İntiqamınızı alacağıq: torpaqlarımızı azad etməklə, o yurdlara yenidən dönməklə!
Qışın qarlı-şaxtalı havasında bir dəstə qərənfili sinəmə sıxıb geniş küçə ilə yavaş-yavaş addımlayıram. Fikrim, xəyalım isə başqa bir aləmdədi... Qulağma qəribə səslər gəlir, sanki güllə vıyıltısı, mərmi gurultusu eşidirəm. Dönə-dönə baxdığım video süjetlər yenidən xəyalımda canlanır: ayaqyalın, başıaçıq bir ana qarlı meşədə itirdiyi körpə qızcığazını axtarır. Onun fəryadı, ah-naləsi yeri-göyü titrədir. Bu ürək dağlayan mənzərə xəyalımdan getməmiş gözlərimin önünə başqa dəhşətli görüntülər gəlir: o müdhiş 26 fevral gecəsində ayağı yer tutan hər kəs erməni faşistlərinin ölüm saçan güllələrindən qurtulmaq üçün Xocalıdan, isti yuvasından, doğma ev-eşiyindən baş götürüb qaçır. Yağış kimi yağan güllələr bir ananın həyatına nöqtə qoyur. Bəmbəyaz qarın üstünə yıxılan ana qanına qəltan edilmişdir. Anasının öldüyünü hiss etməyən, heç ölümün nə olduğunu anlamayan uşaq onu silkələyib ayağa qaldırmaq, qaçanlara qoşulub bu yerlərdən uzaqlaşmaq istəyir...…
Ürəyimə köz basan, vicdanımı göynədən xəyallar məngənəsində sıxıla-sıxıla sanki bir məchulluğa doğru yol gedirəm. Bir də başımı qaldıranda qarşımda Xocalıdan olan ananın qranitdən yonulmuş heykəlini görürəm: pərişan saçları çiyninə tökülmüş ana sanki bayaq meşədə axtardığı ciyərparasını son nəfəsində tapıb qucağına almışdı. Taqəti üzülmüş ana ayaq üstə güclə dayanır. Ananın yükü dağlar qədər ağırdır. Mənə elə gəldi ki, bu hüznlü ananın isti və doğma qucağına Xocalıda erməni gülləsinə tuş gələn, qızılgül qönçəsi kimi açmadan solan bütün körpələr sığınmışdır...…
Kipriklərimdən süzülən göz yaşları yanağımda iz açır. Qırmızı qərənfilləri heykəlin önünə qoyub bir övlad məhəbbətiylə qarşısında ehtiramla baş əyirəm. Ürəyimdəm keçən fikirlər dilimə süzülür. Astadan pıçıldayıram: ruhun şad olsun, ana! Əmin ol ki, övladların Xocalının və xocalıların intiqamını layiqincə alacaqlar. Özü də vəhşiliyə vəhşiliklə cavab verməklə deyil, işğal altında inləyən torpaqlarımızı son qarışınacan azad etməklə, o yurdlara yenidən əbədiyyətə qədər dönməklə!
Leyla QULUZADƏ,
şəhid Akif Abdullayev adına 211 saylı məktəbin şagirdi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Yaxın günlərdə Laçının Sus kəndinə köçürüləcək ailələr bəlli olub
27 Aprel
“Paris-2024”: Olimpiya məşəli Yunanıstandan Fransaya yola düşüb
27 Aprel
Sabah Bakıda 31, bəzi rayonlarda isə 32 dərəcə isti olacaq
27 Aprel
Qırğız nazir: Azərbaycan Qırğızıstana neft məhsulları ixrac etməyə hazır olduğunu bildirib...
27 Aprel
Hərbçilərimiz İtaliyada beynəlxalq dənizçilik yarışlarında iştirak edirlər
27 Aprel
Milli Məclisin nümayəndə heyəti Monteneqroda “Partizan döyüşçüsü” abidəsini ziyarət edib...
27 Aprel
ÜST: Pandemiya dövründə antibiotiklərdən ifrat istifadə mənfi nəticələr verib
27 Aprel
“İsmayıllı etnomühitindəki azsaylı xalqların folkloru” kitabının təqdimat mərasimi keçirilib...
27 Aprel
Yəmən sahillərində ABŞ-ın 30 milyon dollarlıq PAU-sı vurulub
27 Aprel
FIFA prezidenti “Qarabağ”ı təbrik edib
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!