11 Iyul 2023 10:30
72260
Oxucu məktubları
A- A+

Saray qəsəbəsində piyada keçidinə ehtiyac var

 

30 ildən çoxdur ki, Abşeron rayonunun Saray qəsəbəsində yaşayıram. Əvvəlki dövrdə yollarımız pis gündə idi. Küçələrdən keçən maşınların toz-torpağı evləri bürüyürdü. İndi isə yollarımız təmirlidir. Səkilər, qəsəbədaxili küçələr,  demək olar ki, hamısı abadlaşıb. 
Bakıdan Sumqayıta gedən yol da Saraydan keçir. Hər gün səhər saatlarından günbatanadək maşınlar küçələrdə şütüyür. Sarayın ən uzun küçəsi Ulu Öndər Heydər Əliyevin adını daşıyır. Yolun bir başı Sumqayıt, digər başı isə Masazır yolu ilə birləşir. Küçənin birləşdiyi yerdə dairə var. Üç istiqamətə yolu idarə edən dairə  kiçik diametrdədir. Bəzən dairəyə girən avtomobil qarşıdan gələnlə toqquşur.
Əgər  dairə bir qədər geniş və betonla hörülmüş olsa, maşınlar da  rahat manevr edər. Yolun həmin hissəsini genişləndirməklə bunu etmək mümkündür. Həm də küçədə  yol hərəkətini nizamlayan yerüstü xətlər pozulub. Piyada keçidləri görünməz haldadır. Odur ki, maşınlar haradan gəldi keçir. 
Bizcə, uzunluğu 2 kilometrə yaxın olan bu yolun üzərində piyada keçidinin tikilməsi də vacibdir. 

Tuncay MƏMMƏDOV,
Abşeron rayonunun Saray qəsəbə sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video