Gərək əməli işlə cavab verək
Gözümü açandan həyətimizdə arı pətəkləri görmüşəm. Atamın bu sahədə zəngin təcrübəsi var idi. Hər il xeyli bal satar, dolanışığımızın bir qismini bu yolla təmin edərdi. Arı südü, arı zəhəri kəlmələrini də ilk dəfə atamdan eşitmişəm. Deyərdi ki, onlardan düzgün istifadə etdikdə bədəni möhkəmləndirir, bir çox xəstəlikləri sağaldır. Balın tərkibi insan sağlamlığı üçün lazım olan vitaminlərlə çox zəngindir.
İllər ötdükcə bu sahəyə mənim də marağım artdı, başladım öyrənməyə. Atam da bu marağımı görüb başqa işi olanda, bir yana gedəndə arılara qulluq etməyi mənə tapşırardı. İndi özümün 50-dən çox arı təknəm var. Hər il yarmarkalarda 300 kiloqramdan çox bal satıram.
Onu da deyim ki, arıçılıq çox həssas sahədir. Gərək qabaqlayıcı, stimullaşdırıcı tədbirlər görəsən. Arıların əldən düşməməsi üçün onlara vaxtlı-vaxtında müəyyən dərmanlar da verilməlidir. Bir arı ailəsinə mövsüm ərzində orta hesabla 25-30 manat, bəzi hallarda daha çox pul xərcləmək lazım gəlir.
Təqdirəlayiq haldır ki, bu gəlirli sahəni inkişaf etdirmək üçün ölkəmizdə dövlət səviyyəsində tədbirlər görülür. Elə bunun nəticəsidir ki, Kənd Təsərrüfatı Nazirliyinin Heyvandarlıq Elmi-Tədqiqat İnstitutunun nəzdində Arıçılıq Mərkəzi yaradılmış, Azərbaycan Arıçılar Assoisiasiyası təsis edilmişdir. Damazlıq, arıçılıq təcrübəsinin genişləndirilməsi, genefond arıxanalarının yaradılması, arıçılıq məhsullarının keyfiyyətinə nəzarət sisteminin təkmilləşdirilməsi, sərgi-satış yarmarkalarının təşkili də həmçinin.
Dövlət başçısı arıçılığı inkişaf etdirmək, kənd əhalisinin gəlirlərini artırmaq və məşğulluğunu təmin etmək üçün mart ayında sərəncam da imzaladı. Sərəncamda göstərilir ki, arıçılıqla məşğul olan fiziki və hüquqi şəxslərə saxladıqları hər arı ailəsinə (pətəyə) görə cari il də daxil olmaqla 5 il müddətinə ildə 10 min manat məbləğində subsidiya ödənilsin. Biz arıçılar da gərək bu qayğıya əməli işimizlə - daha yaxşı çalışmaqla sanballı töhfələr verək.
Araz MƏMMƏDOV,
Goranboy rayonu
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Alimlər: Pilləkənlərlə qalxmaq ömrü uzadır
27 Aprel
Çempionlar Liqası: Pley-off mərhələsində ən çox qol vuran futbolçular açıqlanıb
27 Aprel
Sakit okeanda 6,9 bal gücündə zəlzələ olub
27 Aprel
ÜST-nin rəhbəri: Pandemiya dövründə vaksinlərə qeyri-bərabər əlçatanlıq ölüm hallarını artırdı ...
27 Aprel
ANAMA-nın əməkdaşı Şuşada minaya düşüb
27 Aprel
Aprelin 27-si Beynəlxalq Baytar Həkimi Günüdür
27 Aprel
Yaxın günlərdə Laçının Sus kəndinə köçürüləcək ailələr bəlli olub
27 Aprel
“Paris-2024”: Olimpiya məşəli Yunanıstandan Fransaya yola düşüb
27 Aprel
Sabah Bakıda 31, bəzi rayonlarda isə 32 dərəcə isti olacaq
27 Aprel
Qırğız nazir: Azərbaycan Qırğızıstana neft məhsulları ixrac etməyə hazır olduğunu bildirib...
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!