Masallı Rayon İcra Hakimiyyətinin rəhbərliyi şəhid ailələri, müharibə əlilləri və iştirakçılarını daim diqqətdə saxlayır, onların problemlərini öyrənir, operativ aradan qaldırır.
Bu günlər isə rayon icra hakimiyyətinin rəhbərliyi və media işçiləri Sərçuvar kəndində Milli Qəhrəman Səfəralı Məmmədovun anası Şahdəstə xanımı evində ziyarət etmişlər.
Ziyarət zamanı çıxış edən icra hakimiyyətinin başçısı Araz Əhmədov dövlətimizin şəhid ailələrinə göstərdiyi yüksək diqqət və qayğıdan söz açmış, Vətənimizin azadlığı və suverenliyi uğrunda canından keçən şəhidlərimizin xatirəsinin uca tutulduğunu bildirmişdir. Həmçinin Azərbaycanın əldə etdiyi tarixi zəfərin şəhidlərin misilsiz fədakarlığı sayəsində mümkün olduğunu vurğulamışdır.
Bu sevgi və məhəbbətə, eləcə də müharibə iştirakçılarına, şəhid ailələrinə göstərilən diqqət və qayğıya görə Şahdəstə xanım Prezident, Ali Baş Komandan İlham Əliyevə, Birinci vitse-prezident Mehriban xanım Əliyevaya, xalqına, hər kəsə dərin razılığını bildirmişdir.
Səfəralı Məmmədov Ağdam Rayon Daxili İşlər Şöbəsinin post-patrul batalyonunda tağım komandiri vəzifəsində xidmət edib. O, 1992-ci il fevralın 16-da Xocavənd rayonunun Qaradağlı kənd sakinlərini azğınlaşmış erməni quldurlardan xilas edən zaman şəhid olub. Ölümündən sonra "Azərbaycanın Milli Qəhrəmanı" adına layiq görülüb. Masallı şəhərində küçələrdən biri və igid döyüşçünün təhsil aldığı məktəb onun adını daşıyır. Məktəbin həyətində büstü qoyulub, ona həsr olunmuş "Qəhrəman polis" adlı sənədli film çəkilib.
Zəfər ORUCOÜLU
jpg_1773441496.jpg)
