İlham ƏLİYEV Pekindən açıqladı: “Azərbaycan qitələri birləşdirən ən etibarlı tranzit mərkəzidir”
37 dövlət və hökumət başçısı, bir çox beynəlxalq təşkilatların rəhbərlərinin iştirakı ilə Pekində keçirilən "Bir kəmər, bir yol” II Beynəlxalq Əməkdaşlıq Forumu başa çatdı. 150 ölkə tərəfindən dəstəklənən layihənin reallaşması istiqamətində ciddi səy göstərən siyasi liderlər bu dəfə "Bir kəmər, bir yol əməkdaşlığı, ümumi parlaq gələcəyin qurulması” mövzusuna həsr olunan forumda bir araya gəldilər.
İkinci forum 6 il öncə, 2013-cü ildə Çinin dövlət başçısı Si Cinpin elan etdiyi yeni iqtisadi inkişaf strategiyasının qısa zaman kəsiyində Avrasiyada, yəni qədim İpək yolu üzərində yerləşən dövlətlər üçün qlobal əhəmiyyətli layihə olduğunu bir daha təsdiqləmiş oldu.
Prezident İlham Əliyevin də qatıldığı forum ölkələr arasında əməkdaşlıq baxımından yeni imkanlar açdı. Layihəni dəstəkləyənlər Birgə Kommünike də imzaladılar.
Çinin dövlət başçısı Si Cinpinin elan etdiyi bu strategiya dövlətlər arasında qarşılıqlı əlaqələrin və ticari-iqtisadi əməkdaşlığın inkişafını, malların güzəştli şərtlərlə Şərqdən Qərbə göndərilməsi üçün ticarət dəhlizlərinin yaradılmasını şərtləndirir. Azərbaycanın bu strategiyaya 2015-ci ildən rəsmən dəstək verdiyini bəyan edən Prezident İlham Əliyevin həmin il Çinə səfəri zamanı imzalanan Anlaşma Memorandumu ilə təsdiqlənib.
Bu gün isə göründüyü kimi, dünyanın inkişafında yeni mərhələ kimi dəyərləndirilən bu təşəbbüsün tərəfdarları getdikcə artır. Açılış mərasimində Si Cinpinin söylədiyi kimi, dünya iqtisadiyyatındakı mövcud problemlərin həllində və dinamik inkişafında böyük rol oynayan layihə həm də ölkələr arasında ikitərəfli, üçtərəfli və çoxtərəfli əməkdaşlığı da əhatə edir. İqtisadi, ticari, maliyyə və digər sahələrdə xüsusi əhəmiyyəti ilə seçilən bu təşəbbüs qədim İpək yolu üzərində yeni dəyərlərin formalaşmasına da dəstək olur. Bu layihə, həmçinin beynəlxalq səviyyədə yüklərin daşınmasına və beləliklə də milli gəlirlərin artmasına, regional inkişafa ciddi təkan verir.
Forumun "Daha parlaq birgə gələcəyin qurulması” mövzusuna həsr olunan hissəsində çıxış edən Prezident İlham Əliyev həm layihənin əhəmiyyətini dəyərləndirdi, həm də Azərbaycanın mövqeyini bir daha bəyan etdi.
Dövlət başçısı hesab edir ki, Çinin "Bir kəmər, bir yol” təşəbbüsü ölkələr və regionlar arasında iqtisadi əməkdaşlığı inkişaf etdirə, sabitlik və təhlükəsizliyin bərqərar olmasına mühüm töhfə verə bilər. Bu layihə həm də mədəniyyətlərarası və sivilizasiyalararası münasibətlərin, iqtisadi inkişafın gücləndirilməsi, ölkələrin çiçəklənməsi və xalqlararası təmasların təşviqi kimi nəcib ideyalara xidmət edir.
Layihə yalnız nəqliyyat bağlılığını təmin etmir, həmçinin müxtəlif ölkələr arasında əlaqələri gücləndirir, dialoq və əməkdaşlığın möhkəmləndirilməsi işinə xidmət edir. Həmçinin beynəlxalq ticarət üçün yeni imkanlar yaradır.
Ümumiyyətlə, beynəlxalq nəqliyyat layihələri ölkələr və xalqlar arasında əməkdaşlığın möhkəmləndirilməsinə xidmət edir. "Bir kəmər, bir yol” təşəbbüsü isə nəqliyyat sahəsində yeni imkanlar açmaqla yanaşı, ticarəti, turizmi, xalqlar arasında təmasları təşviq edir və Avrasiya məkanında sabitliyin, təhlükəsizliyin və sülhün bərqərar olması işinə xidmət göstərir.
Bu gün regionda müasir nəqliyyat infrastrukturunun yaradılması Azərbaycanın prioritetləri sırasındadır. Prezidentin söylədiyi kimi, Azərbaycan öz coğrafi mövqeyindən bəhrələnərək Asiya ilə Avropa arasında körpülərin qurulmasına investisiya yatırıb. Məhz bunun sayəsində açıq dənizə çıxışı olmayan bir ölkə beynəlxalq nəqliyyat mərkəzlərindən birinə çevrilib. Qonşu ölkələri birləşdirən şaxələnmiş dəmir yolu şəbəkəsinin yaradılması da bunu bir daha təsdiqləyir.
Azərbaycanın Cənubi Qafqaz regionunda reallaşdırdığı və iştirakçısı olduğu layihələrin əhəmiyyətindən söz açarkən İlham Əliyev dedi ki, bu layihələr Azərbaycanı təkcə nəqliyyat mərkəzinə çevirməyib, həm də müxtəlif ölkələrin əməkdaşlığı üçün real zəmin yaradıb. Yəni Azərbaycan Şərq-Qərb və Şimal-Cənub beynəlxalq nəqliyyat dəhlizləri layihələrində iştirak edən ölkələr arasında əməkdaşlığa töhfə verib.
Dövlət başçısı ötən il Bakıda açılış mərasimi keçirilən, dəyəri 40 milyard dollarlıq "Cənub qaz dəhlizi” layihəsi barədə də ətraflı məlumat verdi. Bu gün Şərq-Qərb və Şimal-Cənub nəqliyyat dəhlizlərində yerləşən ölkələr öz mallarını nəql etmək üçün Azərbaycanın ərazisindən istifadə edirlər. Buna görə də müasir infrastrukturun yaradılmasına Azərbaycanın yatırdığı investisiyalar yalnız iqtisadi potensialın artırılmasına və dost, tərəfdaş ölkələrə, qonşulara xidmət göstərməyə kömək etmir, bu, həm də ticarət, turizm, nəqliyyat sahələrində nadir imkanlar yaradır və xalqları, dövlətləri birləşdirir. Ölkələr bir-birinə bağlanır və bu, sülh, sabitlik amalına xidmət edir. Bu da Azərbaycanın müasir nəqliyyat infrastrukturuna malik vacib tranzit ölkəsinə çevrildiyini təsdiqləyən daha bir reallıqdır.
Bakı-Tbilisi-Qars dəmir yolunun imkanlarını da dəyərləndirən İlham Əliyev vurğuladı ki, ötən il istifadəyə verilən Lapis-Lazuli marşrutu "dəmir ipək yolu” xəttinə birləşərək Azərbaycanın tranzit potensialını daha da artırıb. Bakı-Tbilisi-Qars dəmir yolu xətti təkcə 3 ölkəni birləşdirən regional layihə deyil. O, eyni zamanda, qitələri birləşdirir, Asiya və Avropa arasında vacib bağlantıdır. Bu dəmir yolu "Şərq-Qərb nəqliyyat dəhlizi”nin mühüm hissəsidir.
Bunun səbəbidir ki, bu gün Azərbaycan sayı artmaqda olan ölkələr üçün tranzit imkanlarını təmin edir. Ötən il 15 milyon ton yük və 100 min konteyner yükaşırma qabiliyyətinə malik Bakı Beynəlxalq Dəniz Ticarəti Limanının istifadəyə verilməsi də bu prosesin tərkib hissəsidir.
Prezident hər zaman olduğu kimi, Azərbaycanın son 15 ildə qazandığı nailiyyətləri və bir nömrəli problemi olan Ermənistan-Azərbaycan, Dağlıq Qarabağ münaqişəsi ilə bağlı həqiqətləri bu dəfə Pekindən dünyaya bəyan etdi.
Müharibə şəraitində yaşayan bir ölkə həqiqətən də bu illər ərzində böyük uğurlar qazanıb. Bunu iqtisadiyyata yatırılan sərmayə də təsdiqləyir. İqtisadiyyata yatırılan 260 milyard dollar həcmində sərmayə Azərbaycana böyük layihələrin gerçəkləşdirməsinə real imkanlar yaradıb. Bu uğurlar Azərbaycanın xarici borclarını da azaldıb. Bu rəqəm hazırda ümumi daxili məhsulun təxminən 19 faizini təşkil edir.
Nəzərə alsaq ki, ölkənin 46 milyard dollarlıq valyuta ehtiyatları var, onda aydın olur ki, ehtiyat xarici borcdan beş dəfə çoxdur. Azərbaycanın builki iqtisadi göstəriciləri iqtisadiyyatda artımın olduğunu nümayiş etdirir. Ümumi daxili məhsul 3 faiz artıb, inflyasiyanın səviyyəsi 2,1 faizdir və iqtisadiyyatın şaxələndirilməsi əsas məqsədlərdən biridir.
Azərbaycanda son 15 ildə 15 min kilometr yol və avtomagistrallar çəkilib. Bugünədək 6 beynəlxalq hava limanı tikilərək istifadəyə verilib. Davos Dünya İqtisadi Forumunun hesablamalarına görə, Azərbaycan yolların keyfiyyəti baxımından dünyada 34-cü yerdədir.
İnfrastrukturun inkişafına, həmçinin çox əlverişli biznes mühitinin yaradılması ilə dəstək verilir. Bu gün Azərbaycandakı biznes mühiti dünyada olan ən qabaqcıl biznes mühitlərindən biridir. İndi Azərbaycan dünyada ən çox islahat aparan on ölkə sırasındadır.
Prezident hər zamankı kimi Azərbaycan həqiqətlərini diqqətə çatdırdı və dünyaya bəyan etdi ki, regionda sabitliyin təminatı üçün Dağlıq Qarabağ münaqişəsinin həlli mütləqdir. Bütün hallarda isə Azərbaycan insanlar və xalqlar arasında körpülərin qurulmasında öz rolunu oynamağa davam edəcək. Şərqdən Qərbə və Şimaldan Cənuba uzanan yolun üzərində olan Azərbaycan qitələri ölkələri birləşdirərək, daha uğurlu gələcəyə doğru inamla addımlayır.
Prezident İlham Əliyev forumun "Qarşılıqlı siyasətin gücləndirilməsi və daha yaxın tərəfdaşlığın qurulması” mövzusuna həsr olunan ikinci və "BMT-nin 2030-cu il Gündəliyini həyata keçirmək üçün yaşıl və dayanıqlı inkişafın təşviqi” mövzusuna həsr olunan üçüncü sessiyasında da iştirak etdi. İkinci sessiyada çıxış edən Prezident Azərbaycan və Çinin tərəfdaş ölkələr olduğunu bir daha bəyan etdi. Prezident İlham Əliyev bu sessiyada da Azərbaycanın son illərdə həyata keçirdiyi beynəlxalq əhəmiyyətli layihələrdən, enerji ixracatçısı kimi imkanlarının hər keçən gün genişlənməsindən söz açaraq dedi ki, ölkəmizdə həm də möhkəm infrastruktur bazası yaradılıb. Bu isə Azərbaycanın tərəfdaşlarının maraqlarına xidmət edir: "Azərbaycan, həmçinin enerji ixrac edən ölkədir. Enerji ixracı bizim inkişafımız üçün əsaslı baza və təməl yaratmışdır. Biz enerji resurslarımızdan xalqımızın mənafeyi naminə istifadə etmişik, edirik və davamlı inkişafa nail olmuşuq. Hazırda iqtisadiyyatın şaxələndirilməsi əsas vəzifələrdən biridir”.
Azərbaycanın Xəzər dənizində 260 gəmi ilə ən böyük ticarət donanmasına malik ölkə olduğunu xatırladan dövlət başçısı ölkəmizin nəqliyyat sahəsində potensialının getdikcə daha da artdığını və bunun da beynəlxalq əməkdaşlıq üçün yaxşı imkanlar yaratdığını söylədi.
Prezident "Bir kəmər, bir yol” layihəsini təkcə nəqliyyat layihəsi deyil, sülhə, təhlükəsizliyə və əməkdaşlığa xidmət edən təşəbbüs adlandırdı.
Bir sözlə, Pekin səfəri çərçivəsində Prezident İlham Əliyevin forumda iştirakı, eləcə də dövlət və hökumət başçıları, tanınmış şirkət rəhbərləri ilə keçirdiyi çoxsaylı görüşlər Azərbaycana siyasi-iqtisadi dividendlərin gətirəcəyini deməyə əsas verir. İlham Əliyev foruma qatılması ilə həm də Azərbaycanın bu təşəbbüsə böyük önəm verdiyini və regionda istənilən layihəni dəstəkləməyə hazır olduğunu bəyan etdi.
Rəşad BAXŞƏLİYEV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!