Yaddaşlarda yaşayanlar
Tanınmış tərcüməçi, ədəbiyyatşünas Elxan Xəlil oğlu İbrahimov XX əsr Azərbaycan ədəbiyyatının görkəmli nümayəndələrindən biri olmuşdur. O, 1921-ci il sentyabrın 29-da Üzeyir Hacıbəylinin silahdaşı, 1918-1920-ci illərdə Azərbaycan Xalq Cümhuriyyəti parlamentinin orqanı olan "Azərbaycan" qəzetinin baş redaktorlarından biri Xəlil İbrahimin ocağında dünyaya gəlmişdir. 15 yaşında ikən atası 1938-ci ildə repressiyanın qurbanı olmuş, bundan sonra ailənin qara günləri başlamışdır.
Elxan orta məktəbi əla qiymətlərlə bitirib elə həmin il Bakı Dövlət Universitetinin filologiya fakültəsinə daxil olsa da, "vətən xaini" övladı olduğundan təhsili yarımçıq qalır.
O, 1944-cü ildə bacısı Solmazla birlikdə Moskvaya yollanır və həmin il Lomonosov adına Moskva Dövlət Universitetinin filologiya fakültəsinin II kursuna daxil olur. Buranı da bitirmək ona nəsib olmur. 1947-48-ci illərdə Azərbaycan Dövlət Universitetinin filologiya fakültəsində yenidən buraxılış imtahanı verib ali təhsil diplomu alır.
Bu o vaxtlar idi ki, ailə artıq bəraət almış, hədə-qorxular nisbətən üzərlərindən götürülmüşdü. Elxan bütün gücü və bacarığı ilə ailəsinə, vətəninə, millətinə xidmət etməyə çalışıb. 1947-ci ildə Bakıda SSRİ Bədii Fondu Ümumazərbaycan şöbəsi bədii sərgi salonunun müdiri, sonra Moskvada SSRİ baş poliqrafiya nəşriyyatında yerli nəşrlər şöbəsinin redaktoru vəzifələrində işləmişdir. Bakıya qayıtdıqdan sonra bir müddət C.Cabbarlı adına "Azərbaycanfilm"də şöbə redaktoru vəzifəsində çalışmış, bir neçə il sonra isə Televeziya və Radio Verilişləri Komitəsinin "Ekran" yaradıcılıq birliyinə rəhbərlik etmişdir.
Ədəbiyyat və incəsənətin müxtəlif sahələrində uğurla çalışan Elxan İbrahimovun yaradıcılığının əsas hissəsini tərcüməçilik təşkil edir. Bədii tərcüməyə 50-ci illərdən başlamışdır. 1956-cı ildə çex yazıçısı Yaroslav Qaşekin "Hekayə və felyetonlar" kitabının Azərbaycan dilinə tərcüməsi E.İbrahimova şöhrət gətirir. Bir il sonra böyük rus yazıçısı M.Qorkinin əsərlərinin altıncı cildi də onun tərcüməsində oxuculara çatdırılır. Bundan sonra dünya şöhrətli yazarların əsərlərinin Azərbaycan dilinə tərcüməsi məhz Elxan İbrahimova tapşırılır.
O, qısa zamanda klassik rus yazıçılarının bir neçəsinin əsərlərini doğma dilə çevirməklə yanaşı, Azərbaycan sovet ədəbiyyatından Mehdi Hüseyni, S.Rəhimov, Mir Cəlal, Ə.Vəliyev, İ.Şıxlı, B.Bayramov, Y.Əzimzadə, İ.Məlikzadə, Ə.Qasımov və başqalarının əsərlərini rus dilinə tərcümə etmişdir.
Ötən gün Azərbaycan Yazıçılar Birliyinin "Natəvan" klubunda tanınmış tərcüməçi, ədəbiyyatşünas Elxan İbrahimovun anadan olmasının 90 illiyinə həsr olunmuş toplantı keçirildi. Tədbirdə iştirak edən ziyalılar, vaxtilə E.İbrahimovla bir yerdə çalışmış görkəmli söz və qələm ustaları onun tərcüməçi və ədəbiyyatşünas olmasından başqa, həm də Qarabağ, gözəl Şuşa havasını son anadək damarında, qanında daşımasından danışdılar. Dünya şöhrətli bəstəkar Arif Məlikov, akademik Teymur Bünyadov, xalq şairi Fikrət Qoca, Dövlət Mədəniyyət və İncəsənət arxivinin direktoru Maarif Teymur, şair Ənvər Əhməd, teatrşünas İlham Rəhimli və başqa tanınmış ziyalılar Elxan İbrahimov haqqında dəyərli fikirlər söylədilər, onunla birgə işlədikləri zamanlardan xatirələr danışdılar.
Rəsmiyyə RZALI,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!