Qış nağılı
"Soyuq əllər, isti ürək” kampaniyası Yeni ilin ilk müjdəçisidir
6 ildir Yeni il ərəfəsində paytaxtda "Nargis Fund” tərəfindən həyata keçirilən "Soyuq əllər, isti ürək” xeyriyyə yarmarkası xoş bir ənənəyə çevrilib. Bu xeyriyyə yarmarkası Yeni ilin ilk xəbərçisi zənn edilir. Bakının tən ortasında fərqli ab-hava, bayram əhvali-ruhiyyəsi yaradan bu yarmarka bu il də paytaxtın Fəvvarələr meydanında təşkil edilib.
Paytaxt sakinlərinin səbirsizliklə gözlədiyi mərasim
Builki xeyriyyə yarmarkasının öz konsepsiyasına görə əvvəlkilərdən daha fərqli və yaddaqalan olacağı deyilir. Bu yarmarka paytaxt sakinlərinin səbirsizliklə gözlədiyi mərasimə çevrilib. Həmişə olduğu kimi, bu il də yarmarkadan toplanan gəlir xeyriyyə işlərinə sərf olunacaq.
Bu məkana baş çəkəndə xeyriyyə yarmarkasının fərqli və yaddaqalan detallarının şahidi olduq. İlk rastlaşdığımız mənzərə yaddaqalan oldu.
Budəfəki yarmarkada əvvəlki illərə nisbətən kiçik taxta "evlər”in sayı artırılaraq 47-ya çatdırılıb. Evciklərdə şəhər sakinlərinə və turistlərə yeməklər, suvenirlər, əl işləri, oyuncaqlar, Yeni il hədiyyələri, yolka bəzəkləri, kitablar, geyimlər və sair təklif olunur.
Məkanda əyləncə üçün hər imkan yaradılıb. İlk diqqətimizi çəkən isə "Xəyal evi” olur. Xüsusən, uşaqlar, gənc qızlar orda qurulmuş Yeni il, şaxta baba, şam ağacı maketləri qarşısında fotolar çəkdirirlər. Foto çəkdirmək ödənişsizdir. Şəkil çəkdirmək üçün meydana qoyulan avtomobilin qarşısında isə növbə var idi.
Böyük şəhərin mərkəzində nağıllar dünyası
Uzaqdan burnumuza gələn dadlı qoxuya dözməyib, qutab, lavaşların hazırlandığı evciyə yaxınlaşırıq. Satıcı Vəsilə xala ilk dəfədir bu yarmarkada iştirak edir. Deyir ki, daha çox əcnəbilər Azərbaycan qutabını dadmağa gəlirlər.
Elə onunla söhbətimiz zamanı Səudiyyə Ərəbistanından gəlmiş Salman qutab almaq üçün evciyə yaxınlaşır. Deyir ki, birinci dəfədir belə bir yarmarkanın şahidi olur və çox xoşuna gəlir:
- Azərbaycan çox maraqlı ölkədir. Bakını da çox sevirik. Artıq 1 aydır ki, burda qalıram. Ailəmlə gəzməyə gəlmişəm. Yeni il üçün Şahdağa getməyi planlaşdırırıq. Bakıda bu cür yarmarkanın təşkili çox marağımızı çəkdi. Sanki böyük şəhər içində balaca nağıllar dünyası yaradılıb. Bu cür tədbirlər davamlı təşkil edilsə, daha yaxşı olar.
Yarmarkada milli mətbəximizlə yanaşı, "Fast food”, "balık-ekmek”, dönər, "çiy köftə”, "pancake” kimi xarici təamları da dadmaq mümkündür. Eləcə də, kiçik, rahat kafelərdə çay, kofe, digər isti və ya soyuq içkilərdən içə bilərsiniz.
Satıcılarla söhbətimiz zamanı öyrəndik ki, əsasən şənbə-bazar günləri yarmarkada adamlar daha çox olur. Həftəiçi isə işdən sonra gələnlər olur. Turistlərin diqqətini isə daha çox Azərbaycan mədəniyyətinə xas olan təamlar, xüsusilə, kabablar çəkir. "Azərbaycan çayı” evciyinin milli geyimli qızları yarmarkaya gələn vətəndaşlara isti çay təklif edirdilər.
Uşaqların ən çox sevdiyi təam...
Yarmarkaya gələn uşaqların ən çox sevdiyi isə "xırta-xırt” kartof çipsləridir. Yarmarkanın ərazisində stol və stullar yerləşdirilib. Kimlərsə aldığı təamı orda əyləşib yeyə, söhbət edə bilərlər.
7 yaşlı oğlu Aydını gəzməyə gətirən Gülnarə xanım da buranın təkcə uşaqlar üçün deyil, böyüklərə də maraqlı olduğunu deyir. Evciklərdə satılan təamların qiymətinin normal olduğunu söyləyən Gülnarə xanımın azyaşlı oğlu da digər balacalar kimi "xırta-xırt”ı çox xoşlayır.
Yarmarkada diqqəti ən çox cəlb edən isə yeni il bəzəkləri, aksessuarları idi. Yarmarkada Qar qız və Şaxta babanın evini xatırladan evcik də qurulub. Yeni ilin simvolu olan yolka ilə şəkil çəkdirmək üçün insanlar sıraya düzülürlər. Müşahidələrimizi bitirib yarmarkanı tərk edirik. Burada təhlükəsizliyi təmin etmək üçün asayişə də ciddi nəzarət edilir.
Qeyd edək ki, "Amapola Exclusive Events” şirkətinin təşkilatçılıq etdiyi yarmarka dekabrın 1-dən fəaliyyətə başlayıb və 2019-cu il yanvarın 6-dək davam edəcək.
Fərizə ƏHMƏDOVA,
Ağaəli MƏMMƏDOV (foto),
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!