25 Avqust 2023 10:20
11331
Oxucu məktubları
A- A+

Lənkəranlı qız Xaricdə Təhsil üzrə Dövlət Proqramının qalibi olub

 

Şəhla Abbaszadə. İndi bu gənc qızın adı Lənkəranda böyük hörmət və qürurla çəkilir. Çünki oxuyub öyrənməyə olan sonsuz həvəsi onu Xaricdə Təhsil üzrə Dövlət Proqramının qalibi etmişdir. 
Şəhla Abbaszadə 2019-cu ildə Lənkəran şəhər 4 saylı məktəbi əla qiymətlərlə başa vurub. Bakalavr təhsilini ingilis dili müəllimliyi ixtisası üzrə Azərbaycan Dillər Universitetində alıb. Bu təhsil ocağını da  fərqlənmə diplomu ilə bitirib. İndi isə Şəhla magistr təhsilini Böyük Britaniyanın ən nüfuzlu universiteti olan Qlazqo Universitetində inklüziv təhsil üzrə davam etdirəcək.
Onu da bildirək ki, Şəhla Abbaszadə eyni zamanda Böyük Britaniya və Şimali İrlandiya Birləşmiş Krallığının Şeffild Universitetinə, Bristol Universitetinə, eləcə  də London Universitetinə  qəbul olunmuşdur. O, təhsilini davam etdirmək üçün Qlazqo Universitetini seçib.

Z.ƏLİYEV 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video