Koronavirusun “Delta” ştammı ölkəmizdə də aşkarlanıb
Dünyanı bürüyən COVID-19-un bütün növlərindən qorunmağın yeganə yolu vaksinasiyadır
Bir ildən artıq müddətdir davam edən SARS-CoV-2 pandemiyası bütün dünyada ciddi səhiyyə problemi olmaqla, sosial və iqtisadi cəhətdən də gərginlik yaratmaqdadır. Bununla belə, SARS-CoV-2 infeksiyasına qarşı aparılan profilaktik tədbirlər, peyvəndlənmənin təşkili və səmərəliliyinin öyrənilməsi baxımından ölkəmiz dünyada ön sıralardadır.
Bu barədə Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə məlumatında bildirilir.
Qeyd olunur ki, koronavirusun mutasiyaları nəticəsində son zamanlar meydana çıxan yeni variantlar bütün dünyada ciddi narahatlıq doğurur. Ölkəmizdə epidemioloji vəziyyətin nəzarətdə saxlanılması üçün görülən tədbirlər çərçivəsində Milli Hematologiya və Transfuziologiya Mərkəzinin Genetik Diaqnoz Mərkəzində SARS-COV-2 virusunun genetik variantlarına dair vaxtaşırı analizlər aparılır.
Aparılan araşdırmaların növbəti mərhələsində son vaxtlar ölkəmizə xaricdən gələnlərdən alınmış nümunələrdən 31-də B.1.617 (Delta) variantı, 9-da B.1.1.7 (20 Alpha V1, Britaniya) variantı aşkar olunub.
Dünyada və ölkəmizdə aparılan tədqiqatlardan əldə olunmuş nəticələrin təhlili bir daha göstərir ki, virusun yeni və sürətlə yayılan təhlükəli variantlarından da qorunmağın ən səmərəli yolu vaksinasiyadır. Bu gün ölkəmizdəki sabit epidemioloji vəziyyətə görə aparılan vaksinasiyaya borcluyuq. Buna görə də bütün vətəndaşlarımızın vaxt itirmədən vaksinasiya olunması çox vacibdir.
Unutmamalıyıq ki, vaksinasiya ilə yanaşı, fiziki məsafənin saxlanılması, maskalardan istifadə və əl təmizliyi kimi məsələləri, təyin olunmuş gigər qaydalara əməl edilməsi, virusun variantından asılı olmayaraq, xəstəlikdən qorunmağın, dünyada və ölkəmizdə normal həyata qayıtmağın yeganə yoludur.
Aparılan araşdırmalara görə, “Delta”ya yoluxmalar ilkin olaraq mədə-bağırsaq pozulmaları ilə müşahidə edilir. Bu ştamma yoluxanlar, adətən, qarın ağrısından şikayətlənirlər. Qeyd edilən simptomlar eyni zamanda baş ağrısı, öskürək, halsızlıq, əzələ ağrıları ilə də özünü paralel göstərə bilir. Bunlardan başqa, qusma və hərarətin yüksəlməsi də “Delta”nın əlamətlərindən ola bilir.
ÜST-ün məlumatına görə, peyvənd olunanlar bu ştamma yoluxarlarsa belə xəstəliyi yüngül keçirirlər. Bundan başqa, vaksinasiyadan keçənlərin “Delta” ilə xəstəxanaya yerləşdirilənlərin faizlərinin də çox aşağı olduğu qeyd edilir. Üstəlik, peyvənd olunanların əksəriyyəti xəstəliyi yüngül assimatik keçirir.
ÜST-ün Azərbaycan nümayəndəliyinin rəhbəri Hande Harmanci mətbuata açıqlamasında vurğulayıb ki, koronavirusa yoluxma sayları azalsa da, ümumi vəziyyəti nəzarətdə saxlamaq lazımdır. Onun sözlərinə görə, qarşıdan gələn payız fəslində, daha doğrusu, sentyabr, oktyabr aylarında koronavirusa yoluxma saylarında yenidən artım olacağı istisna edilmir: “Başqa ştamlar da ola bilər. ÜST olaraq daim bunları monitorinq edirik. Pandemiya hələ bitməyib, amma hava düzəlib. Buna görə optimistik. Bununla belə, hamı özünü qorumalıdır”.
ÜST-ün ölkəmizdəki rəsmisi həmçinin hər il hipertoniyadan minlərlə insanın öldüyünü də bildirir: “Düzgün müalicə olsalar, onlar həyatlarını itirməyə bilərlər. Bunlar gənc yaşda ölən insanlardır. Hər il təkcə hipertoniya xəstəliyi iqtisadiyyatda 600 milyon manat itkiyə səbəb olur. Təkcə Şamaxıda 19 min nəfər hipertoniya xəstəliyindən əziyyət çəkir. Onlardan yalnız 2400-ü xəstə olduğunu bilib, müalicə edilənlərdir. Digərləri ölüm riskinə aiddir”.
Bütün bu kimi göstəricilər insanların öz sağlamlıqlarının qeydinə vaxtında qalmamasını təsdiqləyən faktlardır. ÜST rəsmisinin də bu məsələyə açıq münasibəti ondan irəli gəlir ki, pandemiya şəraitində digər xəstəliklərin müayinə və müalicəsi arxa plana keçir ki, bu da çox təhlükəlidir. Ona görə COVID-19-dan, eləcə də onun mutasiyalarından doğulan yeni ştamlardan xilas olmağın yolu öz əlimizdədir. Bir qayda olaraq, Nazirlər Kabineti yanında Operativ Qərargahın, Səhiyyə Nazirliyi ilə TƏBİB-in tələb və təkliflərinə, eləcə də tövsiyələrinə və digər təlimatlara əməl olunmalıdır. Bu kimi çox sadə üsullar isə belədir: sosial məsafəni gözləmək, tibbi maskalardan istifadə və gigiyenik qaydalara əməl etmək.
Məhəmməd NƏRİMANOĞLU,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!