Dövlət vətəndaşına yenə də sahib çıxır
Ölkə rəhbəri Şamaxıda zəlzələdən zərər çəkən insanlarla bir araya gəldi
Bu günlərdə daha bir təbii fəlakət sınağı ilə üz-üzə qaldıq. Bir-birinin ardınca müşahidə olunan yeraltı təkanlar insanlarda müəyyən narahatlıq yaratdı.
Bildiyimiz kimi, ilk zəlzələ fevralın 5-də yerli vaxtla saat 23:19-da Pirqulu stansiyasından 7 kilometr cənubda, Ağsu ərazisində 4,4 bal gücündə qeydə alındı. Respublika Seysmoloji Xidmət Mərkəzindən verilən məlumata görə, yeraltı təkanların ocağı 10 kilometr dərinlikdə yerləşib. Zəlzələ episentrdə 5 bala yaxın, ətraf rayonlarda 4,3 bala qədər hiss olunub.
Digər 5,3 bal gücündə olan zəlzələ yerli vaxtla saat 23:31-də Pirqulu stansiyasından 10 kilometr cənub-qərbdə, İsmayıllı ərazisində qeydə alınıb.
Yeraltı təkanların ocağı 8 kilometr dərinlikdə yerləşib. Zəlzələ episentrdə 6 bal, ətraf rayonlarda 5,3 bala qədər hiss olunub.
Ümumilikdə isə fevralın 5-dən 6-na keçən gecə respublika ərazisində baş verən zəlzələ paytaxt Bakı da daxil olmaqla, əksər bölgələrimizdə narahatlıq yaşatdı. Lakin zəlzələnin fəsadları özünü daha çox Ağsu, İsmayıllı və Şamaxı rayonlarında göstərdi. Xüsusən də Şamaxı rayonunda təbii fəlakətin fəsadları çox olub. Əsasən dağıntılar bu rayonda qeydə alınıb. Konkret olaraq 14 kəndə ziyan dəyib. Zəlzələ nəticəsində kəndlər üzrə 14, şəhərdə isə 17 evdə dağıntı baş verib.
Rayon icra hakimiyyəti başçısının müavini Gülnisə Ələkbərovanın verdiyi məlumata görə, xoşbəxtlikdən insan tələfatı olmayıb, lakin bir sıra sakinlərin sağlamlığında problemlər yaşanıb. Belə ki, xəstəxananın təcili yardım şöbəsinə 19, terapiya şöbəsinə 4, cərrahiyyə şöbəsinə isə 3 nəfər müraciət edib. Xəstələrin əksəriyyəti yardım alaraq evə buraxılıb. Reanimasiya şöbəsində hazırda beş nəfər müalicə alır.
Yeraltı təkanlar nəticəsində rayona verilən elektrik enerjisində 40 dəqiqəyə yaxın fasilə yaranıb. Şəhərdə bəzi evlərin və istinad divarlarının uçması nəticəsində qaz xətlərində sızmalar yarandığından, saat 00:00-dan etibarən "mavi yanacağ”ın verilişi dayandırılıb.
Hadisənin baş verdiyi ilk saatlardan Prezident İlham Əliyevin tapşırığı ilə fövqəladə hallar naziri Kəmaləddin Heydərov Şamaxıya gəlib və rayon icra hakimiyyətinin başçısı Tahir Məmmədovla hadisə nəticəsində zərər çəkmiş evlərə baş çəkiblər.
Fevralın 7-də isə Azərbaycan Respublikasının Prezidenti İlham Əliyev zəlzələnin baş verdiyi Şamaxıya gəlib. Fövqəladə hallar naziri, general-polkovnik Kəmaləddin Heydərov və Şamaxı Rayon İcra Hakimiyyətinin başçısı Tahir Məmmədov dövlət başçısına fevralın 5-də və 6-da təbii fəlakətin törətdiyi fəsadlar barədə məlumat veriblər.
Prezident İlham Əliyev zəlzələdən zərər çəkən tikililərə baxıb və sakinlərlə söhbət edib. Ölkə rəhbərinin insanların belə ağır günlərində yanında olması sakinləri daha da ürəkləndirib və dövlətə olan inamlarını artırıb.
Prezident İlham Əliyevin Şamaxı, İsmayıllı və Ağsuda baş vermiş təbii fəlakətin nəticələrinin aradan qaldırılması tədbirləri haqqında imzaladığı sərəncam bu rayonların sakinlərində belə bir inam yaradıb: dövlət hər zaman vətəndaşına sahib çıxır. Sərəncama əsasən, baş vermiş zəlzələlər nəticəsində Şamaxı, İsmayıllı və Ağsu rayonlarında yaşayış evlərinə, sosial və infrastruktur obyektlərinə dəymiş ziyanın aradan qaldırılması üçün 2019-cu il dövlət büdcəsində nəzərdə tutulmuş Prezidentin Ehtiyat Fondundan Fövqəladə Hallar Nazirliyinə ilkin olaraq iki milyon manat ayrılıb.
Ayrılan vəsait bir daha insanlara olan diqqət və qayğının təzahürü kimi qəbul edilib. İndi evi qəzalı vəziyyətə düşən, yaxud da tamamilə sıradan çıxmış insanlar nə narahat olur, nə də sarsıntı keçirirlər. Onlar əmindirlər ki, gözləmədikləri halda üzləşdikləri təbii fəlakət problemi məhz dövlətin verdiyi dəstək sayəsində tezliklə aradan qalxacaq və yenidən rahat evlərində həyatlarını davam etdirəcəklər.
Əli SƏLİMOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mayın 5-i Həkim-Mama Günüdür
05 May
Türkiyə siyasətçisi Dövlət Baxçalı Əhməd Cavad Şərəf Medalı ilə təltif edilib
05 May
İlk fərdiləşdirilmiş dəri xərçəngi peyvəndi sınaqdan keçirilir
05 May
Samir Şərifov: Azərbaycan Orta Dəhlizin ən vacib iştirakçılarından biridir
05 May
Hayastanda etirazlar səngimir
05 May
"Xalq Bank"ın "Xalq Əmanəti" layihəsinin 24-cü nəşri Cahid Camala həsr olunub
05 May
QƏZƏLLƏR
05 May
"Şərq şairlərinin günəşi"
05 May
Anamın gözünün nuru, əlinin sığalı hopmuş xalça
05 May
Həyatı filmə bənzəyən aktyor
05 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!