18 Noyabr 2026 12:36
86
SİYASƏT
A- A+
Komitə: Azərbaycan Bayrağı ABŞ-də 7 gün ərzində qaydalara uyğun dalğalanıb

Komitə: Azərbaycan Bayrağı ABŞ-də 7 gün ərzində qaydalara uyğun dalğalanıb


Amerika Birləşmiş Ştatlarının Manhetten bölgəsində 8 Noyabr – Zəfər Günü və 9 Noyabr – Dövlət Bayrağı Günü münasibətilə qaldırılan Azərbaycan Bayrağının erməni təşkilatlarının təşəbbüsü ilə endirilməsi barədə yayılan məlumatlar həqiqəti əks etdirmir.

AZƏRTAC xəbər verir ki, bu barədə Azərbaycan Respublikasının Diasporla İş üzrə Dövlət Komitəsinin yaydığı məlumatda bildirilib.

Qeyd olunub ki, Azərbaycanın Qarabağda əldə etdiyi tarixi Zəfər təkcə ölkəmizin ərazi bütövlüyünün və suverenliyinin bərpası baxımından deyil, həm də beynəlxalq münasibətlər sistemində yeni reallıqların formalaşması və dünya ictimaiyyətinin düzgün məlumatlandırılması baxımından mühüm əhəmiyyət daşıyır.

Bu prosesdə Amerika Birləşmiş Ştatlarında yaşayan soydaşlarımızın fəaliyyəti xüsusi diqqətə layiqdir. ABŞ-dəki Azərbaycan icmasının üzvləri hər il 8 Noyabr – Zəfər Günü, 18 Oktyabr – Müstəqilliyin Bərpası Günü və 9 Noyabr – Dövlət Bayrağı Günü münasibətilə müxtəlif ştatlardakı inzibati və ictimai mərkəzlərin önündə Azərbaycan bayrağının qaldırılması mərasimlərini təşkil edirlər. Bununla yanaşı, hər il “Times Square” meydanındakı çoxmərtəbəli binaların iri LED ekranlarında ölkəmizin tarixi Zəfəri ilə bağlı videoçarxlar və posterlər nümayiş etdirilir. Dünyanın müxtəlif ölkələrindən milyonlarla insanın ziyarət etdiyi bu məkanda Azərbaycan Respublikasının Dövlət Bayrağının ucaldılması mühüm rəmzi və siyasi məna daşıyır.

Komitə bildirib ki, artıq bütün cəbhələrdə məğlub olmuş erməni diasporunun hər il bu prosesə qarşı çıxmasına baxmayaraq, ABŞ-də kifayət qədər güclənən Azərbaycan diasporu bu il də bayraqqaldırma mərasimlərini uğurla həyata keçirib.

Məhz bu reallıqlar fonunda bəzi erməni mənbələrinin yaydığı dezinformasiyalarda Manhettendə 8 Noyabr – Zəfər Günü və 9 Noyabr – Dövlət Bayrağı Günü münasibətilə diasporumuzun təşəbbüsü ilə qaldırılan Azərbaycan Bayrağının guya Amerikanın Erməni Milli Komitəsinin (ANCA) təşəbbüsü ilə endirildiyi bildirilir.

Bayrağın endirilməsi barədə yayılan məlumatlarda bu qərarın kim tərəfindən və hansı hüquqi əsasla verildiyinə dair isə heç bir mötəbər sübut göstərilmir.

Diasporla İş üzrə Dövlət Komitəsi bildirir ki, bayrağın qaldırılması və həmin yerdə dalğalanması prosesi adətən bir həftə davam edir. Azərbaycan bayrağı da qaydalara uyğun olaraq yeddi gün ərzində qaldırıldığı məkanda dalğalanıb. Öz uğursuzluqlarını hay-küy və dezinformasiya ilə pərdələməyə çalışan erməni təşkilatlarının və diasporunun bu prosesə təsir imkanları yoxdur.

Təbliğat uğursuzluğunu ört-basdır etməyə çalışan erməni diasporu nümayəndələrinin yaydıqları əsassız məlumatlarda ABŞ dövlət rəsmilərinin adları da hallandırılır. Dövlət rəsmilərinin adlarından manipulyasiya vasitəsi kimi istifadə edilməsi, onların mövqelərinin təhrif olunması və ictimai rəyin yanlış istiqamətə yönəldilməsi ciddi hüquqi məsuliyyət yaradır.

“ABŞ-də fəaliyyəti ilə bağlı suallar doğuran, real nəticələr əldə edə bilməyən erməni diasporunun Azərbaycan bayrağının nümayişi ətrafında süni qalmaqal yaratmaq cəhdləri təsadüfi deyil. Bu cəhdlər, daha dəqiq ifadə etsək, erməni diasporunun dezinformasiya və manipulyasiya ilə müşayiət olunan siyasi isteriyası uğursuz təbliğat fəaliyyətinə bəraət qazandırmaq, xərclənən maliyyə vəsaitlərinin guya səmərəli istifadə edildiyi görüntüsünü yaratmaq və gələcək maliyyə dəstəyini qoruyub saxlamaq məqsədi daşıyır.

Cəmiyyətə dezinformasiyalara inanmamaq, media nümayəndələrinə isə xaricdəki Azərbaycan icmalarının uğurları ilə bağlı erməni mənbələrinin yaydığı məlumatlara münasibətdə diqqətli olmaq tövsiyə olunur”, - deyə komitənin məlumatında vurğulanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Milli prioritetlərə xidmət edən maliyyə strategiyası

13:17
18 Noyabr

Nazir: Almaniyalı həmkarımla regional təhlükəsizlik məsələlərini müzakirə etdik 

12:39
18 Noyabr

Rəsmi Tehran İranın kimyəvi silahlardan istifadə edəcəyi barədə CNN-in xəbərini təkzib edib  

12:38
18 Noyabr

Komitə: Azərbaycan Bayrağı ABŞ-də 7 gün ərzində qaydalara uyğun dalğalanıb

12:36
18 Noyabr

Ceyhun Bayramov: Bu ilin 10 ayında Almaniyadan Azərbaycana 25 min turist gəlib

12:29
18 Noyabr

Nazir: Azərbaycan və Ermənistan arasında sülh müqaviləsinin imzalanması üçün yekun addımlar atılmalıdır  

12:23
18 Noyabr

Almaniya xarici işlər naziri: Azərbaycan coğrafi baxımdan çox vacib yerdədir

12:22
18 Noyabr

Neft, neft-kimya və təbii qaz sənayesində keyfiyyətin idarə edilməsi sahəsində yeni dövlət standartı qəbul olunub  

12:21
18 Noyabr

Bundestaqın deputatları Milli Məclisdə olublar

12:20
18 Noyabr

Fransada adambaşına düşən gəlir Avropa dövlətləri arasında ən aşağıdır  

12:20
18 Noyabr

Yohan David Vadeful: Azərbaycanın enerji təchizatına verdiyi dəstək Avropada sabitliyin qorunmasına töhfədir  

12:19
18 Noyabr

Almaniyalı nazir: Azərbaycan Avropanın enerji təchizatında mühüm tərəfdaşlardan biridir

12:12
18 Noyabr

Almaniyanın Qara dəniz sualtı elektrik kabeli layihəsindən faydalanmaq imkanları müzakirə olunub  

12:11
18 Noyabr

Milli Məclis məqsədli büdcə fondlarının idarə olunmasının təkmilləşdirilməsinə dair qanun layihəsini təsdiqləyib  

12:10
18 Noyabr

Rusiya Prezidenti: Ölkələrə iqtisadi təzyiq metodu artıq keçmişdə qalıb

11:54
18 Noyabr

Nazir: Azərbaycan ilə Almaniya arasında ticarət dövriyyəsi bu ilin 9 ayında 1 milyard dollar olub  

11:45
18 Noyabr

Azərbaycan-Hindistan mədəni əməkdaşlığının inkişaf perspektivləri nəzərdən keçirilib

11:44
18 Noyabr

Qusarda payızlıq və çoxillik əkinlərin bəyan qəbulu zamanı bütün amillər nəzərə alınır  

11:43
18 Noyabr

Şəmkirdə azsaylı xalqların nümayəndələri ilə görüş keçirilib  

11:42
18 Noyabr

Şirvanda şəhid Elçin Əliyevin xatirəsi anılıb  

11:41
18 Noyabr

Azərbaycan-İsrail arasında mədəni əlaqələr ildən-ilə genişlənir

11:39
18 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!