İndi dünya evimizdir
Ailəmizlə qalmaq, sağlamlığımızı qorumağın məqamıdır
Bəşəriyyət 2020-ci ilə yeni yaşam sınağıyla qədəm qoydu, dəhşətli pandemiya ilə mübarizəyə atıldı. Nə qəribədir ki, sürətlə qloballaşan dünyamızda sərhədlər bağlanır, karantin rejimləri tətbiq olunur, insanlar evlərinə səslənir. İndi dünya kiçilərək evlərimizə sığıb, evlərimiz böyüyərək bir dünyaya çevrilib...
Adamdan-adama sürətlə yayılan koronavirus, COVID-19 bəlasının hələlik tibbi çarəsi tapılmasa da, ona yoluxmamağın qaydaları da məlumdur və bunlar çox sadədir: gigiyenik qaydalara əməl etmək, insanlarla məsafə saxlamaq, ən yaxşısı isə evdə qalıb özünü təcrid etməkdir...
Əslində belə bir təsəvvür mövcuddur ki, hər şərdə bir xeyir vardır. Yetər ki, soyuqqanlılıqla, səbirlə bütün olub-bitənləri, dünyada baş verənləri analiz edib düzgün istiqamətə yönəltməyi biləsən. Təhlükədən sovuşmağı, anlarını daha mənalı və dəyərli etmək üçün hər cür şəraiti fürsətə çevirməyi bacarasan...
İnsan bir anlıq ruhi aləminə nəzər saldı...
Çox yox, cəmi bir neçə ay əvvələ qədər insanlar zamanın sürətindən, sanki qısalmasından şikayət edirdilər...
Elə bil vaxt bir göz qırpımında keçirdi və ailəmizlə, əzizlərimizlə zaman keçirməyə fürsət tapmırdıq. Tapanda isə bunu daha çox virtual aləmə sərf edir, yenə də doğmalarımızdan "uzaq” bir dünyada yaşayırdıq...
Getdikcə bəşəriyyət qloballaşırdı, amma insanlar mənən və ruhən bir-birindən ayrılırdı...
Bir çox dəyərlər, keyfiyyətlər tarixin səhifələrinə gömülürdü...
Biz koronavirus sayəsində yaşam şəklimizə bir daha baxmağa, onu köhnə dəyərlər və hazırkı tələblər üzərində yenidən biçimləndirməyə məcbur olduq...
Elə bu sayədə də, insan bir anlıq virtual səs-küydən uzaqlaşıb mənəviyyatına boylandı, ruhi aləminə nəzər saldı. Dünyadakı missiyasının nə olduğunu sual etdi, bütün maddi dəyərlər üçün edilən cidd-cəhdlərin heçliyinə əmin oldu. Ona da vaqif oldu ki, insana Tanrı tərəfindən ərməğan edilən ən dəyərli hədiyyə mənəvi zənginlik, insanların həyatını davam etdirməsi üçün qəbul edəcəyi hər hansı xeyirxah qərardır...
Xeyirxah missiyanı yerinə yetirmək anıdır
Elə indi insanlığın yer üzündən silinməsi, bəşəriyyətin yox olma təhlükəsini uzaqlaşdırmaq üçün həmin xeyirxah missiyanı yerinə yetirmək anıdır. Evdə qalmaq, dünyanı evə sığdırmaq məqamıdır...
Bu isə elə də çətin deyil, əksinə…
Cəmi bir neçə ay əvvəl əksəriyyətimizə arzu kimi görünən bir çox fürsətlər ayağımıza gəlib. İndi ailəmizə, doğmalarımıza ayırmaq üçün bolluca zamanımız var. Bizə uşaqlarımızla birlikdə oynamaq, film seyr etmək, mütaliəyə vaxt ayırmaq kimi ruhi qida bəxş edilib. O da şübhəsizdir ki, bu çətinlikləri atladıb normal həyata dönəndə ən möhtəşəm əsərlərin, şeirlərin, nəğmələrin, film ssenarilərinin də məhz elə bu dönəmdə yazıldığının şahidi olacağıq…
Deyirlər, sel gələndə ona qarşı mübarizə aparmaqdansa, istiqamətini elə dəyişdirmək lazımdır ki, sənin torpaqlarını sulayaraq münbitləşdirsin...
Bəli, koronavirus gözəgörünməz, təhlükəli düşməndir, amma insanın da qüdrəti sonsuzdur. Və o yer üzünün ən ali varlığı olaraq bu dünyada yaşamaq şansını heç bir zaman itirməyəcək, bütün çətinliklərlə savaşaraq genetik kodunu min illərin o üzünə ötürməyi bacaracaq…
Evdə qal, Azərbaycan, çünki sən birlikdə güclüsən!
Yasəmən MUSAYEVA,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!