Fizioterapiyanın faydası
Onurğada ağrı sindromlarının, yırtıqlar, skolioz və müxtəlif qamət problemlərinin yaranmasının əsas səbəblərindən biri oturaq həyat tərzidir. Gün ərzində uşaqların təxminən 6-7 saat, böyüklərin isə 8-9 saat oturaq vəziyyətdə, qapalı məkanlarda olduğunu düşünsək, nəticə heç də təəccüblü görünməz.
Bu problemlərin həlli üçün tibdə fizioterapiya geniş tətbiq olunur. Gündən-günə inkişaf edən fizioterapevtik üsulların köməyi ilə xəstəliklərin dayaq-hərəkət sisteminə vurduğu zərərləri aradan qaldırmaq və qısa zamanda gündəlik həyata qayıtmanı təmin etmək mümkündür.
Onurğa sütununun deformasiyaları vaxtında aşkar edilməlidir
Müasir təbabətdə fizioterapiyanın rolunun vacib və əvəzolunmaz olduğunu bildirən Səhiyyə Nazirliyi Elmi-Tədqiqat Tibbi Bərpa İnstitutunun fizioterapevti Ülviyyə Mikayılzadə deyir ki, bir çox dərmanın yan təsirləri, bəzi hallarda isə allergik reaksiyaların baş verməsi, əks-göstərişlərin olması fiziki amillərin daha geniş və fəsadsız tətbiqini zəruri edir: "Təbii faktorlar, o cümlədən müalicəvi mineral suları, palçıq müalicəsi, Naftalan nefti, duz mağaraları əvəzsiz müalicə üsullarındandır. Həmçinin elektroprosedurlar, kvant terapiyası, ultrasəs müalicəsi, maqnitoterapiya bir çox xəstəliyin müalicə və profilaktikasında geniş tətbiq olunur. Fizioterapiyada həm təbii, həm də fiziki amillər (aparat fizioterapiyası) bir çox xəstəlikdə, xüsusən də dayaq-hərəkət, sinir sistemi, travmatoloji, uroloji, ginekoloji, dəri, pediatrik, tənəffüs və ürək-damar sistemi xəstəliklərində geniş və uğurla tətbiq olunur".
Daha çox uşaq və yeniyetmələrdə rast gəlinən, dayaq-hərəkət sistemi xəstəliklərindən biri olan skolioz yaşlı insanlarda degenerativ proseslər fonunda da əmələ gəlir. Ü.Mikayılzadə bildirir ki, bu patologiyanın erkən diaqnostikası və müalicəsi vacibdir, çünki gecikmiş formalarda əməliyyat qaçılmaz olur: "Onurğa sütununun müxtəlif nahiyələrində, daha çox döş və bel seqmentlərində əyriliklər müşahidə olunur. Onurğa sütununun deformasiyalarını nə qədər tez aşkar edib, müvafiq prosedurlar tətbiq olunsa, bir çox fəsadın qarşısını almaq mümkündür. Skoliozun müxtəlif formaları var. Bunlara kongenital, neyromuskulyar, idiopatik formalar aiddir. Kongenital forma anadangəlmə olub, onurğa fəqərəsinin qüsurları ilə əlaqədardır. Neyromuskulyar forma nevroloji xəstəliklər fonunda yaranır. İdiopatik formaya daha çox rast gəlinir. Xəstəlik digər sistemlərdə və orqanlarda heç bir patologiyalar olmadan, hətta tamamilə sağlam bir uşaqda baş verə bilər".
Mütəxəssisin sözlərinə görə, skoliozun simptomları inkişaf dərəcəsinə görə müxtəlif olur: "Bu zaman çiyin və çanaq hündürlüyündə olan assimetriya, kürək sümüklərində hündürlük fərqinin qeyri-bərabər vəziyyəti, döş qəfəsində qeyri-simmetriya, bel nahiyəsində çuxur görünməsi aşkar olunur. Yenidoğulan uşaqlarda və 3 yaşa qədər aşkar olunan skoliozlar infantil forma olub, çox zaman bud-çanaq displaziyası ilə müşayiət olunur. Yuvenil (yetkinlik yaşına çatmayan) idiopatik skolioz - onurğanın əyriliyi uşaqlarda 3 yaşdan 10 yaşa qədər inkişaf edir. Yetkinlik skolioz 10-18 yaş arası görülən skoliozdur. Pediatrik skoliozların 80 faizi məhz bu qrupa aiddir".
Mütəxəssislərin rəyi nəzərə alınmalıdır
Ü.Mikayılzadə deyir ki, fizioterapiya tətbiq edilməzdən öncə ilkin olaraq rentgenoloji müayinələrin aparılması və skoliozun dərəcəsinin təyini vacibdir: "Fizioterapevtik prosedurlar arasında onurğa sütunu deformasiyalarında daha geniş tətbiq olunan müalicəvi idman və massaj, əzələ gücləndirilməsi, elektrostimulyasiya, kalsium, fosfor elektroforezi, hovuzda üzmələr geniş tətbiq olunur. Skoliozun dinamikasının izlənməsi vacibdir və xəstələr həkim nəzarətində olmalı, yanaşı profilaktik tədbirlər aparılmalı, kalsium, fosfor, D tərkibli vitaminlər, xüsusi qida menyusu tərtib olunmalıdır".
Mütəxəssis bildirib ki, xəstəliyin gedişatından asılı olaraq qan, rentgenoloji və ultrasəs, EKQ ilkin aparılan müayinə üsullarındandır: "Eləcə də yanaşı gedən prosesləri araşdırarkən daha geniş müayinələrin aparılması vacib hesab olunur. Fizioterapevtik müalicənin təyini zamanı digər mütəxəssislərin də rəyi nəzərə alınmalı və pasiyent üçün individual müalicə planı işlənib hazırlanmalıdır. Həmçinin pasiyentlərlə maarifləndirici söhbətlərin aparılması, fizioprofilaktik tədbirlərin planlaşdırılması məqsədəuyğundur".
Naftalan şəhəri ərazisində əldə olunan yüksək müalicəvi təsirə malik eyniadlı neft naften turşuları və naften karbohidrogenləri ilə zəngindir. Fizioterapevt bildirir ki, zəngin kimyəvi tərkibi sayəsində naftalanoterapiya hiposensibilizasiya, iltihabəleyhinə, ağrıkəsici effekt yaranır, mübadilə - trofiki proseslər stimullaşır, toxumaların fizioloji regenerasiyası tənzimlənir. Naftalan nefti həm ümumi vanna, həm də lokal yaxma, applikasiya zamanı rafinə olunmuş, qətransızlaşdırılmış naften karbohidrogenləri, naftomastika (naftalan nefti, parafin, sezerin, kamfora) naftalan yağı məlhəmləri şəklində tətbiq olunur. Əsasən dayaq-hərəkət sistemi, sinir sistemi, dəri xəstəlikləri, ginekoloji, LOR, uroloji xəstəliklərində geniş istifadə olunur. O, digər fizioterapevtik üsullarla kombinə olunan formada tətbiq olunduqda daha yüksək və dayanıqlı terapevtik nəticə verir.
Ülkər XASPOLADOVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Avropa çempionu olan Azərbaycan şahmatçısı mükafatlandırılıb
30 Aprel
Avropa İttifaqında TikTokun bloklanması istisna olunmur
30 Aprel
“AzerGold”da təhlükəsiz iş saatlarının sayı 5 milyonu ötüb
30 Aprel
Odessaya raket hücumu nəticəsində ölənlərin sayı 5 nəfərə çatıb
30 Aprel
Qubada yaşayan dağ yəhudiləri Pesax bayramını qeyd edirlər
30 Aprel
Əfqanıstanda məscidə hücum nəticəsində altı nəfər həlak olub
30 Aprel
Prezident İlham Əliyev Pakistanın MUSLİM İnstitutunun direktorunu qəbul edib
30 Aprel
Azərbaycan Ali Məhkəməsi ilə Əlcəzair Ali Məhkəməsi arasında Anlaşma Memorandumu imzalanıb...
30 Aprel
Azərbaycan neftinin qiyməti ucuzlaşıb
30 Aprel
Dünyanın mədəni tərəqqisinə Azərbaycanın dəyərli töhfələri TƏHLİL
30 Aprel
DİQQƏT ÇƏKƏNLƏR
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
Möhkəm təmələ əsaslanan müttəfiqlik24 Aprel 2024
ÇOX OXUNANLAR
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
Azərbaycan və Rusiya prezidentlərinin Baykal-Amur Magistralının 50 illik yubileyi münasibətilə dəmir...22 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!