyən edilmiş ulduz kimi daha uzaqlarda deyil, öz ulduzunun yaxınlığında orbitdə daha faydalıdır.
