Bahar gözəlliyi
ilə digər fəsillərdən fərqlənir. Göydə uçan quşlardan tutmuş yaşıllığa çevrilən boz çöllər səmənın yerə göndərdiyi ən böyük səxavətdir. Gözəllik adlı
bu var-dövlət yağışın, küləyin, qarın qarşısında
həmişə öz ecazkarlığı ilə önə keçir.
Yaz başlayandan
sanki göylər yerə öz nurunu səpməyə tələsmirdi. Onsuzda bütün qış boyu quraqlıqdan
yerdə, göydə bezmişdi. Böyüklərdən tutmuş uşaqlara qədər ötən qışın qarsızlığına
təəssüflənərək fəsli başa vurdular. Bir yandanda
bu karona virus bəlası.
Şəhər yerində
hər şeyə əməl etmək üçün müəyyən bir dairə mövcuddu. Dağ adamlarının bu mənzərəni
necə qarşılayacağı özü bir etap təşkil edir.
İstiləşən havalar boz ay boyunca bir birinin ardınca
çərşənbələri qova-qova Baharın pişvazına çıxdı. Torpağın köksündə Od qalanmış, Yel
Suyu dalğalandırdı. Göyərən tumurcuqlar bənövşənin, nərgizin rəqslərini süzə-süzə
həyata vəsiqə qazandı. Təpədən dırnağa hər şey dəyişdi. Axar sular aşıb daşdı, qaranlıq
dərələr yaşıllaşdı, gecələr qısalıb ömrünü gündüzə bağışladı.
İqlim dəyişikliyinə
artıq insanlar alışıb. İkincidə qardıda, nə vaxt istəsə yağar da. Amma yağmaq zamanı başını «atıb» yatan qış baharın gözəlliyindən, sakitliyindən istifadə
etmək istəyib. Martın son günü təbiəti ilə seçilən Qubanın bəzi kəndləri ağ örpəyə bürünüb. Yaşıl səmənliyə bənzəyən torpağa
qar necədə yaraşır, İlahi!. Baharın ətəyinə
tökülən
qar dənələri dağların papağını qaytarıb özünə. Rayonun Xınalıq, Qrız, Cek kəndlərinə
hündünlüyü 3-12 santimetr arasında qar yağıb.
Bütün qış fəsli boyunca bir neçə dəfə qar yağan ərazilərdə fevralın əvvəlindən bəri quraq şərait üstünlik
təşkil edirdi. Zirvədə topalanan qar sanki,
-mənsiz yaz olmaz!, deyir. Bir az geciksəmdə
mənsiz nə bahar, nə gözəllik. Sübh günəşinin şəfəqlərinin çarpaz şölələndiyi qarlı zirvə öz ruzi-bərəkətini dörd bir yana yaymaqdadır.
Yerlərin göylərə təşəkkürünü çatdıran qaranquşlar, göyərən otlar, ötüşən bülbüllər,
nazını əridən buludlar da bu Baharın gözəlliyindən
söhbət açır sanki:
Əzizim qəmə düşdüm
Sənsiz aləmə düşdüm.
Gördüm o gül üzünü
Nə gözəl dəmə düşdüm.
Amma bu
qarın insanlara gətirdiyi sevincin əksi təbiətə vurduğu zərərdi. Qubanın Gültərə kəndində yaşayan əli daim torpaqda
olan Nuru Qarayev bildirir ki, əkilən çərdəkli meyvələrin çiçəkləndiyi bir zamanda yağan qar onların barını əlindən ala bilər. Gilas,
albalı, şaftalı ərik kimi meyvələrə bu zaman yağan qarın vurduğu zərdə onu yetişdirən
insanlara təəssüf hissi yaşadır.Arılara da bu qarın yağmağı yaxşı təsir göstərmir.
Martın sonlarından çiçəklərdən şirə çəkən arılar bir neçə gündə öz iş prosedurlarının
pozulması nəticəsində pətəkdən çoxunun ayrı düşməsinə, bal toplamına mane olur.
Amma nə etmək
olar, Allahın işinə kim qarışa bilib ki. Nə qədər qar yağsada, tempratur aşağı düşsədə
unutmayaq ki, qışın ömrü bitib. İrəlidə bizi ruzulu, bərəkətli günlər gözləyir.
Akif ƏLİYEV,
«Azərbaycan»
