Aleksandr Mişenko: Azərbaycan-Ukrayna elmi konfransı ölkələrimiz arasında elmi əməkdaşlığa öz töhfəsini verəcək
Azərbaycan Memarlıq və İnşaat Universitetində (AzMİU) “Building innavations-2018” mövzusunda I beynəlxalq Azərbaycan-Ukrayna elmi konfransı öz işinə başlayıb.
AzMİU-dan AZƏRTAC-a bildirilib ki, Almaniya, Ukrayna, Özbəkistandan elm adamının qatıldığı ikigünlük konfransın açılış mərasimində Azərbaycanın elm və təhsil ictimaiyyətinin nümayəndələri iştirak ediblər.
Konfransın aktual mövzuya həsr edildiyini deyən AzMİU-nun rektoru, professor Gülçöhrə Məmmədova bildirib ki, tikinti sektorunun sürətli inkişafını müasir texnologiyaların tətbiqi olmadan təsəvvür etmək mümkün deyil. Rektor dünyanın ən müasir texnologiyalarının respublikamızın tikinti sektorunda uğurla tətbiq edildiyini vurğulayıb.
Konfransın işinə uğurlar arzulayan Ukraynanın Azərbaycandakı səfiri Aleksandr Mişenko hər iki ölkənin xalqları arasında sıx münasibətlərin mövcud olduğunu və bu əlaqələrin uğurla davam etdirildiyini deyib. Səfir konfransın ölkələrimiz arasında elm sahəsində əməkdaşlığa töhfə verəcəyinə əminliyini ifadə edib.
Yuriy Kondratyuk adına Poltava Milli Texniki Universitetinin rektoru, iqtisadiyyat elmləri doktoru, professor Vladimir Onişenko müasir innovativ texnika və texnologiyaların tikinti sektoruna tətbiqi sahəsində əldə edilən yeniliklərin elm ictimaiyyətinə çatdırılmasında konfransın əhəmiyyətini vurğulayıb. O, rəhbərlik etdiyi Poltava Milli Texniki Universitetindən konfransa 22 məruzəçisinin qatıldığını, 120-dən artıq məqalə və tezisin dərc olunduğunu deyib: “Düşünürəm ki, belə böyük bir komanda ilə konfransa qatılmağımız universitetlərimiz arasında əməkdaşlığın daha da dərinləşməsinə verdiyimiz dəyərdən irəli gəlir. İnanın ki, əməkdaşlarımız böyük məsuliyyət və həvəslə konfransa qatılıblar”.
Təhsil Nazirliyinin sektor müdiri Anar Kazımov təhsil naziri Ceyhun Bayramovun iştirakçılara salamlarını çatdırıb və konfransın işinə uğurlar arzulayıb.
Plenar iclasda AzMİU-nun beynəlxalq əlaqələr üzrə prorektoru, professor Nərgiz Abdullayeva və Poltava Milli Texniki Universitetinin memarlıq və şəhərsalma kafedrasının müdiri, professor Aleksandr Semko məruzələrlə çıxış ediblər.
Konfrans öz işini bölmə iclaslarında davam etdirib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan Qırğızıstana neft məhsulları tədarük edəcək
27 Aprel
Rusiyada “Krokus Siti Holl”da terror aktı ilə bağlı 12-ci şübhəli həbs edilib
27 Aprel
“Yaşıl dünya naminə həmrəylik ili" çərçivəsində respublika müşavirəsi keçirilib
27 Aprel
Dördqat Avropa çempionu: Tarixi uğurları və yeni rekordları sevirəm
27 Aprel
Ümummilli Lider Heydər Əliyevin doğum günü münasibətilə 1300-dən çox müxtəlif növ ağac əkilib...
27 Aprel
Dövlət Neft Fondu “Tesla” və “İntel” şirkətlərinin səhmlərini alıb
27 Aprel
“Dəniz Komando Təməl kursu”nun buraxılış mərasimində qazaxıstanlı hərbçilər də iştirak ediblər...
27 Aprel
Dmitri Peskov: Moskva Azərbaycanla Ermənistan arasında sülh sazişinin tezliklə imzalanmasının tərəfd...
27 Aprel
DSX aparatında Zərifə Əliyevanın anadan olmasının 101-ci ildönümü münasibətilə silsilə tədbirlər keç...
27 Aprel
Monteneqro Prezidentinə “Qarabağ işğaldan əvvəl və sonra” kitabı təqdim edilib
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!