Azərbaycan ilə Misir arasında diplomatik əlaqələrin qurulmasının 20 illiyi ilə əlaqədar «Nil əxbar» və «Masriyya» telekanallarında efirə verilişlər getmişdir
Azərbaycan Respublikasının Misir Ərəb Respublikasındakı səfirliyindən AzərTAc-a bildirmişlər ki, Azərbaycan ilə Misir arasında diplomatik əlaqələrin qurulmasının 20 illiyi ilə əlaqədar səfir Şahin Abdullayevin iştirakı ilə aprelin 8-9-da ölkənin "Nil əxbar" və "Masriyya" aparıcı peyk telekanallarında efirə verilişlər getmişdir.
Verilişdə Azərbaycanın zəngin tarixi haqqında məlumat verən səfir Ş.Abdullayev Azərbaycanın müstəqilliyini ilk dəfə 1918-ci ildə qazandığını və bununla da Şərqin ilk parlamentli respublikasının Azərbaycanda təşəkkül tapdığını qeyd edərək 1920-ci ildə bolşevik işğalı nəticəsində ölkənin müstəqilliyini itirdiyini tamaşaçıların diqqətinə çatdırmışdır.
SSRİ-nin dağılmasından sonra Azərbaycanın müstəqilliyini bərpa etdiyini söyləyən səfir ermənilərin Azərbaycana qarşı tarixi ərazi iddiaları, Ermənistanın təcavüzü və Azərbaycan torpaqlarının 20 faizinin işğalı, bir milyondan artıq azərbaycanlının qaçqın və məcburi köçkün halına düşdüyünü qeyd etmişdir.
Müasir Ermənistan dövlətinin Azərbaycanın tarixi ərazilərində yaradıldığını xatırladan səfir BMT Təhlükəsizlik Şurasının, İslam Əməkdaşlıq Təşkilatının və digər beynəlxalq qurumların qətnamə və sənədlərinə məhəl qoymayan Ermənistanın münaqişənin həlli üzrə qeyri-konstruktiv mövqeyi, danışıqlar prosesi və ATƏT-in Minsk qrupunun fəaliyyəti haqqında televiziya tamaşaçılarına ətraflı məlumat vermişdir. Səfir Azərbaycanın açıq, şəffaf və tarazlı xarici siyasət yürütdüyünü və beynəlxalq ictimaiyyət tərəfindən Azərbaycanın etibarlı tərəfdaş kimi qəbul olunduğunu qeyd edərək Azərbaycanın BMT Təhlükəsizlik Şurasının qeyri-daimi üzvü seçilməsini bunun bariz nümunəsi olduğunu nəzərə çarpdırmışdır.
Azərbaycanın keçid dövrü təcrübəsi ilə bölüşən səfir Azərbaycanın müstəqilliyinin və suverenliyinin möhkəmləndirilməsində Azərbaycan xalqının ümummilli lideri Heydər Əliyevin müstəsna xidmətlərindən danışmış, Azərbaycanın siyasi, iqtisadi, sosial, elm, təhsil və idman sahəsində əldə etdiyi uğurları haqqında geniş məlumat vermişdir. Azərbaycanın neft-qaz strategiyası haqqında söhbət açan səfir Azərbaycanın dünyada ilk neft istehsal edən ölkə olduğunu və ərəb səyyahlarının əsərlərində ölkəmizin neft sərvətləri haqqında çoxsaylı məlumatların yazıldığını bildirmişdir.
Azərbaycan ilə Misir arasında əlaqələrin antik dövrlərə və erkən orta əsrlərə təsadüf etdiyini qeyd edən səfir Misirin Afrika qitəsi ölkələri və ərəb dövlətləri arasında Azərbaycanın müstəqilliyini tanıyan ilk ölkələrdən biri olduğunu nəzərə çatdıraraq ötən 20 illik dövr ərzində iki ölkə arasında siyasi, iqtisadi, mədəni və humanitar əlaqələrin inkişafı istiqamətində böyük uğurların əldə olunduğunu vurğulamışdır.
Verilişlər zamanı Azərbaycanın tarixi, mədəniyyəti, təbiəti, memarlıq abidələri və iqtisadiyyatı haqqında televiziya tamaşaçılarına maraqlı videosüjetlər də nümayiş etdirilmişdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
Bütün dünyada jurnalistlərin işi daha təhlükəli olur
04 May
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!