Milli Məclis hərbi xidmətlə bağlı yeni qanun layihəsini müzakirə edəcək
Dekabrın 1-də Milli Məclisin Təhlükəsizlik və müdafiə komitəsinin iclası keçirildi. İclası açan Milli Məclis Sədrinin birinci müavini, komitənin sədri Ziyafət Əsgərov gündəlikdə "Hərbi vəzifə və hərbi xidmət haqqında" qanun layihəsinin olduğunu bildirdi. Belə bir qanunun qəbulunun zəruriliyini əsaslandıran Ziyafət Əsgərov dedi ki, hazırda ölkəmizdə hərbi xidmət məsələləri "Azərbaycan Respublikasında hərbi xidmətə çağırışın əsasları haqqında" və "Hərbi xidmət haqqında" qanunlarla tənzimlənir. Lakin hər iki qanun 1992-ci ildə qəbul olunduğu üçün 1995-ci ildə qüvvəyə minmiş Azərbaycan Konstitusiyasına uyğunluqları baxımından günün tələblərinə cavab vermir. Düzdür, bu qanunlara indiyədək bir sıra əlavə və dəyişikliklər edilib. Bununla belə, respublikamız və Silahlı Qüvvələrimiz inkişafının elə mərhələsindədir ki, sözügedən qanunlara əlavə və dəyişikliklər kifayət etmir. Ona görə yeni fundamental bir qanunun olması zərurəti yaranıb.
Ziyafət Əsgərov onu da bildirdi ki, layihə Milli Məclisə Azərbaycan Prezidentinin qanunvericilik təşəbbüsü ilə təqdim edilib. Layihənin üzərində il yarım iş aparılıb və bütünlüklə günün tələblərinə cavab verir. Layihənin preambulasında qeyd edilir ki, məqsəd Azərbaycan Respublikası Silahlı Qüvvələrinə və qanunvericiliyə uyğun olaraq yaradılmış başqa silahlı birləşmələrə həvalə edilmiş vəzifələrin yerinə yetirilməsi sahəsində hərbi vəzifənin və hərbi xidmətkeçmənin hüquqi tənzimlənməsinin qaydalarını müəyyən etməkdir. Bu qanun qüvvəyə mindikdən sonra "Azərbaycan Respublikasında hərbi xidmətə çağırışın əsasları haqqında" və "Hərbi xidmət haqqında" qanunlar ləğv ediləcəkdir.
İclasda komitə sədrinin müavini Aydın Mirzəzadə, deputatlardan Fərəc Quliyev, Zahid Oruc, Siyavuş Novruzov, Aqil Abbas, Əliağa Hüseynov layihə ilə bağlı fikirlərini bildirdilər. Çıxışlarda layihənin mükəmməl hazırlandığı, ölkəmizin təhlükəsizlik siyasətinə cavab verdiyi qeyd edildi.
Yekunda qanun layihəsi birinci oxunuş üçün Milli Məclisin müzakirəsinə tövsiyə olundu.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Dövlət əmlakının özəlləşdirilməsi haqqında" Azərbaycan Respublikasının Qanununda dəyişiklik edilməs...
28 Aprel
"Azərbaycan Respublikasının Hökuməti və "ACWA Power Azerbaijan Renewable Energy" Məhdud Məsuliyyətli...
28 Aprel
Türk İnvestisiya Fondunun Rəhbərlər Şurasında Azərbaycan Respublikasının təmsil edilməsi ilə bağlı b...
28 Aprel
Sahibkarlıq fəaliyyəti sahəsində fərqlənən şəxslərin "Tərəqqi" medalı ilə təltif edilməsi haqqında...
28 Aprel
Tacikistan vətəndaşlarını Rusiyaya səfər etməməyə çağırıb
27 Aprel
Azərbaycanın daha bir cüdoçusu Avropa çempionu olub
27 Aprel
Türkiyədə 38 qeyri-leqal miqrant saxlanılıb
27 Aprel
Rusiyada miqrantların qalma müddəti il ərzində 90 günə qədər azaldılır
27 Aprel
Qələbə "Sabah"ı 3-cü edib - Premyer Liqa
27 Aprel
Gürcüstan parlamentinin sədri ABŞ senatorlarına sərt cavab verib
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!