UEFA Avropa Liqasının final matçı ilə əlaqədar azarkeşlər üçün videobələdçi yayımlanıb
Mayın 24-də UEFA və AFFA Avropa Liqasının Bakıda keçiriləcək final qarşılaşması ilə əlaqədar azarkeşlər üçün videobələdçi yayımlanıb.
AZƏRTAC xəbər verir ki, videobələdçidə oyunu stadionda izləyəcək azarkeşlər üçün zəruri məlumatlar təqdim edilib.
Qeyd olunub ki, elektron qaydada alınmış biletlərin qarşılaşmaya bir həftə qalmış telefonlara göndərilməsinə başlanılıb. Biletləri qəbul etmək üçün uefa.com saytından xüsusi tətbiq telefonlara yüklənməlidir. Telefonlar IOS və Android əməliyyat sistemlərini dəstəkləməlidir. Oyun günü bütün biletlər təhlükəsizlik yoxlanışında aktivləşdiriləcək. Buna görə də telefonun enerji ilə dolu olduğuna diqqət yetirmək lazımdır. Stadiona yaxınlaşarkən mobil telefonların "bluetooth” funksiyasını aktivləşdirmək tələb edilir. Fiziki biletləri olan şəxslər biletləri təhlükəsiz yerdə saxlamalı və stadiona yaxınlaşan zaman yoxlanış üçün hazır etməlidirlər. Nəzərə almaq lazımdır ki, oyun günü stadionda bilet satışı həyata keçirilməyəcək və stadiona biletsiz giriş mümkün olmayacaq.
Çarxda diqqətə çatdırılıb ki, bilet almış azarkeşlər final qarşılaşması günü Bakı Olimpiya Stadionuna və əks istiqamətə iki ekspress marşrut üzrə hərəkət edəcək avtobuslarla daşınacaqlar. Avtobuslar X1 marşrut xətti üzrə metronun "Qara Qarayev”, X2 marşrut xətti üzrə isə "28 May” stansiyalarından hərəkət edəcəklər. Üç dəqiqə intervalla hərəkət edəcək avtobuslar saat 18:30-dan 23:00-dək işləyəcək. Azarkeşlər metro vasitəsilə "Koroğlu” stansiyasından da stadiona gələ biləcəklər. Stadiona şəxsi nəqliyyat vasitələri ilə gəlmək istəyən şəxslər xüsusi buraxılış kartını təqdim etməlidirlər. Oyun başa çatdıqdan sonra ekspress avtobuslar və metro azarkeşləri əks istiqamətə daşıyacaq.
Videobələdçidə bildirilib ki, oyun günü stadionun qapıları saat 20:00-da açılacaq. Arenanın 1-11-ci qapıları arasındakı oturacaqlara bileti olan şəxslərin ekspress avtobuslarla gəlib arenaya "Şimal” girişindən daxil olmaları tövsiyə edilir. Oturacaqları 12-22-ci qapılar arasında olan azarkeşlərin metrodan istifadə edərək stadiona "Cənub” girişindən gəlmələri daha rahat olacaq.
Bütün girişlərdə təhlükəsizlik məntəqələri fəaliyyət göstərəcək. Təhlükəsizlik təlimatlarına ciddi əməl etmək xahiş olunur. Stadiona çanta ilə gəlmək qadağandır. Qadağan edilmiş əşyaların tam siyahısı ilə Bakı Olimpiya Stadionunun bos.az saytından tanış olmaq mümkündür. Tamaşaçı qapıları açıldıqdan sonra stadionun daxilində qida və içki məntəqələri fəaliyyət göstərəcək.
Qeyd edilib ki, arenaya giriş yalnız etibarlı biletlərlə mümkündür. Yaşından asılı olmayaraq, hər bir kəsin stadiona girişi üçün etibarlı matç bileti olmalıdır. Biletləri stadiondan almaq mümkün deyil. Bilet sahibi turniketi keçdikdən sonra yenidən qayıdarsa, onun stadiona təkrar daxil olmasına icazə verilməyəcək.
Xatırladaq ki, UEFA Avropa Liqasının mayın 29-da Bakı Olimpiya Stadionunda keçiriləcək final qarşılaşmasında Londonun "Arsenal” və "Çelsi” komandaları üz-üzə gələcəklər. Matç saat 23:00-da başlayacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Təhlükəsizlik təmin olunacaqmı?
04 May
Ölkəmizdə ilk dəfə Milli Xalça Festivalı keçiriləcək
04 May
Gənc rəssamın rənglər dünyası
04 May
Ən çox alqışlanan "balaca əsgər"
04 May
"Su axar, çuxurunu tapar"
04 May
BP-dən Azərbaycanda kibertəhlükəsizlik üzrə mütəxəssislərin yetişdirilməsinə dəstək
04 May
Ekoloji problemlər bütün beynəlxalq tədbirlərin əsas mövzularından biri olur
04 May
Azərbaycanın güc strukturları müasir texnologiya əsasında istehsal edilən texnika, silah və döyüş su...
04 May
Azərbaycan Fransa zülmündən xilas olmaq istəyən xalqların himayədarıdır
04 May
Sülh müqaviləsi qaçılmazdır
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!