Minskdə Belarus və Azərbaycan arasında elmi-texniki əməkdaşlığın inkişafına dair növbəti müqavilə imzalanmışdır
Belarus Milli Elmlər Akademiyasında (BMEA) bu qurumla Azərbaycan Milli Elmlər Akademiyası (AMEA) arasında elmi-texniki əməkdaşlığın inkişafına dair növbəti müqavilə imzalanmışdır.
Müqaviləyə əsasən hər iki ölkənin milli elmlər akademiyaları innovasiya texnologiyaları, energetika, tibbi fiziologiya, aerokosmik və digər fundamental elmlər sahəsində birgə strateji layihələrin həyata keçirilməsinə start vermişlər.
AzərTAc xəbər verir ki, AMEA-nın prezidenti akademik Mahmud Kərimovun rəhbərlik etdiyi nümayəndə heyəti ilə görüşdə BMEA-nın Rəyasət Heyətinin sədri Anatoli Rusetski bildirmişdir ki, rəsmi Mİnsk Azərbaycanla bir çox sahələrlə yanaşı, elmi-texniki əməkdaşlığın inkişafına da xüsusi önəm verir. Hər iki ölkənin milli elmlər akademiyaları və bu qurumlara daxil olan institutlar arasında elmi-texniki əməkdaşlığın inkişaf etdirilməsinin vacibliyi vurğulanmışdır. Qeyd olunmuşdur ki, son illər BMEA və AMEA-nın birgə həyata keçirdikləri 22 elmi layihə ölkələrimiz arasında iqtisadi-siyasi əlaqələrin fundamental inkişafına əsaslı zəmin yaratmışdır.
Görüşdə akademik M.Kərimov son illər Azərbaycan Respublikasının Prezidenti İlham Əliyevin Belarusa, Belarus Respublikasının Prezidenti Aleksandr Lukaşenkonun Azərbaycana rəsmi səfərlərindən sonra ölkələrimiz arasında bir çox sahələrlə yanaşı, elmi-texniki əlaqələrin yeni inkişaf mərhələsinə qədəm qoyduğunu vurğulamışdır. M.Kərimov bu gün hər iki ölkənin alim və ekspertlərindən ibarət işçi qrupunun elmi-texniki əməkdaşlığın inkişafına dair hazırladığı yeni saziş layihəsinin gələcəkdə səmərəli bəhrə verəcəyinə əminliyini bildirmişdir.
Sonra görüş yeni saziş layihəsini hazırlayan işçi qrupunun geniş iclası ilə davam etdirilmişdir.
İclasda Milli Məclisin İqtisadi siyasət komitəsinin sədri, Azərbaycan-Belarus parlamentlərarası dostluq qrupunun rəhbəri, akademik Ziyad Səmədzadə son illər Azərbaycanla Belarus arasında iqtisadi-siyasi əlaqələrin dinamik inkişafından söz açmışdır. Qeyd olunmuşdur ki, Azərbaycan və Belarus prezidentlərinin apardıqları məqsədyönlü siyasət nəticəsində son dövrlər ölkələrimiz arasında mal dövriyyəsi bir neçə dəfə artmışdır. Gəncə şəhərində inşa olunmuş müştərək traktor zavodu hazırda səmərəli fəaliyyət göstərir.
Tədbirdə AMEA-nın Aşqarlar Kimyası İnstitutunun direktoru akademik Vaqif Fərzəliyev, Belarusun Təhsil, Energetika, İqtisadiyyat və digər nazirliklərinin müavinləri və rəsmi nümayəndələri çıxış edərək ölkələrimiz arasında innovasiya texnologiyaları, energetika, səhiyyə, geofizika, aerokosmik və digər fundamental elmlər sahəsində əməkdaşlığın inkişafına dair geniş fikir mübadiləsi aparmışlar. Elmi əməkdaşlığın səmərəliliyi istiqamətində rəy və təkliflər bildirilmişdir.
Sonra AMEA və BMEA arasında elmi-texniki əməkdaşlığa dair memorandum imzalanmışdır.
Müqavilədə birgə elmi-praktiki konfransların keçirilməsi, fundamental elmi araşdırmalar sahəsində təcrübə mübadiləsinin aparılması məsələləri əksini tapmışdır.
Eyni zamanda, AMEA-nın Aşqarlar Kimyası İnstitutu və Polimer Materialları İnstitutu ilə BMEA-nın Yeni Materialların Kimyası İnstitutu arasında birgə elmi əməkdaşlığa dair müqavilə imzalanmışdır.
Sonra AMEA-nın nümayəndə heyəti BMEA-nın Tarix Muzeyi ilə tanış olmuşdur.
Səfər çərçivəsində azərbaycanlı alimlər BMEA-nın İnformatika, Kimya, Fizika və digər institutlarının fəaliyyəti və istehsalat müəssisələri ilə də yaxından tanış olmuş, gələcəkdə birgə əməkdaşlığın perspektivlərini müzakirə etmişlər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanla Qambiya diplomatik pasport sahibləri üçün viza tələbini aradan qaldırıb
04 May
IOFS-in baş direktoru Azərbaycanın beynəlxalq yardım fəaliyyəti barədə məlumatlandırılıb...
04 May
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!