02 Iyul 2024 09:15
1949
Oxucu məktubları
A- A+

Görəsən, xəstələrin günahı nədir?

 

Mən şəkərli diabet xəstəsiyəm. Yaşım 60-ı keçib. Amma yaşadığım Binəqədi qəsəbəsindəki poliklinikadan dərman preparatlarını almaq üçün olmazın müsibətlər çəkirəm. 
Hər ayın 15-dən sonra sözügedən poliklinikaya yollanıb növbədə durmaq məcburiyyətində qalıram. Növbə gözləyənlərin isə sayı-hesabı olmur. Xəstələr hətta növbə tutmaq üçün səhər saat 6-dan gəlirlər. İşləyən vətəndaşlar üçün isə dərmanlarını almaq daha çətin olur. Çünki onların iş vaxtı saatlarla növbə gözləmək imkanları olmur.
Bir gün ayın sonu mənə dərman kağızımı almaq qismət oldu. Dərman verilən kabinetə yaxınlaşdım. Bildirdilər ki, ayın axırı olduğu üçün dərman yoxdur, gedib 9-cu mikrorayonda yerləşən aptekdən ala bilərsiniz. Dedim Binəqədidə 20-dən çox aptek var, niyə 9-cu mikrorayon? Sualıma cavab verən olmadı. Əlacsız qalıb deyilən ünvana üz tutdum. Orada mənə nə desələr yaxşıdır?! "Sizi bura niyə göndəriblər? Boş yerə bir belə yol qət etmisiniz. Bilmirlər ki, bizdə də dərman yoxdur..." Suyum süzülə-süzülə aptekdən əliboş ayrıldım. Öz-özümə sual verdim ki, görəsən, bizim təqsirimiz nədir ki, belə etinasızlıqla qarşılaşırıq?!

B.MİRZƏYEV,
Bakı şəhər Binəqədi qəsəbəsinin sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video