25 Avqust 2023 10:10
11507
Oxucu məktubları
A- A+

İçməli su problemimiz də həll edildi

 

Gültəpə bizim ucqar dağ kəndimizdir. 170-dən artıq ailənin yaşadığı kəndimizə təbiət bütün gözəllikləri bəxş edib. Sakinlər də işgüzardır. Kimi heyvandarlıq, kimi quşçuluq, kimi də meyvəçiliklə ailələrini dolandırırlar. 
Sağ olsun dövlətimiz, işığımız, yolumuz normaldır. Hətta ötən il kəndə internet də çəkilib. Dünyanın dörd bir tərəfi ilə əlaqə saxlayır, baş verən hadisələrdən xəbər tuturuq. Suvarma suyumuz da boldur. Kəndin içindən keçən xırda çay hamının karına gəlir. Elə ona görədir ki, həyətlər yaşıllığa qərq olub. 
Amma içməli su ilə bağlı problem yaşayırdıq. Su idarələrinə müraciət etdik. Lakin məsələnin bir qədər gec həll olunacağını bildirdilər. 
Bu günlər rayon rəhbərləri ilə görüş vardı. Camaatımız problemi onların nəzərinə çatdırdı. Bələdiyyə və icra nümayəndəliyi elə səhəri gün içməli su məsələsinin həllinə başladı. Əlaqədar təşkilatlardan işçilər gəlib köhnə su quyusunu təmizlədi. Suyu olmayan ailələrə plastik borularla xətlər çəkildi. Öz axarı ilə gedən su hamının həyətinə qədər aparıldı. Bununla da problem öz həllini tapdı. Deməli, bütün problemləri həll etmək mümkündür. Sadəcə bunun üçün məsuliyyət və istək gərəkdir.

Səmayə QARAYEVA,
Quba rayonunun Gültəpə kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video