Çin və Azərbaycan arasında əməkdaşlıq inkişaf edir
Azərbaycan Respublikası Milli Məclisi sədrinin birinci müavini Ziyafət Əsgərov noyabrın 14-də Çin Kommunist Partiyası Mərkəzi Komitəsinin beynəlxalq əlaqələr şöbəsi katibinin müavini Li Çjunun rəhbərlik etdiyi nümayəndə heyəti ilə görüşüb.
AZƏRTAC xəbər verir ki, görüşdə qarşılıqlı maraq doğuran məsələlərlə bağlı ətraflı fikir mübadiləsi aparılıb. Ziyafət Əsgərov Azərbaycan ilə Çin arasındakı dostluq münasibətlərindən danışıb və qarşılıqlı əlaqələrin yüksələn xətlə inkişaf etdiyini bildirib.
Milli Məclis sədrinin birinci müavini qeyd edib ki, Çin Kommunist Partiyası ilə Yeni Azərbaycan Partiyası arasında sıx dostluq telləri mövcuddur. Bu partiyaların nümayəndələri dəfələrlə qarşılıqlı səfərlər ediblər. Bu səfərlər ikitərəfli əlaqələrin daha da inkişaf etdirilməsi baxımından böyük əhəmiyyətə malikdir.
Ziyafət Əsgərov qonaqlara Azərbaycanın iqtisadi inkişafı, həyata keçirilən iri neft-qaz layihələri, bu layihələrin regionun və Avropanın enerji təhlükəsizliyindəki rolu barədə məlumat verib. Diqqətə çatdırıb ki, Azərbaycan Cənubi Qafqaz regionunun ən inkişaf etmiş ölkəsidir. Cənubi Qafqazın iqtisadiyyatının 75-80 faizi Azərbaycanda formalaşır. Bölgənin ən inkişaf etmiş ölkəsi kimi çalışırıq ki, dünya dövlətləri ilə iqtisadi, ticari və humanitar əlaqələrimizi daha da genişləndirək. O qeyd edib ki, ölkəmiz iqtisadi inkişafına görə regionda lider olsa da, Ermənistan-Azərbaycan, Dağlıq Qarabağ münaqişəsi bu inkişafa maneə yaradır. BMT Təhlükəsizlik Şurasının, NATO-nun və digər təşkilatların sənədlərinə məhəl qoymayan Ermənistan Azərbaycan ərazisinin 20 faizini işğal altında saxlayır, bir milyondan çox soydaşımız qaçqın və məcburi köçkün həyatı yaşayır.
Çin Kommunist Partiyası Mərkəzi Komitəsinin beynəlxalq əlaqələr şöbəsi katibinin müavini Li Çjun ikitərəfli əlaqələrin mühüm əhəmiyyət kəsb etdiyini vurğulayıb. Bildirib ki, Çin və Azərbaycan arasında əməkdaşlıq durmadan inkişaf edir. İkitərəfli əlaqələrin sürətlə inkişaf edərək hazırkı səviyyəyə çatmasında qarşılıqlı səfərlər mühüm rola malikdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Dünya birjalarında neft ucuzlaşıb
29 Aprel
Səfərbərlik və Hərbi Xidmətə Çağırış üzrə Dövlət Xidmətinin rəisi Qəbələdə vətəndaşların müraciətini...
29 Aprel
Şəhriyar Məmmədyarov Almaniya çempionu olub
29 Aprel
DSX: 6 kiloqramdan çox narkotik vasitənin İrandan Azərbaycana keçirilməsinin qarşısı alınıb...
29 Aprel
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...
29 Aprel
Füzuli sakini: Doğma yurdumuzun daha da inkişafı üçün çalışmalıyıq
29 Aprel
Keçmiş məcburi köçkün: Torpaqlarımıza qayıdışın sevincini yaşadan hər kəsə təşəkkür edirəm...
29 Aprel
Füzuli şəhərinə növbəti köç karvanı yola düşüb
29 Aprel
Diasporla İş üzrə Dövlət Komitəsinin sədri İtaliyada Azərbaycan icması ilə görüşüb
29 Aprel
Roma Papası: Venesiya iqlim dəyişikliyinə görə mövcudluğunu itirə bilər
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!