01 Aprel 2023 14:56
374
DÜNYA
A- A+

ABŞ-da tornado insan tələfatına və dağıntılara səbəb olub

 

ABŞ-nin Arkanzas ştatında tornado səbəbindən fövqəladə vəziyyət rejimi elan olunub. Regionda meydana gələn bir neçə tornado azı beş nəfərin həyatına son qoyub.

AZƏRTAC xəbər verir ki, təbii fəlakət nəticəsində, həmçinin onlarla insan yaralanıb, on minlərlə insan isə elektriksiz qalıb.

Tornado Arkanzas ştatının mərkəzi hissəsini və əhalinin ən six yaşadığı Littl-Rok şəhərini vurub. Orada təbii fəlakətin nəticələrinin aradan qaldırılması üçün milli qvardiyanın gücündən istifadə olunur. Qonşu İllinoys ştatının Belvider şəhərində isə konsert zamanı zalın damı çöküb. Nəticədə bir nəfər həlak olub, 30-a yaxın insan xəsarət alıb.

Meteoroloqlar əlverişsiz hava şəraiti ilə əlaqədar regionda təhlükəli vəziyyətin davam edəcəyi barədə xəbərdarlıq ediblər. Risk zonasında 28 milyon insanın yaşadığı bildirilir. Milli Meteorologiya Xidmətinin məlumatına görə, Arkanzas, Missisipi, Ayova, Tennessi, İllinoys və Viskonsin ştatlarında onlarla tornado qeydə alınıb, lakin onların dəqiq sayı hələ müəyyən olunmayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video