Azərbaycan ilə Moldova arasında iqtisadi əlaqələrin inkişaf etdirilməsi ilə bağlı məsələlər müzakirə olunmuşdur
Azərbaycan Respublikasının Baş naziri Artur Rasizadə yanvarın 18-də Moldova Respublikasının Baş naziri Vladimir Filat ilə görüşmüşdür. Əvvəlcə təkbətək keçirilən görüş sonra geniş tərkibdə davam etmişdir.
Baş nazir Artur Rasizadə Azərbaycan ilə Moldova arasında tarixən xoş münasibətlərin olduğunu, ikitərəfli əlaqələrin yeni mərhələsində əməkdaşlığımızın inkişafının zəruriliyini vurğuladı. Ölkələrimiz arasında siyasi əlaqələrin uğurla inkişaf etdiyini deyən Baş nazir iqtisadi sahədə də əməkdaşlığı genişləndirməyin vacib olduğunu dedi. Artur Rasizadə mövcud iqtisadi əlaqələrin ölkələrimizin potensialını əks etdirmədiyini bildirdi.
Baş nazir Artur Rasizadə moldovalı həmkarının Azərbaycana səfərinin ikitərəfli əlaqələrimizin daha da genişləndirilməsinə təkan verəcəyini dedi.
Artur Rasizadə Azərbaycanın artan iqtisadi potensialı barədə məlumat verərək bildirdi ki, ölkədə neft sənayesi ilə bərabər qeyri-neft sektoru da sürətlə inkişaf edir. Neft sahəsindən əldə olunan gəlirlər qeyri-neft sektorunun inkişafına yönəldilir. Bu iqtisadi siyasətin nəticəsidir ki, respublikada iri infrastruktur layihələri həyata keçirilir, yollar, xidmət obyektləri tikilir, turizm sürətlə inkişaf etdirilir, təhsil və səhiyyə müasir səviyyəyə çatdırılır. Təkcə yola saldığımız ildə qeyri-neft sektorundan daxil olan gəlir 11 faiz artmışdır. Bununla yanaşı, ölkədə enerji təhlükəsizliyi nəzarətdə saxlanılır, əhalinin sosial rifahının yaxşılaşdırılması üçün işlər davam etdirilir.
Baş nazir Artur Rasizadə Ermənistan-Azərbaycan, Dağlıq Qarabağ münaqişəsi barədə də məlumat verdi. Bildirildi ki, Ermənistanın Azərbaycana təcavüzü nəticəsində ölkə ərazisinin 20 faizi işğal olunmuş, 1 milyondan çox insan doğma el-obasından qaçqın və köçkün düşmüşdür. BMT-nin işğal olunmuş ərazilərin qeyd-şərtsiz boşaldılması barədə qəbul etdiyi 4 qətnaməyə Ermənistan tərəfi bugünədək əməl etməmişdir. Azərbaycan hökuməti münaqişənin sülh yolu ilə, beynəlxalq hüquq normaları əsasında həllinin tərəfdarıdır. Lakin danışıqlar nəticə verməsə, digər vasitələrdən istifadə edəcəkdir. Bunun sübutu ölkənin ildən-ilə güclənən hərbi potensialıdır.
Moldovanın Baş naziri Vladimir Filat Azərbaycana ilk səfərindən məmnun olduğunu söylədi. O, BMT-nin Təhlükəsizlik Şurasına qeyri-daimi üzv seçilməsi münasibətilə təbriklərini çatdıraraq dedi ki, bu hadisə respublikanın dünyada artan nüfuzunun bariz göstəricisidir.
Moldovanın iqtisadi durumu barədə məlumat verən Baş nazir Vladimir Filat qeyd etdi ki, ikitərəfli əlaqələrin inkişafında ölkəsi də maraqlıdır və bunun üçün bütün mümkün addımları atmağa hazırdır.
Vladimir Filat bu il Azərbaycan ilə Moldova arasında diplomatik əlaqələrin qurulmasının 20 illiyinin tamam olacağını xatırlatdı, hökumətlərarası iqtisadi komissiyanın iclasının və qarşılıqlı ölkə günlərinin keçirilməsini təklif etdi.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Tacikistan vətəndaşlarını Rusiyaya səfər etməməyə çağırıb
27 Aprel
Azərbaycanın daha bir cüdoçusu Avropa çempionu olub
27 Aprel
Türkiyədə 38 qeyri-leqal miqrant saxlanılıb
27 Aprel
Rusiyada miqrantların qalma müddəti il ərzində 90 günə qədər azaldılır
27 Aprel
Qələbə "Sabah"ı 3-cü edib - Premyer Liqa
27 Aprel
Gürcüstan parlamentinin sədri ABŞ senatorlarına sərt cavab verib
27 Aprel
Karlo Ançelotti: Arda Gülərin “Real”da qalacağına şübhə yoxdur
27 Aprel
Azərbaycan Ordusunun hərbi qulluqçuları Türkiyədə beynəlxalq təlimdə iştirak edirlər
27 Aprel
Səfir: Ruanda soyqırımı bir Fransa əməliyyatı idi
27 Aprel
“WhatsApp”a parolsuz giriş olacaq
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!