Oğlumla fəxr edirəm!
Ehtiyatda olan hərbçiyəm. Uzun müddət hərbi komissarlıqda işləmişəm. Hərbi qulluğa, cəbhə bölgəsinə, döyüşə minlərlə gənc yola salmışam. Hər əsgərimizə də öz balam kimi yanaşmışam. Xidmət dövründə 150 şəhid qarşılayıb, son mənzilə yola salmaq kimi ağır missiyanı da yerinə yetirməli olmuşam. Şəhid yaxınlarına münasibətim onların ailə üzvləri qədər əziz, yaxın olub. İndi özümə belə münasibət bəsləyirlər: oğlum ötən il aprel döyüşlərində şəhid olandan bəri dövlətimiz, millətimiz ailəmizə mənəvi dayaq durub, dərdimizə məlhəm olub...
Oğlum Fərman aprel döyüşləri zamanı könüllü olaraq cəbhə bölgəsinə yollanıb. Özü də tək getməyib, yeznəsi Sadiq Əliyev də ona qoşulub. Məqsədləri ermənilərin dinc əhalini atəşə tutduqları yaşayış məntəqələrində dağıntılar altında qalanlara, yaralılara yardım etmək olub. Tərtərin Şıxarx qəsəbəsi istiqamətində düşmənin ağır artilleriya atəşi nəticəsində dağılan evlərdən və tikililərdən insanları çıxarmış, yaralıları öz maşınlarında xəstəxanalara daşıyıblar. Növbəti dəfə atəş zonasına qayıdarkən yolda hərbçi kapitan Mübariz Rəhimovla rastlaşıblar. Əvvəlcə onu xidməti əraziyə çatdırmaq qərarına gəliblər. Yolda artilleriya atəşi altına düşüblər. Mərmilərdən biri avtomobilin önündə partlayıb. Arxa oturacaqda əyləşən kapitan M.Rəhimov xəsarətsiz ötüşsə də, Fərman və Sadiq ağır qəlpə yaraları alıblar. Buna baxmayaraq, Sadiq avtomobili Tərtər xəstəxanasına qədər idarə edə bilib. Lakin orada huşunu itirib. Həkimlərin səyi nəticəsində Sadiq xilas edilib, amma Fərman çox qan itirdiyindən əməliyyat stolunda dünyasını dəyişib, şəhid olub... Fərman evli idi, bir qızı qaldı.
Torpaq, uğrunda ölən varsa, Vətəndir! Azərbaycan övladlarının sayəsində bu gün müstəqil dövlətə malikik. Qarabağ və işğal olunmuş rayonlarımızın azadlığı uğrunda bugünə kimi minlərlə şəhid vermişik. Torpaqlarımızı geri qaytaranadək yenə də buna hazırıq. Təki Vətən yaşasın və var olsun!
Vətəni müdafiə etmək, yolunda candan keçmək hər kəsin vətəndaşlıq borcudur. Buna rəğmən dövlət şəhidlərə və onların ailələrinə xüsusi həssaslıqla yanaşır. Hərb tariximizə şanlı səhifə kimi yazılmış aprel döyüşlərinin iştirakçılarına, şəhid və yaralılara, onların ailələrinə, maddi zərər dəymiş mülki əhaliyə dövlət səviyyəsində dəyər verilir, diqqət ayrılır. Qəhrəmanlığı, igidliyi, şücaəti ilə fərqlənən hər bir döyüşçü, eləcə də şəhid və yaralılar Prezident İlham Əliyevin sərəncamları ilə orden və medallarla, fəxri adlarla təltif olunublar.
Oğlum Fərman da diqqətdən kənarda qalmayıb: Azərbaycan Respublikasının “Şücaətə görə” medalına layiq görülüb. Oğlumun medalını mənə müdafiə naziri Zakir Həsənov təqdim edib. Bu günlərdə Fərmanın daha bir təltifi mənə verildi. Oğlumla fəxr edirəm! Doğrudur, övlad itkisi çox ağır dərddir! Ancaq Vətən, dövlət, torpaq naminə şəhidlik zirvəsinə yüksəlmiş hər bir igidimiz bizim milli qürur mənbəyimizdir. Dövlət və xalq tərəfindən şəhidlərimizə verilən qədir-qiymət ailə dərdimizi yüngülləşdirir, bizi nikbinləşdirir, mətin edir. Ölkə rəhbəri cənab İlham Əliyevə göstərdiyi həssas münasibətə, qayğıya görə ailəmiz adından dərin minnətdarlığımı bildirirəm.
Elçin ƏSƏDLİ,
şəhid atası
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!