Qışa belə hazırlaşmazlar
Bu il payız əvvəlki illərlə müqayisədə mülayim keçir. Belə havanı arxayın düşməməyə, qışa daha ciddi hazırlaşmağa avans kimi də başa düşmək olar. Buna baxmayaraq, tədbirli, irəlini görməyi bacaran təsərrüfat rəhbərləri hələ yay aylarından payız-qış mövsümünə hazırlıq görüblər. Əfsuslar olsun ki, bunu hamı, o cümlədən bəzi işıq, qaz, içməli su təsərrüfatlarının rəhbərləri haqqında demək mümkün deyil. Bir balaca hava sərtləşən, külək, yağış, qar olan kimi həmin təşkilatların paxırları çıxır üzə. Salyan Rayon Elektrik Şəbəkəsində olduğu kimi.
Noyabr ayının ortalarında Salyan şəhərinin mərkəzindəki elektrik transformatorunda qəza baş verdi. Nəticədə mənzillərdə, kommersiya şəbəkələrində olan elektrik məişət cihazlarının bir qismi qısa qapanmadan yanaraq sıradan çıxdı. Dəymiş ziyanın ödənilməsi ilə bağlı bir neçə vətəndaş əlaqədar orqanlara müraciət etmək fikrinə düşsə də, onlara başa saldılar ki, faydası yoxdur, özünüzü pis kişi etməyin, onsuz da heç kəs sizin şikayətinizi eşitməyəcək. Xatırladaq ki, hələ payızın əvvəllərində - oktyabr ayında da belə bir xoşagəlməz hadisə baş vermişdi. "Salyan döngəsi” deyilən ərazidə su xətti çəkənlər ekskavatorla qazıntı apararkən yüksək gərginlikli yeraltı elektrik xəttini sıradan çıxartmışlar. Nəticədə şəhər 9-10 saat işıqsız qalmışdı. Qəza iki təşkilatın - şəhərdə yeni su-kanalizasiya sistemi çəkənlərin və Rayon Elektrik Şəbəkəsi mütəxəssislərinin səhlənkarlığı, ciddi məsələyə qeyri-ciddi münasibəti nəticəsində baş vermişdi. Amma nə olsun? Onlara "gözün üstə qaşın var” deyən olmadı.
Və nəticədə salyanlılar növbəti belə hadisəni yaşadılar. Deməli, bu günlər, daha dəqiq desək, dekabrın 3-də Salyan şəhərinin böyük bir ərazisi səhər saat 10-dan axşam saat 8-dək işıqsız qaldı. Dekabr ayında bunun nə demək olduğunu izah etməyə yəqin ki, ehtiyac yoxdur. Yaranmış vəziyyətə aydınlıq gətirmək üçün Salyan Elektrik Şəbəkəsinin rəhbəri Nurəddin Nəcəfova telefon açmaq cəhdimiz baş tutmadı. Mobil telefonu gah məşğul olur, gah da söndürülürdü. Etməyib tənbəllik şəbəkənin işçilərinin çalışdığı sahəyə getdik. Sahə rəisi Həsənağa Məlikovdan problemin səbəbini soruşduq. O, səbəbin elektrik dirəklərinin yerinin dəyişdirilməsi ilə əlaqədar olduğunu bildirdi. "Bunu günlərin uzun olduğu, havaların xoş keçdiyi payız-qış mövsümünə hazırlıq dövründə də etmək olardı” iradımıza isə "Mənlik heç bir şey yoxdur. Səhərdən özüm yağışın altındayam, ayaqqabılarım islandığından onları iki dəfə dəyişmişəm. Mən də bilirəm, ayın-günün belə vaxtında bu düzgün deyil. Ancaq idarənin yiyəsi deyəndən sonra biz kimik?” - cavabını verdi. Hiss olunurdu ki, telefonuna ardı-arası kəsilmədən gələn zənglərdən özünə yer tapa bilmir. Birinə yarım saata, digərinə 20 dəqiqəyə işıq olacağı vədini verirdi. Növbəti zəngdən sonra isə telefonu qapadaraq "Bir-iki gündən sonra məzuniyyətə çıxıram, bəlkə işə qayıtmadım”, - dedi.
Bəli, işi vaxtında görməyəndə abonentlər də əziyyət çəkir, şəbəkənin mütəxəssisləri də. Sahə rəisi yəqin ki, qarşıda küləkli, yağışlı, qarlı-şaxtalı günlərin hələ çox olacağını, şəbəkədə isə vəziyyəti bildiyindən belə qərar verdi. Amma sahə rəisinin bu etirafı vəziyyətdən çıxış yoludurmu? Sözsüz ki, xeyr! Odur ki, bu sualın cavabını daha məsul qurumlar verməlidir.
Seyran CAVADOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Qızıl əlcək” sahibini tapdı
04 May
“Philips”in yeni oyun monitoru təqdim edilib
04 May
Əfsanəvi avtomobil elektromobil kimi geri dönür
04 May
ABŞ dövlət katibi: Fələstin və İsrailin birgə yaşayışını mümkün hesab edirik
04 May
--Sürü halında uçan robot arılar istehsal edilib
04 May
UEFA həftənin ən yaxşılarını açıqlayıb
04 May
Ramil Quliyevdən zədədən qayıtdıqdan sonra İLK
04 May
Everesti fəth etmək üçün icazələrin sayı azalacaq
04 May
Azərbaycan Premyer Liqasında XXXIII tur start götürür
04 May
Azərbaycan millisinin baş məşqçisi püşkü dəyərləndirib
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!