İki müharibənin qəhrəmanı
Vətən müharibəsi xalqımızın nəyə qadir olduğunu dünyaya yaxşı tanıtdı. Qazancımız şanlı qələbə, tanıdıqlarımız isə Vətən üçün canlarından keçməyi bacaran igidlər oldu. Belə oğullarımızla fəxr edirik. Çünki onlar canlarını vətənimizə, torpağımıza, tariximizə, mədəniyyətimizə tuşlanan düşmən gülləsinə sipər edənlərdir, şəhidlik zirvəsinə ucalanlar, bədənində qəlpə və onun yarasını gəzdirən qazilərimizdir.
Belə vətənpərvər qazilərimizdən biri də 1972-ci ilin avqust ayında Zəngilan rayonunun cənub-qərbində yerləşən gözəl iqlim şəraitinə malik Bartaz kəndində anadan olan, 1990-cı ildə orta məktəbi bitirərək, həmin ilin dekabrında hərbi xidmətə çağrılan, Azərbaycan Respublikasının Daxili İşlər Nazirliyinin Daxili Qoşunlarında qulluq edən Zülfü Həsənəliyevdir.
Ağdam, Şuşa, Laçın, Ağdərə, Xocalı, Füzuli, Naxçıvan, bir sözlə, Azərbaycanın ərazi bütövlüyünün qorunması uğrunda aparılan döyüşlərdə qəhrəmanlıq göstərib. Zülfü Həsənəliyev Ağdam rayonunun Papravənd kəndində ağır yaralanıb. Müalicə olunduqdan sonra Daxili Qoşunların komandiri, Milli Qəhrəman Sahil Məmmədovun və Rövşən Allahverdiyevin komandirliyi ilə 1992-ci ilin mart ayında Zəngilan rayonunun Qazançı, Ağkənd, Seyidlər kəndlərinin işğaldan azad olunmasında iştirak edib.
Keçmiş döyüşçü-qazi o illəri xatırlayaraq deyir ki, 1992-ci il iyunun 29-da gərgin döyüşlər gedirdi. O zaman yoldaşlarımızdan Zakif Abbasov və Natiq İmanov yaralanıb: “Hərbi sürücü Yanvar Şahməmmədovun köməyi ilə yaralılar Zəngilan Rayon Mərkəzi Xəstəxanasına gətirildi. Bu illərdə Yanvar Şahməmmədovun xidmətlərini qeyd etmək yerinə düşər.
Onu da deyim ki, heç bir texnika Qazançı kəndinə girə bilmədiyi vaxtlarda Yanvar Şahməmmədov ölümlə üzbəüz olurdu. Mərmi partlayışı nəticəsində komandir Sahil Məmmədov yaralandı. Onu döyüş meydanından çıxarmaq müşkül işə çevrildi.
Lakin onun döyüş dostları və Milli Ordunun cəsur sürücüsü Yanvarla ermənilərin güclü atəşi və nəzarətində olan sahədən çıxarıb Zəngilan Rayon Mərkəzi Xəstəxanasına, oradan isə Bakıya göndərdik...”
Sahil Məmmədovu xəstəxanada qoyub, döyüş mövqeyinə qayıdan Zülfü Həsənəliyev axşam saatlarında mərmi partlayışı nəticəsində başından və ayağından yaralanır. Yenə də ölümün gözünə dik baxan sürücü Y.Şahməmmədov köməyə çatır. O, Zülfünü Zəngilana, üç gündən sonra isə Bakıya, DİN-nin Mərkəzi Hospitalına gətirir.
Müalicəni başa vuran Zülfü Həsənəliyev döyüşlərdə göstərdiyi yüksək peşəkarlığa görə, DİN-in Zəngilan Rayon Polis Şöbəsinin əməkdaşı kimi işə qəbul edilir.
Qarabağın, o cümlədən Zəngilanın erməni qaniçənlərindən azad edilməsində rayonun polis əməkdaşları yaxından iştirak edib. Kilsə kəndində vaxtilə Zülfü Həsənəliyevin hərbi hazırlıq müəllimi olmuş Bərxudar Şıxalıyev öz həyatını təhlükəyə ataraq düşmənin uzunmüddətli atəş nöqtəsini susdurur, Zəngilan Rayon Polis Şöbəsinin bir qrup əməkdaşını, o cümlədən Zülfünü xilas etsə də, özü yaralanır.
Zülfü Həsənəliyev müəlliminin köməyini, ona qayğısını unutmur. Qazançı və Seyidlər kəndlərinin düşməndən alınmasında onun igidlik göstərdiyini yadından çıxarmır.
Hacı Zülfü Həsənəliyev 44 günlük Vətən müharibəsində də Zəngilan rayonunun mənfur düşmənlərdən azad olunmasında iştirak edib, həmçinin Sərhəd Qoşunları Xidmətində bələdçi kimi sərhədçilərimizə dağlarda bələdçilik edib.
Hacı Zülfü Həsənəliyev bu günlərdə doğma Zəngilanını ziyarət edənlərdən biri olub. O, məşhur və müqəddəs məkan sayılan Xanazir pirində olub, orada azan çəkərək, əhd elədiyi qurbanı kəsib.
M.NƏRİMANOĞLU,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
DSMF Britaniyada 2024-cü ilin Mükəmməllik Mükafatına layiq görülüb
29 Aprel
Prezident İlham Əliyev Malayziyanın Parlament Senatının prezidentini qəbul edib YENİLƏNİB ...
29 Aprel
May-avqust aylarında keçiriləcək imtahanlar isti hava şəraiti ilə əlaqədar saat 10:00-da başlanacaq ...
29 Aprel
Azərbaycanın xarici işlər naziri Qətərə işgüzar səfərə gedib
29 Aprel
“Europorter”: Azərbaycan Avropanın enerji təhlükəsizliyində əsas oyunçudur
29 Aprel
Baş Prokurorluq: Hərbi qulluqçumuzun mina partlayışında xəsarət alması ilə bağlı araşdırma aparılır ...
29 Aprel
Bakıda Birinci Beynəlxalq Opera festivalının ikinci günü başa çatıb
29 Aprel
Sakarya qaz yatağında gündəlik 4,5 milyon kubmetr qaz hasil edilib
29 Aprel
Füzulidə daha 39 ailəyə mənzillərinin açarları təqdim olunub - FOTO
29 Aprel
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!