Qətiyyətin, dəmir iradənin müjdəsi
Qələbəmiz, sevincimiz, fərəhimiz 30 illik acılarımızın ən gözəl məlhəmidir. Artıq xalqımız Zəfər müjdəli xəbərlərə adətkar olub.
Zəfər salnaməmizə nəzər salanda gözümüzün önündə qürurverici bir mənzərə yaranır. 44 günlük müharibədə qələbə, 2023-cü ilin aprelində Laçın sərhəd-buraxılış mənqəsinin yaradılması, 23 sentyabr 2023-cü ildə ölkəmizin suverenliyinin tam bərpası, rusiyalı sülhməramlıların bölgədən çıxması...
Aprelin 19-u da dövlətimizin diplomatiya tarixində adi günlərdən olmadı. Qətiyyətin, dəmir iradənin tarixə öz möhürünü vurduğu günlərdən biri oldu.
Ermənistan ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə komissiyanın səkkizinci görüşündə 4 qeyri-anklav kəndin - Bağanis Ayrım, Aşağı Əskipara, Xeyrimli və Qızılhacılı yaşayış yerlərinin bir güllə atılmadan, qan tökülmədən Azərbaycana qaytarılması barədə razılıq əldə olunub. Bu adi hadisə deyil. Azərbaycan diplomatiyasının, dəmir iradənin böyük qələbəsidir. Bu, son illər Azərbaycanın əldə etdiyi uğurların məntiqi davamıdır. Bu hadisə böyüklüyünə, tarixi əhəmiyyətinə görə Şuşanın, Xocalının, Xankəndinin azad olunması ilə müqayisə edilə bilər. Bu hadisə Ermənistanın rəsmən işğalçı dövlət olmasının etirafı, Azərbaycanın haqlı olduğunun dünyaya sübutudur.
İlham Əliyevin dəmir iradəsi, qətiyyəti, apardığı ardıcıl uğurlu siyasət Ermənistanı, onun arxasında duran havadarlarını addım-addım geri çəkilməyə vadar edir. Müzəffər Ali Baş Komandan İlham Əliyev itirilmiş torpaqları addım-addım, qarış-qarış geri qaytarır. Tarix sübut edir ki, praqmatik lider, böyük siyasətçi İlham Əliyev nəyi nə zaman etmək lazım olduğunu çox gözəl bilir.
Əldə olunmuş razılıq delimitasiya istiqamətində atılan ilk addımdır. Delimitasiyanın məhz bu istiqamətdən başlaması Azərbaycanın təkidi ilə olub.
Hadisələrin bu cür inkişafı Azərbaycanın guya Ermənistana hücum etməyə hazırlaşması barədə uydurmalara da son qoydu. Eyni zamanda Ermənistanın "təhlükəsizliyi" haqqında yalan, uydurma məlumatlar yayan Fransanın və Qərb dövlətlərinin maskalarını cırdı. Azərbaycan qətiyyəti ilə sübut etdi ki, iki dövlət arasında münasibətləri kənar müdaxilə olmadan da normallaşdırmaq mümkündür. Bununla da dövlətimiz problemi həll etməkdən çox, problem yaradan, iki dövləti daha çox qarşıdurmaya vadar edən ABŞ-yə, Aİ-yə, xüsusən də Fransaya öz yerini göstərdi. Artıq bütün dünya anlamaq zorundadır ki, ara qarışdıranlar regionda sülhü, davamlı sabitliyi istəməyənlərdir. Heç şübhəsiz ki, onların da cavabı bir qayda olaraq diplomatik yolla layiqincə verilməkdədir.
Bu hadisə Azərbaycanın Cənubi Qafqazda sülhün təminatçısı olan böyük güc olduğunu bir daha təsdiqlədi. Artıq Ermənistanda da başa düşürlər ki, Azərbaycanla normal münasibət yaratmaqla düşdükləri ağır durumdan çıxa, özlərini xilas edə bilərlər.
Azərbaycan regionun yeganə dövlətidir ki, heç bir dövlətin ərazisində gözü yoxdur, hansısa ölkənin ərazi bütövlüyünə qarşı deyil. Eyni zamanda öz ərazi bütövlüyünü də layiqincə qoruyur, haqqı olanı geri almağı bacarır.
Sülhlə gedilən yol daha qürurlu, bu yolla əldə olunan qələbənin sevinci isə daha böyük olur.
Elşən QƏNİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Volodimir Zelenski: Ukrayna Rusiya ilə müharibənin yeni mərhələsi ilə üz-üzədir
03 May
Heydər Əliyev Mərkəzində konsert - Puççiniyə ithaf
03 May
İtaliyanın xəbər agentliyi VI Ümumdünya Mədəniyyətlərarası Dialoq Forumundan yazıb
03 May
Mixail Brızqalov: Azərbaycan Musiqi Mədəniyyəti Muzeyi və Rusiyanın Musiqi Muzeyi birgə sərgilər təş...
03 May
"Prezident Kuboku - 2024" beynəlxalq reqatasının bağlanış mərasimi keçirilib
03 May
YAP Həmkarlar İttifaqı Komitəsinin hesabat yığıncağı keçirilib
03 May
Qafqaz Müsəlmanları İdarəsinin sədri ölkəmizdə səfərdə olan dini liderlərlə görüşüb...
03 May
Şərqi Afrikada minlərlə qaçqın daşqından zərər çəkib
03 May
İsrail atəşkəs təklifini qəbul etmək üçün HƏMAS-a vaxt verib
03 May
“Qarabağ” – “Neftçi” oyununun hakimləri açıqlanıb
03 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!