Azərbaycan Tibb Universiteti ilə Türkiyənin Hacettepe Universiteti arasında müqavilə imzalanmışdır
İyunun 21-də Azərbaycan Tibb Universitetində (ATU) bu ali təhsil müəssisəsi ilə Türkiyənin Hacettepe Universiteti arasında əməkdaşlıq müqaviləsi imzalanmışdır. AzərTAc xəbər verir ki, ATU-nun rektoru, Milli Məclisin deputatı, akademik Əhliman Əmiraslanov rəhbərlik etdiyi ali təhsil ocağı, Prezident İlham Əliyevin müvafiq sərəncamları əsasında son illər istifadəyə verilmiş klinikalar haqqında qonaqlara ətraflı məlumat vermiş, iki ölkə arasında təhsil əlaqələrinin əhəmiyyətini vurğulamışdır.
Respublikamız müstəqilliyini bərpa etdikdən sonra ATU-nun əlaqə yaratdığı ilk Türkiyə universitetinin məhz Hacettepe Universiteti olduğunu, qardaş ölkədə nüfuzlu tədris ocaqlarından biri kimi tanınan bu ali təhsil müəssisəsi ilə əməkdaşlığa mühüm önəm verildiyini söyləyən rektor bildirmişdir ki, hər iki universitetin bir-birindən öyrənəcəyi çox şeylər vardır.
ATU-nun Türkiyənin bir sıra universitetləri ilə əlaqələrinin olduğunu, keçən il 100-dək tələbənin mübadilə edildiyini söyləyən Ə.Əmiraslanov gələcəkdə elm və təhsil sahəsində müqavilələrin sayının artırılacağını, müxtəlif tədbirlərin birgə keçiriləcəyini diqqətə çatdırmışdır.
ATU ilə Hacettepe Universiteti arasında əməkdaşlığın iki qardaş ölkəni bir-birinə daha da yaxınlaşdırdığını və əlaqələri möhkəmləndirdiyini vurğulayan Ə.Əmiraslanov universitetlərarası əlaqələrin gələcəkdə də inkişaf edəcəyinə və genişlənəcəyinə ümid etdiyini bildirmişdir.
İki universitet arasında əlaqələrin qurulmasından 20 il keçdiyini xatırladan Hacettepe Universitetinin rektoru, professor Murat Tuncer həmin müddətdə ATU-da böyük dəyişikliklərin və irəliləyişlərin baş verdiyini vurğulamışdır. Ötən ilin dekabrından rektor kimi fəaliyyətə başladığını qeyd edən türkiyəli qonaq ilk işinin əcnəbi tələbələr üçün təqaüdün təsis edilməsi olduğunu söyləmişdir. M.Tuncer əməkdaşlığın hər iki tərəf üçün faydalı və səmərəli olacağına əminliyini ifadə edərək demişdir ki, bizim missiyamız bacardığımız qədər təhsilin inkişafına dəstək verməkdir.
Sonra ATU ilə Hacettepe Universiteti arasında əməkdaşlığa dair müqavilənin imzalanma mərasimi olmuşdur. Sənədi universitetlərin rektorları Ə.Əmiraslanov və M.Tuncer imzalamışlar.
Bildirilmişdir ki, müqavilənin məqsədi universitetlərarası əməkdaşlığı gücləndirmək, elm və təhsilin səviyyəsini yüksəltməkdir.
Professor M.Tuncerə "ATU-nun fəxri qonağı" diplomu təqdim edilmişdir.
Sonda qonaqlar ATU-nun Tədris Terapevtik Klinikası ilə yaxından tanış olmuşlar.
Tədbirdə Türkiyənin Azərbaycandakı səfiri Hulusi Kılıç və Qafqaz Universitetinin rektoru Əhməd Saniç iştirak etmişlər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Vitse-spiker Adil Əliyev: “Azərbaycanın qüdrətinə heç kəs kölgə sala bilməz ”
29 Aprel
Azərbaycanın qadın şahmatçısı Avropa çempionu olub
29 Aprel
Türkiyə bu namizədi dəstəkləyir - KİV
29 Aprel
Baş nazirdən istefa açıqlaması
29 Aprel
“Turkish Airlines” 235 “Airbus” və “Boeing” təyyarəsi almaq niyyətindədir
29 Aprel
Hakan Fidan ilə Antoni Blinken Yaxın Şərqdəki vəziyyəti müzakirə ediblər
29 Aprel
Havanın temperaturu iqlim normasından yüksəkdir, isti hava şəraiti mayın 2-dək davam edəcək ...
29 Aprel
Yəmən limanı yaxınlığında gəmiyə hücum etdilər - MƏLUMAT
29 Aprel
Komitə sədri: Müxtəlif nəşrlərin çapına dəstək olmaqla mədəniyyətimizi təbliğ edirik ...
29 Aprel
İnsan hərəkətlərini imitasiya edən robot təqdim olunub
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!