“Qarabağ”ın qələbəsi, “Neftçi”nin məğlubiyyəti
Ağdam klubu topla, flaqman isə azarkeşlərin əsəbləri ilə oynadı
Avqustun 26-sı Azərbaycan futbolu adına əlamətdar gün kimi düşə bilərdi. İlk dəfə yaradılan UEFA Konfrans Liqasının qrup mərhələsinə təmsilçilərimiz “Qarabağ” və “Neftçi” qatılmaqla bir ilki gerçəkləşdirmək imkanına malik idilər. Düzdür, Ağdam klubu bu vəzifənin öhdəsindən layiqincə gəldi. Amma paytaxt komandası azarkeşlərin arzusunu ürəyində qoydu. Ötən mövsüm Azərbaycan Premyer Liqasını ikinci yerdə başa vuran, ardıcıl 8 mövsüm “Qarabağ”ı avrokuboklarda qrup yarışlarınacan yüksəldən, ölkə futboluna indiyədək qismət olmayanı bəxş edən Qurban Qurbanov yenə də Ağdam klubunu beynəlxalq turnirin növbəti mərhələsinə çıxardı.
Şotlandiyanın “Aberdin” klubunu səfərdə 3:1 hesabı ilə məğlub edərək Konfrans Liqasında qrup mərhələsinə yüksələn ağdamlıların son dəqiqəyədək əzmlə mübarizə apardığını, oyunun gedişatını dəyişmək üçün əllərindən gələni etdiyinin şahidi olduq.
Lakin son çempion “Neftçi” barəsində bunu deyə bilmərik. Konfrans Liqasının pley-off mərhələsinin ilk matçında Bakıda İsrailin “Makkabi”(Hayfa) komandası ilə heç-heçə (3:3) oynayan “ağ-qaralar” səfərdə sözün birbaşa mənasında məğlub yox, rüsvay oldular - 4:0. Qarşılaşma boyu normal bir hücum qura bilməyən komandamızda məşqçi işinin də heç normal olmadığını gördük. Samir Abasovun komandası topla yox, azarkeşlərin əsəbləri ilə oynadı.
Yaradılan şəraitə baxmayaraq, zaman keçdikcə “Neftçi”nin geriyə getdiyini görürük. Bilirik ki, futbolda həmişə qalib gəlmək mümkün deyil. Komandalardan birinin uduzmağı labüddür. Onu da bilirik ki, “Makkabi” güclü komandadır. Amma “Neftçi” bu komandaya zəif olduğuna görə uduzmadı. Elə bil özü udmaq istəmirdi. 4 qol buraxmağı və normal bir hücum təşkil edə bilməməyi özgə necə qiymətləndirmək olar?!
Qısası, “Makkabi” ilə hər iki görüşdə “Neftçi”nin belə məsul bir oyuna hazır olmadığı, hətta məşqçinin öz dəyişikliklərində və oyunçulara verdiyi tapşırıqlarda futbolçuları qələbəyə kökləyə bilmədiyi açıq-aşkar göründü. Qarşılaşmadan öncə də qeyd etdiyimiz kimi, sanki ümid oyuna yox, möcüzəyə idi. Əlbəttə, məğlubiyyəti təkcə komandanın mövsümə yaxşı hazırlaşmaması ilə əsaslandırmaq diletantlıq olardı. Əsas səbəb daha dərindir. Bu, ilk növbədə, düzgün olmayan transfer siyasətinin nəticəsidir. Hücum xətlərində zəif nöqtələrin gücləndirilməməsi bu iki qarşılaşmada aşıq-aşkar göründü.
Ən acınacaqlı məqamlardan biri də “Neftçi” kimi ölkənin ən titullu komandasının oyuna cəmi 3 yerli və 8 legioner (?!) futbolçu ilə çıxmasıdır. Müqayisə üçün xatırladaq ki, “Qarabağ” son matça 7 yerli oyunçu ilə çıxmışdı. Necə deyərlər, əlavə şərhə ehtiyac yoxdur.
Komandaya istənilən sayda yaxşı legioner futbolçu transfer etmək olar. Puluna minnət... Lakin elə məsələlər var ki, dəyəri pulla ölçülmür. Vətənpərvərliyi, komandaya sevgini və məsuliyyət hissini tərbiyə etmək lazımdır! Yenidən “Qarabağ”ın qələbəsinə qayıdaq. Heç bir azərbaycanlı futbol azarkeşi “Qarabağ”ın bu turnirdə qrupu adlayaraq yekunda turnirin kubokunu başı üzərinə qaldıracağını düşünmür. Ancaq UEFA Çempionlar və Avropa liqalarından fərqli olaraq bu turnirdə rəqiblər komandamızın “dişi”nə uyğundur. Ona görə də gəlin nikbin olaq.
Uğurlar, “Qarabağ”!
Elçin CƏFƏROV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
Təhlükəsizlik təmin olunacaqmı?
04 May
Ölkəmizdə ilk dəfə Milli Xalça Festivalı keçiriləcək
04 May
Gənc rəssamın rənglər dünyası
04 May
Ən çox alqışlanan "balaca əsgər"
04 May
"Su axar, çuxurunu tapar"
04 May
BP-dən Azərbaycanda kibertəhlükəsizlik üzrə mütəxəssislərin yetişdirilməsinə dəstək
04 May
Ekoloji problemlər bütün beynəlxalq tədbirlərin əsas mövzularından biri olur
04 May
Azərbaycanın güc strukturları müasir texnologiya əsasında istehsal edilən texnika, silah və döyüş su...
04 May
Azərbaycan Fransa zülmündən xilas olmaq istəyən xalqların himayədarıdır
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!