Parisin bütün əməlləri sülhə qarşıdır
Cənubi Qafqazda münaqişə ocağının yenidən alovlanmasında, gərginliyin artmasında xüsusi marağı olan Fransanın Azərbaycanla bağlı qərəzli siyasəti uzun müddətdir ki, açıq-aydın ortadadır. Ölkəmizin Vətən müharibəsindəki qələbəsini həzm edə bilməyən rəsmi Paris anti-Azərbaycan siyasətini hər addımda qabarıq büruzə verir.
Ermənidən çox ermənilik edən Makron
Ölkəmizə qarşı müxtəlif platformalarda ədalətsiz, əsassız qətnamələrin qəbuluna çalışmaq, fürsət tapdıqları hər kürsüdən əleyhimizə çıxışlar etmək Makron hakimiyyəti üçün adət halını alıb. Ermənilərdən daha çox canfəşanlıq edən, demokratiya pərdəsinə bürünən neokolonialist Parisin Azərbaycan əleyhinə "səy"lərini saymaqla bitməz. Fransanın vaxtilə Qarabağda mövcud olmuş qondarma rejimi tanıması, BMT Təhlükəsizlik Şurasında, Avropa İttifaqı, Avropa Parlamenti kimi təşkilatlarda və digər beynəlxalq platformalarda dəfələrlə Azərbaycan əleyhinə sənəd layihələrini qəbul etdirmək cəhdləri bu ölkənin riyakarlığının göstəricisidir.
Makron hakimiyyəti bu yaramaz fəaliyyətinin Azərbaycana heç bir təsir göstərmədiyini görüb başqa yollara əl atıb. Belə ki, Parisdə səfirliyimizin binasına hücumlar təşkil edilib, Xurşidbanu Natəvanın heykəlinə qarşı vandallıq aktları törədilib.
Bu hərəkətlərlə bağlı Fransa hökuməti tərəfindən heç bir tədbir görülməyib. Əksinə, bu ölkənin rəsmi dairələrinin anti-Azərbaycan mövqeyi bu cür əməllərin genişlənməsinə rəvac verib. Azərbaycan isə hər zaman səbir nümayiş etdirərək, Fransaya təhdid və təzyiq dili ilə danışmağın heç bir nəticə verməyəcəyini bildirib, ölkəmizin daxili işlərinə qarışmamağı tövsiyə edib. Amma Fransa öz uğursuz və qərəzli siyasətindən əl çəkməyib.
COP-29-un Bakıda keçirilməsi qərarı da Parisi qıcıqlandırıb. Fransa hakimiyyəti bu dəfə Azərbaycanın BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına sədrliyini və evsahibliyini hədəf alan çağırışlar etməyə başlayıb. Belə mötəbər tədbirə evsahibliyinin Azərbaycana həvalə edilməsi ölkəmizə inamdan, Prezident İlham Əliyevə göstərilən etimaddan xəbər verir. Odur ki, Fransanın mənasız, ağlasığmaz çağırışları və gülünc şouları isə heç nəyi dəyişməyəcək.
Parisin riyakarlığı
İndiyədək Fransa Azərbaycanla münasibətləri korlamaq üçün bütün addımları atıb. Aprelin 16-da Fransanın Azərbaycandakı səfiri Ann Buayonu geri çağırması da bundan xəbər verir.
Fransanın Avropa və Xarici İşlər Nazirliyinin məlumatında səfirin məsləhətləşmələr üçün geri çağırıldığı bildirilir. Elə həmin gün Emmanuel Makron səfiri qəbul edib, Azərbaycan tərəfinin niyyətlərinə aydınlıq gətirməsini istəyib. Makron Azərbaycan və Ermənistan arasında münasibətlərin beynəlxalq hüquq normalarına və iki ölkənin ərazi bütövlüyünə hörmət etməklə normallaşmasını dəstəklədiyini qeyd etsə də, normallaşmanın hər iki ölkəyə və regiona fayda verəcəyini bildirsə də, niyyət o deyil.
Maraqlıdır ki, Azərbaycan torpaqları işğala məruz qalanda, əhalisi məcburi köçkün düşəndə, soyqırımına məruz qalanda susan Fransanı respublikamızın hansı hərəkəti narahat edir?
Azərbaycan bütün dövlətlərlə münasibətlərin qarşılıqlı hörmət və beynəlxalq hüquq prinsipləri çərçivəsində qurulmasının tərəfdarıdır. Eyni zamanda ölkələrin ərazi bütövlüyünü, suverenliyini həmişə dəstəkləyir, xalqların sülh, əmin-amanlıq, təhlükəsizlik şəraitində yaşaması üçün xoş niyyətini ifadə edir. 44 günlük müharibədən sonra Ermənistana sülh əlini uzadanın, sülh sazişinin imzalanması üçün sözdə deyil, əməldə bütün addımları atanın Azərbaycan olması bunu bir daha təsdiq edir.
Makronun Azərbaycan və Ermənistan münasibətlərinin normallaşmasına dəstəyini ifadə etməsi isə Fransa prezidentinin növbəti riyakarlığıdır. Ermənistanı silahlandıraraq revanşa sürükləmək, Azərbaycana qarşı təxribatlara sövq etmək, ermənipərəst mövqe nümayiş etdirmək sülhə xidmət etmir.
Azərbaycan milli maraqlarını qətiyyətlə təmin edib və bundan sonra da edəcək
Fransa səfirinin geri çağırılmasına Azərbaycan Xarici İşlər Nazirliyindən də münasibət bildirilib. Məlumatda qeyd olunub ki, neokolonializmi hələ də davam etdirən, müstəmləkə siyasəti çərçivəsində insan haqlarına heç bir önəm verməyən ölkələrdən biri kimi Fransanın bu gün özünü yalandan insan haqlarının və beynəlxalq hüququn müdafiəçisi kimi qələmə verməsi riyakarlıqdır.
Vurğulanıb ki, Fransanın ölkəmizə qarşı qarayaxma kampaniyası aparmasına baxmayaraq, tərəfimizdən hər zaman dialoq qapıları açıq saxlanılıb. Fransa xüsusilə son 3 il yarım müddətdə atdığı addımlar ilə Azərbaycanla Ermənistan arasında suverenlik və ərazi bütövlüyü əsasında əlaqələrin normallaşdırılması səylərini ciddi şəkildə sual altına qoyub və vəziyyətin gərginləşməsinə rəvac verib. XİN-nin məlumatında eyni zamanda Ermənistanın geniş şəkildə silahlanmasını həyata keçirən, bölgədə militarizmi təşviq edən Fransanın addımlarının sülhə xidmət etmədiyi də bildirilib.
Fransa anlamalıdır ki, İkinci Qarabağ müharibəsində Azərbaycan Ordusu tərəfindən darmadağın edilən Ermənistan silahlı qüvvələrinin yenidən toparlanmasına nə maddi, nə də mənəvi gücü var. Onların silahlanması üçün nə qədər çalışsa da, səyləri boşa gedəcək.
Azərbaycan isə öz milli maraqlarını bundan sonra da qətiyyətlə təmin edəcək.
Əsmər QARDAŞXANOVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mayın 2-də bəzi rayonlarda hava yağıntılı olacaq
01 May
Prezident İlham Əliyev Rusiyanın Şimali Qafqaz regionunun müftilərindən ibarət nümayəndə heyətini qə...
01 May
VI Ümumdünya Mədəniyyətlərarası Dialoq Forumu işini sessiyalarla davam etdirir
01 May
Zemfira Meftahətdinova: Atıcılarımızın Dünya Kubokunda uğurlu nəticələr qazanacağına inanıram...
01 May
Prezident İlham Əliyev TDT-yə üzv və müşahidəçi dövlətlərin dini rəhbərlərindən ibarət nümayəndə hey...
01 May
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun aç...
01 May
Prezident İlham Əliyev: Azərbaycan və Ermənistan delimitasiya və demarkasiya işlərini hər hansı vasi...
01 May
Azərbaycanın neft və qaz qiymətləri üzrə proqnozu açıqlanıb
01 May
Azərbaycan Bakıdakı Dünya Kubokunda 43 atıcı ilə təmsil olunacaq
01 May
Prezident: İndi biz sülhə doğru gedirik
01 May
DİQQƏT ÇƏKƏNLƏR
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
Möhkəm təmələ əsaslanan müttəfiqlik24 Aprel 2024
ÇOX OXUNANLAR
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
Azərbaycan və Rusiya prezidentlərinin Baykal-Amur Magistralının 50 illik yubileyi münasibətilə dəmir...22 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!