04 Aprel 2023 19:36
3139
Səhiyyə
A- A+

İltihab və qocalma ilə mübarizədə kömək edən tərəvəzlər

 

Alimlərin fikrincə, iltihabın profilaktikası sayəsində qocalmanı yavaşlatmaq olar. “Aging and Disease” nəşrində dərc edilmiş hesabatda deyilir ki, müalicə olunmayan iltihab nəticədə qocalma prosesini sürətləndirə və yaşla bağlı xəstəliklər riskini artıra bilər. Beləliklə, iltihabın profilaktikası həm də qocalmanı yavaşlatmağa imkan verir. Orqanizmdə xroniki xəstəliklərlə mübarizə yollarından biri hərəkətli həyat tərzi ilə birlikdə sağlam qidalanmadır. Mütəxəssislər deyirlər ki, üstəlik, qida maddələri ilə zəngin müəyyən məhsullar iltihab və vaxtından əvvəl qocalma ilə mübarizədə xüsusilə səmərəli kömək edirlər.

AZƏRTAC tibb saytlarına istinadla bu qida məhsullarından bəhs edir.

Kök. Bədənin sağlam sümük və dəri vəziyyətini dəstəkləyən A vitamininin yaradılması üçün istifadə etdiyi karotenoid - beta-karotin ilə zəngindir. Kök orqanizmdə iltihab və oksidləşdirici stresi azalda, immun sisteminin möhkəmləndirilməsinə kömək edə bilər.

Bolqar istiotu. Təbii antioksidantlar olan C və A vitaminləri ilə zəngindir. Antioksidantların yüksək səviyyəsi onu iltihaba qarşı möhtəşəm məhsula çevirir.

Brokkoli. Brokkoli orqanizmdə C-reaktiv zülalları kimi iltihab markerlərinin səviyyəsini azaltmağa qadirdir. Təbii antioksidantlar olan böyük miqdarda sulforofanlar bu tərəvəzi iltihab əleyhinə məhsula çevirir.

Kartof. Təzə kartof lif, kalium və azad radikallarla mübarizə aparmağa qadir olan C vitamini ilə zəngindir. Qaynadılmış, bişmiş və ya soyudulmuş halda qəbul edilən tərəvəz iltihabı azalda, orqanizmdə xolesterin və qan təzyiqinin səviyyəsini aşağı sala, revmatoid artritdə ağrını azalda bilər.

Yaşıl yarpaqlı tərəvəzlər. Yarpaqlı tərəvəzlər tərkibində yüksək səviyyədə antioksidantlar və polifenolların olduğuna görə ən faydalı iltihab əleyhinə qida məhsulları siyahısına daxil olunub. İspanaq, kələm, yarpaqlı salatlar orqanizmi A, C, E və K vitaminləri, dəmir, kalium, kalsium, maqnezium və liflə təmin edirlər.

Sarımsaq. Bu tərəvəz iltihab əleyhinə xüsusiyyətlərə malik olan kükürd tərkibli birləşmələrlə zəngindir, onlar hətta bəzi xərçəng şişlərinin artmasının qarşısını alırlar.

Soğan. İltihabı azaltmağa kömək edən kaliumla yanaşı, bu əlçatan tərəvəz, həmçinin iltihab əleyhinə effektə malik olan kvertsetin kimi antioksidantla da zəngindir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video