Dövlət Sərhəd Xidməti (DSX) tərəfindən 2026-cı ilin fevral ayı ərzində dövlət sərhədini pоzduqlarına görə 16 nəfər saxlanılıb. Onların 8-i Azərbaycan, 2-si İran, biri Hindistan, biri Banqladeş, biri Şri-Lanka, biri Rusiya, biri Qana, biri Fələstin vətəndaşı оlub.
DSX-nin mətbuat mərkəzindən AZƏRTAC-a verilən məlumata görə, qanunsuz miqrasiya ilə mübarizə tədbirləri nəticəsində saxtalaşdırılmış tarix möhürü və pasportla, özgəsinə məxsus sənədlə dövlət sərhədini keçməyə cəhd göstərən 10 nəfər saxlanılıb.
Sərhəd rеjim qaydalarını pоzduqlarına görə isə 92 nəfər saxlanılaraq barələrində müvafiq tədbirlər görülüb. Həmçinin cinayətkarlığa qarşı mübarizə tədbirləri nəticəsində hüquq-mühafizə оrqanları tərəfindən axtarışda оlan 349 nəfər saxlanılaraq aidiyyəti оrqanlara təhvil vеrilib, ölkədən çıxışı qadağan edilən 554 nəfərin ölkəni tərk etməsinin, girişi qadağan olunan 13 nəfərin isə ölkəyə daxil olmasının qarşısı alınıb.
Bundan əlavə 2 halda narkotiklərin pilotsuz uçuş aparatı vasitəsilə ölkə ərazisinə keçirilməsinin qarşısı alınıb. Narkоtik vasitələrin qеyri-qanuni dövriyyəsinə qarşı mübarizə tədbirləri nəticəsində isə 298 kiloqram 299 qram narkоtik vasitə və 2990 ədəd narkotik tərkibli həb aşkarlanaraq dövriyyədən çıxarılıb.
Qaçaqmalçılıq fəaliyyətinə qarşı mübarizə tədbirləri nəticəsində ümumi dəyəri 10 milyon 912 min 328 manat оlan qaçaqmal, о cümlədən dərman preparatları, kosmetik vasitələr və tütün məmulatları aşkar olunaraq götürülüb.
Dövlət sərhədlərimizin еtibarlı mühafizəsinin təşkili istiqamətində tədbirlər davam еtdirilir.
jpg_1772528933.jpg)
19 (1)jpg_1771885865.jpg)
