Beynəlxalq Türk Mədəniyyəti və İrsi Fondu tərəfindən Üzeyir Hacıbəylinin İspaniyada nəşr olunmuş poçt markalarının təqdimatı keçirilib
Beynəlxalq Türk Mədəniyyəti və İrsi Fondunda Azərbaycanın və bütövlükdə türk dünyasının görkəmli bəstəkarı, musiqişünas-alimi, publisisti, dramaturqu, pedaqoqu, Şərqdə ilk opera və operettanın müəllifi, Azərbaycan milli musiqi məktəbinin banisi Üzeyir Hacıbəyliyə həsr olunmuş tədbir çərçivəsində böyük bəstəkarın 135 illik yubileyi münasibətilə Fond tərəfindən İspaniyada nəşr olunmuş poçt markalarının təqdimatı keçirilib.
AZƏRTAC xəbər verir ki, təqdimat mərasimində dövlət rəsmiləri, Azərbaycanda akkreditə olunmuş səfirlər və diplomatik korpusun nümayəndələri, tanınmış mədəniyyət və incəsənət xadimləri iştirak ediblər.
Beynəlxalq Türk Mədəniyyəti və İrsi Fondunun prezidenti Günay Əfəndiyeva tədbirin əhəmiyyətindən söz açaraq bildirib ki, hər il Azərbaycanda ənənəvi olaraq Milli Musiqi Günü silsilə tədbirlərlə qeyd edilir: “Üzeyir Hacıbəyli o dahi şəxsiyyətlərdəndir ki, neçə-neçə nəsillərin yetişməsində, milli təfəkkürün, milli şüurun formalaşmasında, eyni zamanda Azərbaycan və bütövlükdə türk dünyasının mədəniyyətinin və incəsənətinin inkişafında danılmaz rolu olub. Üzeyir bəyin fəaliyyəti, onun yaradıcılığı, həyatı o qədər çoxşaxəlidir ki, hər bir sahə üzrə neçə-neçə monoqrafiyalar yazılıb, tədqiqatlar aparılıb. Üzeyir bəyin operaları, musiqili komediyaları, ölməz romansları və digər əsərləri türk dünyasının musiqi xəzinəsinin inciləridir. Bu il Azərbaycan, ümumilikdə türk dünyası üçün tarixi bir ildir. Azərbaycan Respublikasının Prezidenti İlham Əliyevin qətiyyətli mövqeyi və Azərbaycan Ordusunun tükənməz gücü ilə tarixi torpaqlar işğaldan azad edilib. Üzeyir bəyin güllələnmiş heykəli artıq o acılardan, ağrılardan azad olub. Çünki o öz Vətəninə, torpağına qovuşub, öz evindədir. Necə ki, Qarabağ Azərbaycanın ayrılmaz parçası, Şuşa Azərbaycanın mədəniyyət paytaxtı kimi simvollarıdır, eləcə də dahi Üzeyir bəy də Azərbaycanın daimi simvollarından biridir”.
Günay Əfəndiyeva diqqətə çatdırıb ki, Beynəlxalq Türk Mədəniyyəti və İrsi Fondunun himayəsi ilə türk dünyası mədəniyyətinin və incəsənətinin görkəmli nümayəndələrinin zəngin yaradıcılığını daha geniş beynəlxalq auditoriyalarla tanış etdirmək məqsədilə poçt markaları çap olunur. Növbəti poçt markaları dahi bəstəkar Üzeyir Hacıbəylinin 135 illiyi münasibətilə İspaniyada nəşr edilərək, dövriyyəyə buraxılıb.
Tədbirdə çıxış edən Azərbaycan Respublikasının təhsil naziri Emin Əmrullayev dahi bəstəkar Üzeyir Hacıbəylinin Azərbaycan musiqi mədəniyyətinin inkişafındakı misilsiz xidmətlərindən söz açaraq, görkəmli bəstəkarın yaradıcılığından bəhs edib. Nazir Azərbaycan musiqisinin banisi və Azərbaycan milli kimliyinin ayılmaz parçası olan Üzeyir bəyin adının Azərbaycan musiqisində və təhsilində əvəzsiz və təkrarolunmaz bir iz buraxdığını bildirib. Uzun illər Azərbaycanın müxtəlif təsirlərə məruz qalmasına baxmayaraq musiqimiz özünəməxsusluğu ilə mövcudluğunu qoruyub saxlaya bilmişdir. Emin Əmrullayev Üzeyir bəyin nəinki Azərbaycan musiqisinin inkişafında, hətta təhsilinin formalaşmasında, irəliyə aparılmasındakı fəaliyyətindən də danışıb. Onun yaratdığı əsərlər bunu bir daha sübut edir. Görkəmli bəstəkarın irsinin öyrənilməsi və tədqiqinin nümunə olduğunu deyən nazir vurğulayıb ki, Üzeyir Hacıbəyli məktəbi bu gün olduğu kimi, gələcəkdə də insanlar üçün örnək olaraq qalacaq: “Üzeyir Hacıbəylinin doğum gününün Milli Musiqi Günü kimi qeyd edilməsi əlamətdar hadisədir. Bu münasibətlə bütün musiqi ictimaiyyətini təbrik edirəm. Fürsətdən istifadə edib, vaxtı ilə Üzeyir bəyin rəhbərlik etdiyi Bakı Musiqi Akademiyasının kollektivini də 100 illik münasibətilə təbrik edirəm”.
Təhsil naziri tədbirin təşkilinə görə Fondun rəhbərinə təşəkkür edərək “Biz Azərbaycan musiqisini, Azərbaycan mədəniyyətini müxtəlif formalarda tanıtmalıyıq və Beynəlxalq Türk Mədəniyyəti və İrsi Fondunun da bunu yüksək səviyyədə yerinə yetirir”, - deyə bildirib.
Üzeyir Hacıbəyli adına Bakı Musiqi Akademiyasının rektoru , Xalq artisti Fərhad Bədəlbəyli çıxış edərək, keçirilən tədbirin əhəmiyyətindən söz açıb.
Fərhad Bədəlbəyli deyib: “Üzeyir Hacıbəyli bizim hər birimiz üçün müqəddəs bir insandır. Mənim üçün isə xüsusilə əzizdir. Bizim ailədə Üzeyir bəyin adı böyük hörmətlə, məhəbbətlə çəkilib. Üzeyir bəyin adı bir zamanlar bizim akademiyadan götürülmüşdü. Daha sonra Azərbaycan Respublikasının sevimli Prezidentinin müvafiq tapşırığı ilə o ad yenidən bizim akademiyamıza qaytarıldı. Üzeyir bəy bir dərya kimi bizə yol göstərmişdir. Bizim musiqimiz qızıldır. Üzeyir bəyin şagirdləri Fikrət Əmirov, Qara Qarayev, Cahangir Cahangirov, Soltan Hacıbəyov və s. kimi dəyərli sənətkarlar musiqi xəzinəmizin incilərindəndir.
Mən çox şadam ki, Üzeyir bəyə həsr olunmuş tədbir məhz türk evində, Beynəlxalq Türk Mədəniyyəti və İrsi Fondunda keçirilir. Çox müstəsna haldır ki, Üzeyir bəyə həsr olunmuş poçt markası İspaniyada çap olunaraq Avropada yayılır”.
Daha sonra Azərbaycan Respublikasının Əməkdar artistləri Sahib Paşazadənin tarda və Kamran Kərimovun nağarada müşayiəti ilə poçt markaların möhürlənməsi mərasimi keçirilib. Zərfin üzərində yer alan Üzeyir Hacıbəyli markaları Beynəlxalq Türk Mədəniyyəti və İrsi Fondunun prezidenti Günay Əfəndiyeva, Azərbaycan Respublikasının Təhsil naziri Emin Əmrullayev və Üzeyir Hacıbəyli adına Bakı Musiqi Akademiyasının rektoru Fərhad Bədəlbəyli tərəfindən imzalanıb.
Tədbir 3 nömrəli Uşaq Gənclər İnkişaf Mərkəzinin və Müslüm Maqomayev adına 26 nömrəli onbirillik musiqi məktəbinin şagirdlərinin ifasında milli musiqi alətlərinin müşayiəti ilə Üzeyir Hacıbəylinin bəstələdiyi əsərlərdən səhnəciklərin nümayişi ilə davam edib.
Sonda uşaqlara Fond tərəfindən nəşr olunan kitabı paylanılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
Təhlükəsizlik təmin olunacaqmı?
04 May
Ölkəmizdə ilk dəfə Milli Xalça Festivalı keçiriləcək
04 May
Gənc rəssamın rənglər dünyası
04 May
Ən çox alqışlanan "balaca əsgər"
04 May
"Su axar, çuxurunu tapar"
04 May
BP-dən Azərbaycanda kibertəhlükəsizlik üzrə mütəxəssislərin yetişdirilməsinə dəstək
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!