Yaddaşlarda yaşayanlar
Vətənin oğul deyib ədalət və cəsarətinə güvəndiyi tarixi şəxsiyyətlərimiz az olmayıb. Təəssüflər ki, xalqımızın belə qəhrəmanları yetərincə olsa da, onların bəziləri sonrakı nəsillərə təqdim olunmayıb. Bunun əsl səbəbi kimi, müxtəlif dövrlərdə ictimai quruluşların gətirdiyi siyasi ab-hava göstərilir. Bununla yanaşı, xalqın yetişdirdiyi, ədalət və cəsarət simvolu sayılan igidləri qəlbimizdə saxlamışıq. Zaman-zaman torpaqlarımızın işğalına çalışmış erməni daşnak quldurlarının cavablarını verənlərin, xalqın qəlbində əsl qəhrəman kimi yaşayanların arasında laçınlı Sultan bəylə Xosrov bəy qardaşlarının son illər adları daha tez-tez çəkilir. Bunun səbəbi məhz onların vətənpərvərlikləri ilə bağlıdır.
Dövlət müstəqilliyimizin bərpasından sonra belə tarixi şəxsiyyətlərin xalqımıza qaytarılması (əslində, onlar daim qəlblərdə yaşayıblar) istiqamətində mühüm işlər görülür. Bu mənada tarix elmləri doktoru, professor Ziyadxan Nəbibəylinin "Nurlar" nəşriyyatında çapdan buraxılan "Sultan bəy və Xosrov bəy qardaşları" kitabının geniş oxucu auditoriyasına çıxarılmasının böyük əhəmiyyəti var.
Ötən əsrin 20-ci illərində Zəngəzur-Qarabağ bölgəsində xarici havadarlarının fəal hərbi-siyasi dəstəyi ilə erməni daşnakları tarixdə xalqımıza qarşı misli görünməmiş amansızlıqlar törətmiş, soyqırımı siyasəti yürütmüşlər. Etnik təmizləmə siyasəti həyata keçirmiş erməni-daşnak hərbi dəstələrinə qarşı ümumxalq mücadiləsinin başında duran xalq qəhrəmanı Sultan bəyin anadan olmasının 140 illiyi ilə əlaqədar işıq üzü görmüş yeni nəşr "Zəngəzur" Cəmiyyətləri Birliyinin elan etdiyi müsabiqənin şərtlərinə uyğun təqdim edilən ən yaxşı elmi-tarixi əsərlərdəndir.
Adı çəkilən kitabın işıq üzü görməsində məqsəd təkcə ata Paşa bəylə oğulları Sultan bəy və Xosrov bəyin xalqımıza bir daha təqdim olunması deyil. Qarabağın aranlı-dağlı ellərinin tarixi, etnoqrafiyası, məişəti, təsərrüfatı barədə elmi axtarışların nəticəsindən toplanmış kitabda bu torpağın yetirmələri kimi, onlar dosta dost, düşmənə düşmən xarakterli qəhrəman olaraq göstərilirlər. Müəllif haqlı olaraq göstərir ki, əsas məqsədi erməni daşnaklarının xalqımıza hansı zillətləri verdiklərini, onlara qarşı aparılmış nümunəvi mübarizəni yaddaşlara və tarixə həkk etməkdir. Elmi və tarixi axtarışların nəticəsi olan bu publisistik əsər Azərbaycanın qədim torpaqlarından olan Zəngəzur mahalının Hacısamlı bölgəsinin yetirməsi Sultan bəydən, qardaşı - Azərbaycan Xalq Cümhuriyyətinin ilk hərbi naziri, Gəncə və Qarabağın general-qubernatoru Xosrov bəydən, atası Paşa bəydən və təmsil olunduqları Qarabağ - Zəngəzurun və onun Laçın bölgəsinin etnomənəvi dəyərlərindən bəhs edir.
Məhəmməd NƏRİMANOĞLU,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!