Bilik Fondu Azərbaycan Xalq Cümhuriyyətinin 100 illiyi ilə bağlı maarifləndirici tədbirlər keçirəcək
Azərbaycan Respublikasının Prezidenti yanında Bilik Fondunda Prezident İlham Əliyevin “Azərbaycan Xalq Cümhuriyyətinin 100 illik yubileyi haqqında” 2017-ci il 16 may tarixli Sərəncamına əsasən keçiriləcək maarifləndirici tədbirlərin müzakirəsi olub.
Bilik Fondundan AZƏRTAC-a bildirilib ki, tədbirdə bu qurumun lektorlar qrupunun üzvü, Azərbaycan Respublikasının Prezidenti yanında Dövlət İdarəçilik Akademiyasının tarix kafedrasının müdiri, tarix üzrə fəlsəfə doktoru, dosent Firdovsiyyə Əhmədova onun tədqiqat sahələrindən biri olan “Azərbaycan dövlətçilik tarixi” mövzusunda çıxış edib. Vurğulanıb ki, müasir müstəqil Azərbaycan 1918-ci ildə təşəkkül tapan və cəmi 23 ay yaşamasına rəğmən dövlətçiliyin özülünü qoyan cümhuriyyətimizin tarixi varisidir.
F.Əhmədova 1917-1918-ci illərdə Azərbaycanda yaranmış tarixi vəziyyətdən başlayaraq 1920-ci ilin aprelində ölkəmizin bolşevik Rusiyasının işğalına məruz qalmasınadək tarixi prosesi təsvir edib. O deyib: “1918-ci ildə Mudros müqaviləsinə əsasən Birinci Dünya müharibəsində məğlub olmuş Osmanlı dövləti öz qoşunlarını Cənubi Qafqazdan çıxarmaq məcburiyyətində qalır. 1918-ci il noyabrın 16-da artıq qalib ingilis qüvvələri müttəfiq qoşunların komandanlığı adı ilə Bakıya daxil olur. Azərbaycan milli qüvvələri ordularını Bakıdan çıxarmalı idi. Gələn ingilis qüvvələri, başda general Tomson olmaqla, Azərbaycan hökumətini tanımır, onu türklərin intriqasından yaranmış bir hakimiyyət hesab edir. O, Azərbaycan bayrağını bütün binalardan endirir və bu ərazini Rusiya dövlətinin bir parçası olaraq görür. Belə bir vəziyyətdə Azərbaycan hökuməti öz siyasətini ortaya qoyur. Belə ki, ingilislərlə əməkdaşlıq etməyə razılıq verilir, ABŞ prezidenti Vilsona onun prinsiplərindən çıxış edərək müraciət olunur, eyni zamanda, sivil və hüquqi dövlət qurmaq yönündə fəaliyyətə başlanılır. Hakimiyyətin legitimliyini təsdiqləmək üçün Azərbaycan Milli Şurası noyabrda yenidən bərpa edilir, noyabrın 20-də Azərbaycan parlamentinin açılması haqqında qanun qəbul olunur”.
Sonra AXC-nin 100 illiyi ilə əlaqədar keçiriləcək maarifləndirici tədbirlər barədə fikir mübadiləsi aparılıb.
Tarixçi alimlə keçirilən görüşdə bu il Bilik Fondu tərəfindən görüləcək işlərlə, təşkil ediləcək tədbirlərlə bağlı müzakirələr aparılıb. Qərara alınıb ki, Bilik Fondunun “Tariximizi öyrənək və öyrədək” Gənclər Klubunun fəaliyyət planına AXC-nin 100 illiyi ilə bağlı forma və məzmun baxımından rəngarəng maarifləndirici tədbirlər – elmi seminarlar, “dəyirmi masa”lar, müzakirələr, təqdimatlar, bilik yarışmaları və elmi turlar daxil edilsin.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
DSMF Britaniyada 2024-cü ilin Mükəmməllik Mükafatına layiq görülüb
29 Aprel
Prezident İlham Əliyev Malayziyanın Parlament Senatının prezidentini qəbul edib YENİLƏNİB ...
29 Aprel
May-avqust aylarında keçiriləcək imtahanlar isti hava şəraiti ilə əlaqədar saat 10:00-da başlanacaq ...
29 Aprel
Azərbaycanın xarici işlər naziri Qətərə işgüzar səfərə gedib
29 Aprel
“Europorter”: Azərbaycan Avropanın enerji təhlükəsizliyində əsas oyunçudur
29 Aprel
Baş Prokurorluq: Hərbi qulluqçumuzun mina partlayışında xəsarət alması ilə bağlı araşdırma aparılır ...
29 Aprel
Bakıda Birinci Beynəlxalq Opera festivalının ikinci günü başa çatıb
29 Aprel
Sakarya qaz yatağında gündəlik 4,5 milyon kubmetr qaz hasil edilib
29 Aprel
Füzulidə daha 39 ailəyə mənzillərinin açarları təqdim olunub - FOTO
29 Aprel
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!