Azərbaycan ilə Bolqarıstan arasında iqtisadi sahədə əməkdaşlığı genişləndirmək, ticarət dövriyyəsini artırmaq üçün yaxşı potensial, möhkəm hüquqi baza vardır
Azərbaycanda səfərdə olan Bolqarıstan Respublikası Xalq Məclisinin sədri xanım Tsetska Tsaçeva mayın 14-də Milli Məclisə gəlmişdir. Parlamentin binası önündə qonağı Milli Məclisin Sədri Oqtay Əsədov və digər rəsmi şəxslər qarşılamışlar.
Bolqarıstan parlamentinin sədri Milli Məclisin iclas zalına baxmış, Heydər Əliyev Xatirə zalı ilə tanış olmuşdur. Ümummilli lider, müasir müstəqil Azərbaycan dövlətinin memarı və qurucusu Heydər Əliyevin həyat və fəaliyyətini, xarici ölkələrə səfərlərini, keçirdiyi görüşləri əks etdirən fotomateriallar qonaqda dərin təəssürat yaratmışdır.
Sonra Tsetska Tsaçeva ilə Oqtay Əsədov arasında təkbətək görüş olmuşdur.
Daha sonra görüş geniş tərkibdə davam etdirilmişdir.
Oqtay Əsədov demişdir ki, ölkələrimiz arasındakı əlaqələrin qədim tarixi vardır. Azərbaycan dövlət müstəqilliyini bərpa etdikdən sonra münasibətlərimiz yeni müstəvidə inkişaf etməyə başlamışdır. Ölkələrimizin siyasi sahədə münasibətləri yüksək səviyyədədir. İqtisadi sahədə əməkdaşlığı genişləndirmək, ticarət dövriyyəsini artırmaq üçün yaxşı potensial, möhkəm hüquqi baza vardır və hökumətlərarası komissiya bu istiqamətdə fəaliyyət göstərir. Bu yaxınlarda Bolqarıstanın Baş naziri Azərbaycanda səfərdə olmuşdur. İnanırıq ki, bu cür yüksək səviyyəli səfərlər əlaqələrimizin inkişafı üçün daha geniş imkanlar yaradacaqdır.
O.Əsədov dövlətlərimiz arasında əlaqələrin inkişafında parlamentlərin rolunu, deputatlarımızın beynəlxalq təşkilatlardakı birgə fəaliyyətini xüsusi qeyd etmişdir.
Milli Məclisin Sədri Azərbaycanın əldə etdiyi uğurlardan danışmış, Dağlıq Qarabağ münaqişəsi barədə qonağa ətraflı məlumat vermişdir. Bildirilmişdir ki, təcavüzkar Ermənistanın Azərbaycan torpaqlarını işğal etməsi ölkəmizin inkişafına çox ciddi maneə yaradır.
Tsetska Tsaçeva onu Azərbaycana səfərə dəvət etməsinə və göstərilən qonaqpərvərliyə görə O.Əsədova minnətdarlığını bildirmişdir.
Bolqarıstan parlamentinin sədri qarşılıqlı səfərlərin, keçirilən görüşlərin ikitərəfli əlaqələrimizin daha da möhkəmlənməsinə yaxşı töhfə verəcəyini xüsusi qeyd etmişdir.
Bolqarıstan Xalq Məclisinin sədri Tsetska Tsaçeva qeyd etmişdir ki, əsas məqsəd ölkələrimiz arasında əlaqələri hərtərəfli inkişaf etdirməkdir. O, bu işə parlamentlərin böyük töhfələr verəcəyinə inamını ifadə etmişdir.
Sonra görüşdə hər iki ölkənin parlamentindəki dostluq qruplarının fəaliyyətinin genişləndirilməsi, qarşılıqlı səfərlərin intensivləşdirilməsi və s. məsələlər ətrafında geniş fikir mübadiləsi aparılmışdır.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İƏT Sammitində Ermənistan İslam irs nümunələrinin dağıdılmasına görə bir daha qınanılıb ...
04 May
“Real Madrid” 36-cı dəfə İspaniya çempionu olub
04 May
Azərbaycanın xarici işlər naziri pakistanlı həmkarı ilə Qambiyada görüşüb
04 May
Nazir: Zəngəzur dəhlizi Cənubi Qafqazdakı bütün ölkələrin bəhrələnməsinə imkan yaradacaq ...
04 May
Azərbaycan-Somali əməkdaşlığının hazırkı səviyyəsindən məmnunluq ifadə olunub
04 May
Azərbaycanla Mərakeş arasında viza rejimi aradan qaldırılıb
04 May
NATO siyasətçiləri Azərbaycanı təbrik ediblər
04 May
Azərbaycanın xarici işlər naziri Qambiyada türkiyəli həmkarı ilə görüşüb
04 May
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!