04 Oktyabr 2022 11:19
505
DÜNYA
A- A+

Ərdoğan Paşinyanla Türkiyə-Ermənistan münasibətlərinin normallaşmasını müzakirə edəcək

 

Türkiyə Prezidenti Rəcəb Tayyib Ərdoğan Ermənistanın baş naziri Nikol Paşinyanla oktyabrın 6-da Praqada Avropa Siyasi Birliyinin sammiti çərçivəsində görüşəcək.

AZƏRTAC xəbər verir ki, bu barədə “Sabah” qəzeti öz mənbələrinə istinadla məlumat yayıb.

Türkiyə lideri oktyabrın 1-də parlamentdə çıxışı zamanı belə bir görüşün mümkünlüyünü bildirib. Qəzetin məlumatına görə, görüşdə Türkiyə və Ermənistan arasında münasibətlərin normallaşması məsələsinin müzakirəsi planlaşdırılır. Eyni zamanda, gözlənilir ki, Rəcəb Tayyib Ərdoğan ikitərəfli münasibətlərin nizamlanması üzrə xüsusi nümayəndələrin görüşlərini üçüncü ölkələrdə deyil, növbə ilə Türkiyə və Ermənistanda keçirməyi təklif edəcək. Bundan əlavə, Türkiyə Prezidenti regionda gərginliyin azaldılması və Ermənistanla Azərbaycan arasında sülh müqaviləsinin tezliklə imzalanmasına dair təkliflər də verəcək.

Xatırladaq ki, Türkiyə və Ermənistan arasında normallaşma prosesi üzrə xüsusi nümayəndələrin - Türkiyənin ABŞ-dakı sabiq səfiri Sərdar Kılıç ilə Ermənistan parlamentinin sədr müavini Ruben Rubinyanın ilk görüşü Moskvada, sonrakı iki görüş isə Vyanada keçirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video