16 Noyabr 2026 15:51
746
CƏMİYYƏT
A- A+
Şəhidliyin və qəhrəmanlığın yazıya hopan salnaməsi  

Şəhidliyin və qəhrəmanlığın yazıya hopan salnaməsi  


“Azərbaycan” qəzetində şəhid Elgün İsmayılov adına ənənəvi yaradıcılıq müsabiqəsinə yekun vuruldu


Elə yazılar var ki, onların hər sətri bir xatirə, hər cümləsi bir minnətdarlıq, hər sözü bir Vətən sevgisi daşıyır. Şəhidlərimizin ömür yolu, qazilərin qəhrəmanlıq salnaməsi və xalqımızın Zəfər tarixi haqqında yazmaq məhz belə bir məsuliyyətdir. Çünki bu mövzuların arxasında xalqın taleyi, milyonların qüruru, minlərlə ailənin ağrısı və sonsuz minnətdarlığı dayanır.

“Azərbaycan” qəzeti redaksiyasının ənənəvi olaraq hər il keçirdiyi şəhid əməkdaşımız Elgün İsmayılov adına yaradıcılıq müsabiqəsi də məhz bu mənəvi dəyərlərin yaşadılmasına, Vətən uğrunda canından keçən qəhrəmanlarımızın xatirəsinin əbədiləşdirilməsinə xidmət edir. Dünən redaksiyada növbəti dəfə bu münasibətlə təşkil olunan tədbirdə qəzetin baş redaktoru Bəxtiyar Sadıqov  çıxış edərək şəhidlik zirvəsindən, onun  müqəddəsliyindən, Vətən sevgisinin ucalığından, xalqımızın qəhrəman oğullarının misilsiz şücaətindən danışdı.

Baş redaktor çıxışında o məqama xüsusi diqqət çəkdi ki, 6 il əvvələ qədər şəhidlik və qəhrəmanlıq mövzusunda yazılan hər məqalənin arxasında böyük bir nisgil vardı. Jurnalistlər yazılarına Vətən həsrətini, torpaq nisgilini köçürdülər. Çünki  Qarabağ hələ azad deyildi, Şuşaya qovuşmaq, doğma yurd yerlərində bayrağımızın dalğalanmasını görmək xalqımızın ən böyük arzusu idi.

Bu gün isə tarix başqa cür yazılır. Artıq biz qalib xalqın övladıyıq. Azərbaycan Ordusunun qəhrəmanlığı, əsgər və zabitlərimizin fədakarlığı, dövlətimizin  başçısı Ali Baş Komandan İlham Əliyevin qətiyyəti və  xalqımızın birliyi sayəsində torpaqlarımız işğaldan azad edilib, ərazi bütövlüyümüz və suverenliyimiz tam bərpa olunub. İndi jurnalistin qarşısında başqa bir vəzifə durur. O da  qazanılmış Zəfərin tarixini yazmaq, 44 günlük Vətən müharibəsində göstərilən qəhrəmanlığı gələcək nəsillərə çatdırmaqdır.  Bu, yalnız peşə vəzifəsi deyil, həm də mənəvi borcdur.  Çünki yazılan hər sətir həm tarixi yaddaşın qorunmasına, həm də qəhrəmanlıq salnaməsinin yaşadılmasına xidmət edir.

“Azərbaycan” qəzetinin əməkdaşları  bu məsuliyyəti öz yaradıcılıqlarında daim hiss edirlər.  Birinci Qarabağ müharibəsi şəhidi Elgün İsmayılovun adını daşıyan ənənəvi yaradıcılıq müsabiqəsində qəzetin üç əməkdaşının – Züleyxa Əliyeva, Rəşad Cəfərli və Elşən Qəniyevin qalib olması bunun nümunəsidir. Onların təqdim etdikləri yazılarda Vətən sevgisi, şəhidlərimizin xatirəsinə ehtiram, qəhrəmanlıq tariximizə bağlılıq səmimi və ürəkdən gələn sözlərlə ifadə olunub. Bu yazılar sadəcə müsabiqəyə təqdim edilən jurnalist yazıları deyil, həm də tarixi yaddaşımıza, milli dəyərlərimizə sədaqətin ifadəsidir.

Elgün İsmayılovun timsalında öncə bütün şəhidlərinin əziz xatirəsinin bir dəqiqəlik sükutla yad edildiyi tədbirdə  müsabiqənin qalibləri çıxış edərək, öz təəssüratlarını, qürur və minnətdarlıq duyğularını bölüşdülər. Hər üç əməkdaşımızın  ürək sözlərində eyni duyğu, eyni məsuliyyət hissi duyulurdu: “Şəhidlərimizin bizə əmanət qoyduğu Vətənə layiqli övlad olmaq, onların qəhrəmanlıq tarixini yaşatmaq və gələcək nəsillərə çatdırmaq hər birimizin mənəvi borcudur”. 

Müsabiqənin qalibləri üçün bu mükafat, şübhəsiz, yaradıcılığa verilən qiymət olmaqla yanaşı, həm də böyük mənəvi məsuliyyətdir. Çünki şəhid adını daşıyan müsabiqədə qalib gəlmək qəhrəmanların xatirəsinə ehtiramın, onların adını və şücaətini sözlə yaşatmaq istəyinin ifadəsidir. Şəhidlərin əmanətinə sahib çıxmaq, onların qəhrəmanlığını gələcək nəsillərə çatdırmaq hər bir jurnalistin mənəvi borcudur.

Zaman dəyişib, tariximizin səhifələri yenilənib. İllər öncə nisgil hopmuş vətənpərvərlik mövzuları bu gün Zəfər qüruru ilə qələmə alınır. Şəhidlərimizin qəhrəmanlığı xalqımızın yaddaşında yaşadıqca, onların igidliyindən bəhs edən yazılar da nəsildən-nəslə ötürüləcək – qəzetimizdə olduğu kimi.


 “Azərbaycan”


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Kiyev vilayətində bina dronla vurulub, 14 nəfər dağıntılar altında qalıb

14:09
22 Noyabr

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Xankəndidə “Prezident kuboku” uğrunda yarışda 300-ə yaxın atlet iştirak edib

13:17
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycan və İordaniya vətəndaşları üçün qarşılıqlı viza tələbi ləğv edilib

12:43
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!