İndi Azərbaycan dünyada təkcə neft-qaz ölkəsi kimi tanınmır
Vaxtilə xarici sərmayəyə ehtiyacı olan ölkəmiz bu gün özü xaricə investisiya yatırır
Azərbaycanda aparılan iqtisadi islahatların əsas məqsədlərindən birinin qeyri-neft sektorunu inkişaf etdirmək olduğu məlum faktdır. Bu, ölkənin neft amilindən asılılığını aradan qaldırmaqla yanaşı, ixrac qabiliyyətini də artırır. Digər tərəfdən, yerli istehsal hesabına bir çox məhsulların idxalına son qoyulur və bu hesaba həm də ölkənin valyuta ehtiyatlarının xaricə axınının müəyyən qədər qarşısı alınır.
Qeyri-neft sektorunun inkişafı istiqamətində həyata keçirilən tədbirlərdən biri sənaye parklarının və məhəllələrinin yaradılmasıdır. Hazırda Bakı, Sumqayıt və Mingəçevir şəhərlərində müxtəlif sahələr üzrə sənaye parkları fəaliyyət göstərir. Neftçalada, Masallıda, Şirvanda, Sabirabadda sənaye məhəllələrinin daha geniş fəaliyyəti üçün mühüm işlər görülür. Neftçala və Masallı sənaye məhəllələrində isə istehsal edilən məhsullar yerli tələbatı ödəməklə yanaşı, xarici ölkələrə də idxal olunur. Bu sırada yeni yaradılan Pirallahı Sənaye Parkının da adını çəkmək olar.
Xəbər verildiyi kimi, Prezident İlham Əliyevin iştirakı ilə mayın 16-da Pirallahı Sənaye Parkında "Diamed” şpris istehsalı zavodunun açılış mərasimi keçirilib. Tədbirdə dövlət başçısına məlumat verilib ki, ölkə üzrə kimya, təkrar emal, yüngül sənaye, gəmiqayırma, əczaçılıq sahələrində ixtisaslaşmış 5 sənaye parkı fəaliyyət göstərir. Hazırda həmin sənaye parklarında 9 minə yaxın insan daimi işlə təmin edilib. Pirallahı Sənaye Parkı dövlət başçısı tərəfindən 2016-cı ildə imzalanan müvafiq sərəncama əsasən "Sumqayıt Kimya Sənaye Parkı” MMC-nin tərkibində yaradılıb.
Prezident İlham Əliyev həmin tədbirdə qeyri-neft sektorunun inkişafına göstərilən dövlət dəstəyini və yeni açılan müəssisənin əhəmiyyətini vurğulayaraq demişdir: "Bu parkın yaradılmasında məqsəd qeyri-neft sənaye sahələrinin davamlı inkişafını, sənaye sahələrində sahibkarlıq fəaliyyətinin daha da genişləndirilməsini, qabaqcıl texnologiyalara əsaslanan rəqabətqabiliyyətli və innovativ sənaye sahələrinin yaradılmasını təmin etməkdir. Bundan başqa, bu layihənin icrası əczaçılıq sənayesinin inkişafı və dəstəklənməsi, əczaçılıq məhsullarının idxaldan asılılığının azaldılması, əhalinin dərman vasitələrinə tələbatının ödənilməsində yerli istehsalın təşviqi və istehsal sahəsində əhalinin məşğulluğunun artırılması məqsədi daşıyır.
Ümumi sahəsi 30 hektar olan parkın rezidentləri 7 il ərzində torpaq, gəlir, əmlak, əlavə dəyər vergilərindən, həmçinin idxal olunan texnika, texnoloji avadanlıqlara görə gömrük rüsumundan azaddır”.
Bu müəssisənin açılması ölkəmiz üçün mühüm hadisədir. İllik istehsal gücü 150 milyon şpris olan müəssisənin investisiya dəyəri 9,5 milyon manatdır. Onun maliyyələşdirilməsi üçün İqtisadiyyat Nazirliyinin Sahibkarlığın İnkişafı Fondu tərəfindən 5 milyon manat güzəştli vəsait ayrılıb. Zavodda Almaniya, İsveçrə, İtaliya, Türkiyə, İngiltərə və Yaponiyadan gətirilən yüksək texnoloji avadanlıqlar quraşdırılıb ki, bu da istehsal olunan məhsulların xarici bazara çıxarılmasına imkan verəcək. Hədəf ilkin olaraq Rusiya, Gürcüstan, İran və Orta Asiya ölkələridir. "Made in Azerbaijan” brendi ilə istehsal ediləcək məhsulun keyfiyyəti yüksək olduğu üçün digər ölkələrin bazarına da çıxmaq mümkün olacaq.
Bəli, bu gün Azərbaycanda aparılan islahatların əsas məqsədlərindən biri də iqtisadiyyatın şaxələndirilməsi yolu ilə qeyri-neft sektorunun inkişafıdır. Bunun üçün isə ilk növbədə qeyri-neft sənayesinin inkişafına nail olmaq lazımdır. Elə qeyd etdiyimiz sənaye parkları və məhəllələrinin yaradılması məhz bu zərurətdən doğur. İndi həmin park və məhəllələrdəki müəssisələrin istehsal etdikləri məhsullar rəqabətqabiliyyətli və ixracyönümlü olduğu üçün xarici bazara ixrac olunur. Bunun nəticəsidir ki, cari ilin 4 ayında qeyri-neft sektorunda 15 faizdən çox artım qeydə alınıb.
Ölkədə qeyri-neft sektorunun inkişafı sayəsində təkcə cari ilin yanvar-mart aylarında 415,3 milyon dollar dəyərində qeyri-neft məhsulları ixrac edilib ki, bu da ötən ilin eyni dövrü ilə müqayisədə faktiki qiymətlərlə 16,5, real ifadədə isə 10,9 faiz çoxdur. Bu gün Azərbaycanın ixracatında təzə meyvə, tütün, tərəvəz, meyvə-tərəvəz şirələri, pambıq lifi, emal olunmamış alüminium, pambıq ipliyi, qara metallardan hazırlanan yarımfabrikatlar, meyvə-tərəvəz konsevrləri, təbii üzüm şərabları və üzüm suslosu, polietilen kimi qeyri-neft məhsulları var. Tezliklə həmin məhsulların sırasında şprislər də olacaq. Ölkəmizin ixrac coğrafiyası da getdikcə genişlənir. İtaliya, Türkiyə, Almaniya, Çin, İspaniya, Hindistan, İsrail, Gürcüstan, Çexiya, Portuqaliya, Rusiya, Avstriya, Yunanıstan və digər ölkələrin bu gün Azərbaycandan idxal etdikləri məhsullar arasında qeyri-neft sektorunun payı kifayət qədər yüksəkdir. Bütün bunlar təsdiqləyir ki, indi Azərbaycan dünyada təkcə neft ölkəsi kimi tanınmır.
Rüstəm KAMAL,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!