№ 222
Azərbaycan Respublikası Nazirlər Kabinetinin QƏRARI
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:
1. Azərbaycan Respublikası Nazirlər Kabinetinin 2008-ci il 7 mart tarixli 66 nömrəli Qərarı (Azərbaycan Respublikasının Qanunvericilik Toplusu, 2008, № 3, maddə 235 (Cild I); 2025, № 9, maddə 860, № 12 (II kitab), maddə 1225) ilə təsdiq edilmiş “Yetkinlik yaşına çatmayanlar üçün ixtisaslaşdırılmış sosial reabilitasiya müəssisələrində yetkinlik yaşına çatmayanlara xidmət göstərilməsi Qaydası”nda aşağıdakı dəyişikliklər edilsin:
1.1. 1.5-ci bənddə “qəbul” sözü “yerləşdirilmə və həmin müəssisəni tərk etmə” sözləri ilə, “şəxslərin (ailələrin) dövlət sosial xidmət müəssisələrinə yerləşdirilməsi” sözləri “şəxsin (ailənin) dövlət sosial xidmət müəssisəsinə yerləşdirilməsi və həmin müəssisəni tərk etməsi, habelə sosial xidmətin göstərilməsi” sözləri ilə əvəz edilsin;
1.2. 2.1.1-ci yarımbənddə “qəbul edilmiş” sözləri “yerləşdirilmiş” sözü ilə əvəz edilsin;
1.3. 2.1.2-ci yarımbənddə “qəbul edilmiş şəxslərin sanitariya-gigiyena normalarına uyğun şəraitdə yerləşdirilməsi” sözləri “yerləşdirilmiş şəxslərə sanitariya-gigiyena normalarına uyğun şəraitdə xidmətlərin göstərilməsi” sözləri ilə əvəz edilsin.
2. Azərbaycan Respublikası Nazirlər Kabinetinin 2021-ci il 25 may tarixli 149 nömrəli Qərarı (Azərbaycan Respublikasının Qanunvericilik Toplusu, 2021, № 5, maddə 528 (Cild I); 2024, № 3, maddə 314) ilə təsdiq edilmiş “Dövlət reabilitasiya müəssisələrinin təşkili və fəaliyyəti Qaydası”nın 5.10-cu bəndinə (birinci halda) “yerləşdirilməsi” sözündən sonra “və həmin müəssisəni tərk etməsi, habelə sosial xidmətin göstərilməsi” sözləri əlavə edilsin, “şəxslərin (ailələrin) dövlət sosial xidmət müəssisələrinə yerləşdirilməsi” sözləri “şəxsin (ailənin) dövlət sosial xidmət müəssisəsinə yerləşdirilməsi və həmin müəssisəni tərk etməsi, habelə sosial xidmətin göstərilməsi” sözləri ilə əvəz edilsin.
Əli Əsədov
Azərbaycan Respublikasının Baş naziri
Bakı şəhəri, “ 20 ” “ iyul ” 2026-cı il
