“Qara qızıl” sərvəti müstəqil Azərbaycan dövlətinə və xalqına xidmət edir
Ölkədə yaşanan tərəqqi bu amilə əsaslanır
Dünyanın neft sənayesində baş verən proseslər göstərir ki, bu zəngin sərvət heç də həmişə xeyir vermir. Bir çox hallarda neft faciə, qarşıdurma, ədalətsizlik, qeyri-bərabərlik gətirir. Azərbaycanın timsalında isə neftin xeyir-bərəkət, inkişaf, tərəqqi gətirdiyini bütün dünya aydın görür.
Təbiətin bəxş etdiyi "qara qızıl” sərvəti bu gün müstəqil Azərbaycan dövlətinə və xalqına xidmət edir.
1994-cü ilin sentyabrında "Əsrin müqaviləsi”nin imzalanması ölkəmizin yeni mərhələyə qədəm qoymasına şərait yaratdı. Prezident İlham Əliyevin dediyi kimi: "Əsrin kontraktı”nın imzalanması tarixi hadisədir. Bu kontraktın faydasını bu gün Azərbaycan dövləti, Azərbaycan xalqı görür. Təsəvvür etmək çətindir ki, əgər "Əsrin kontraktı” imzalanmasaydı, Azərbaycan o vaxt nəyin hesabına öz iqtisadi inkişafını təmin edə bilərdi. Biz nəyin hesabına uğurla inkişaf edə bilərdik. "Əsrin kontraktı”nın bizim müstəqil tariximizdə xüsusi yeri, xüsusi rolu var”.
Azərbaycan dövləti düzgün siyasət yürüdərək neftin çoxşaxəli fayda gətirməsinə nail oldu.
Əsası Ulu Öndər Heydər Əliyev tərəfindən qoyulmuş yeni neft strategiyası ölkədə yeni bir vəziyyət yaratdı və sürətli inkişaf başlandı. Bu sahədə də Ümummilli Liderin siyasi kursunu uğurla davam və günün tələbləri baxımından daha da inkişaf etdirən Prezident İlham Əliyev neft kapitalını insan kapitalına çevirdi.
Dünyanın ən gözəl şəhərləri ilə yarışda əzəməti ilə geridə qalmayan müasir şəhərlərimiz, gündən-günə abadlaşan kəndlərimiz, davamlı quruculuq işləri... Bütün bunların təməlində neft sənayesinin uğurları dayanır.
Neftdən əldə olunan gəlirlər iqtisadiyyatın şaxələndirilməsinə, o cümlədən qeyri-neft sektorunun genişləndirilməsinə, infrastruktur layihələrinin həyata keçirilməsinə yönəldilib. Ölkədə biznes mühitinin yaxşılaşdırılması, mükəmməl beynəlxalq əməkdaşlıq platformasının yaradılması, kadr hazırlığı və s. neft gəlirlərinin hesabına olub.
Neftdən daxil olan vəsaitin ölkəmizin ümumi inkişafına təkan verdiyini təsdiqləyən əsas faktlardan biri odur ki, bu gün adambaşına düşən valyuta ehtiyatlarına görə MDB məkanında birinci yerdəyik. İndi ölkədə yoxsulluğun səviyyəsi 4,8 faiz ətrafındadır. Bu isə onu göstərir ki, neft gəlirləri cəmiyyətdə ədalətli şəkildə bölünür.
Ölkədə son illərdə yaşanan tərəqqi məhz neft-qaz amilinə əsaslanır. Yaradılan sosial infrastruktur xüsusi önəm daşıyır. Regionların hərtərəfli inkişafına yönəldilən dövlət proqramlarının icrasına başlanandan bəri, yəni son 16 ildə 16 min kilometr yeni yol çəkilib, yaxud əsaslı təmir olunub. Təkcə 2019-cu ildə 1300 kilometr yeni magistral, şəhər və kəndarası yollar inşa edilib.
Bu gün Azərbaycan həm də elektrik enerjisi ixracatçısıdır. Keçən il əlavə daha 800 meqavat generasiya gücü əldə etmişik. Ancaq vaxt var idi ki, bölgələr qaranlıq içində yaşayırdı. Hətta paytaxt şəhərimizin özünə də işıq tam çatmırdı. Prezident İlham Əliyev həmin dövrü xatırlayaraq demişdir: "O illərdə ölkəmizin yarısı işıqsız qalırdı. Bakı şəhərinin özündə işıq çatışmırdı. Hətta bəzi hallarda saat 12-də televiziya kanalları da fəaliyyətini dayandırırdı ki, vətəndaşlar elektrikdən az istifadə etsinlər”.
Qazlaşdırma 96 faizi ötür. Qaz xətləri ən ucqar dağ kəndlərinə çatıb. Qeyd edək ki, qazlaşdırmanı belə sürətlə və geniş miqyasda aparan ölkələr dünyada tək-təkdir.
Bu gün ölkə əhalisinin 75 faizi dayanıqlı içməli su ilə təmin edilir və bu istiqamətdə də görülən tədbirlər davamlıdır.
Dövlət Neft Fondunun vəsaitləri hesabına qaçqın və məcburi köçkünlər üçün 100-dən çox şəhərcik salınıb. Təkcə keçən il şəhid ailələrinə və müharibə əlillərinə 934 mənzil verilib. Bu il həmin rəqəmin 1500 olacağı nəzərdə tutulub. İndiyədək şəhid və əlil ailələri 7590 yeni mənzilə köçüb. Bu kateqoriyadan olan insanlara bütövlükdə 6750 avtomobil verilib.
Son 16 ildə tikilən 3300-dən çox məktəb, 700-dən çox tibb müəssisəsi də görülən işlərin miqyasını göstərən əyani misaldır.
Əhalinin sosial problemlərinin həlli də neft-qaz sahəsində gerçəkləşən layihələrlə birbaşa bağlıdır. Ötən il həyata keçirilən sosial paket 4,2 milyon insanı əhatə edib. Əməkhaqqının, pensiyaların, müavinətlərin artırılması nəticəsində vətəndaşların maddi vəziyyəti xeyli yaxşılaşdırılıb.
"Əsrin müqaviləsi” imzalanarkən əsas məqsədlərdən biri bu idi ki, tədricən bütün əsas vəzifələri Azərbaycan vətəndaşlarının özü tutsun. Təbii ki, ilk illərdə bu işlərdə ən çox xarici vətəndaşlar çalışırdı. Nisbət 90 və 10 faiz idi. Lakin getdikcə bu rəqəmlər öz yerini dəyişdi.
Bu gün Azərbaycanda fəaliyyət göstərən xarici şirkətlərdə və aparılan neft-qaz əməliyyatlarında iştirak edənlərin mütləq əksəriyyəti ölkəmizin öz vətəndaşlarıdır.
"Bu, çox böyük sərvətdir, - deyir Prezidentimiz. - Neft-qaz tükənən sərvətdir. İntellektual potensial, bilik, savad, səriştə, təcrübə isə dəyişməz sərvətdir. Bu təlimlərdən keçmiş Azərbaycan vətəndaşları, mütəxəssisləri bu gün çox böyük işlər görürlər, ölkəmizin inkişafına böyük töhfə verirlər”.
Qarşıda duran prioritet vəzifə neft-qaz amilindən asılılığı azaltmaq, qeyri-neft sektorunu inkişaf etdirməkdir. Bu istiqamətdə də önəmli addımlar atılıb. Tənəzzülə uğramış, az qala unudulmuş kənd təsərrüfatı sahələrinin dirçəldilməsi bu tədbirlərdəndir. Qeyri-neft sektorunun aparıcı qolu olan kənd təsərrüfatında və digər sahələrdə qazanılan nailiyyətlər göstərir ki, Azərbaycan bu hədəfə də çatacaq.
Flora SADIQLI,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!