14 Oktyabr 2025 18:13
696
DÜNYA
A- A+
Çində ilk pilotsuz hava taksisi sınaqdan keçirilib  

Çində ilk pilotsuz hava taksisi sınaqdan keçirilib  

Çinin “EHang şirkəti” şəhərlərarası avtonom daşımalar üçün nəzərdə tutulmuş elektriklə işləyən şaquli uçuş və eniş təyyarəsi olan yeni VT35 modelini təqdim edib.

AZƏRTAC Sinxua agentliyinə istinadla xəbər verir ki, model ilk dəfə Xefey şəhərində nümayiş etdirilib. İki nəfərlik aparat sınaq uçuşu zamanı uğurla şaquli uçuşdan üfüqi uçuşa keçid edib.

“VT35 şəhərlərarası hava nəqliyyatının inkişafında mühüm mərhələdir”, – deyə şirkətin nümayəndəsi bildirib. Qurğu orta və uzun məsafəli marşrutlar, o cümlədən dağ və su hövzələri üzərindən uçuşlar üçün nəzərdə tutulub və təxminən 6,5 milyon yuan (təqribən 900 min ABŞ dolları) dəyərindədir.

VT35 maksimal 215 km/saat sürətlə uçur və bir enerji şarjı ilə 201 kilometr məsafə qət edə bilir. Aparatın maksimal uçuş çəkisi 950 kiloqramdır, bu göstəriciyə iki sərnişin və onların baqajı daxildir. Təyyarə şaquli uçuş üçün tandem tipli qanad quruluşuna və səkkiz paylanmış qaldırıcı pervanəyə, üfüqi uçuş üçün isə arxa itələyici pervanəyə malikdir.

Uzunluğu və qanad açıqlığı təxminən səkkiz metr olan aparatın bu kompakt ölçüləri onun binaların damlarında, dayanacaqlarda və artıq mövcud olan EH216-S vertiportlarında enib-qalxmasına imkan verir. Bu isə VT35-i həm şəhərdaxili, həm də şəhərlərarası infrastrukturla uyğunlaşdıraraq hava marşrutlarının inkişafını sürətləndirir.

VT35-in ikinəfərlik salonu dəri örtüklə işlənib və idarə paneli ilə əyləncə funksiyalarını birləşdirən sensorlu ekranla təchiz olunub. İdarəetmə səs və sensor əmrləri vasitəsilə həyata keçirilir, sistem temperaturun tənzimlənməsi və naviqasiya kimi funksiyaları da yerinə yetirir. Avtonom idarəetmə sistemi uçuşun bütün mərhələlərində təhlükəsizliyi təmin edir, maneələri aşkar etmək üçün sensorlardan istifadə olunur. Elektrik mühərriki VT35-i sakit və ekoloji cəhətdən təmiz edir ki, bu da sıx məskunlaşmış ərazilər üçün xüsusilə əhəmiyyətlidir.

Çinin Mülki Aviasiya İdarəsi 2025-ci ilin mart ayında VT35 modelinin sertifikatlaşdırılması üçün müraciəti qəbul edib. Hazırda aparat daxili sınaqlardan və uçuş yararlılığının qiymətləndirilməsi mərhələsindən keçir. Şirkət artıq Çində kommersiya uçuşları həyata keçirən EH216-S modelinin sertifikatlaşdırma təcrübəsindən istifadə etməklə prosesi sürətləndirməyi planlaşdırır.

“EHang” VT35-dən hava nəqliyyatının regional şəbəkəsini yaratmaq məqsədilə istifadə etməyi planlaşdırır. Bu şəbəkə Yantsızı çayının deltası, Perl-River deltası və Pekin-Tyantszin-Xebey iqtisadi zonaları arasında bir saatlıq marşrutu təmin edəcək. Şirkətin hesablamalarına görə, VT35 vasitəsilə həyata keçirilən uçuşlar hazırda iki saat çəkən avtomobil səfərlərini 30 dəqiqədən az vaxta endirəcək.

Xefeydəki təqdimat xarakterli uçuş zamanı VT35 Louqan parkı üzərində tam uçuş həyata keçirib. Tədbirdə yerli hakimiyyət və sənaye nümayəndələri iştirak ediblər. Bu hadisə aşağısəviyyəli regional hava nəqliyyatının inkişafında mühüm mərhələ kimi qiymətləndirilir.

Qısa məsafələrə uçuş marşrutları üçün EH216-S şəbəkəsi ilə inteqrasiya nəticəsində “EHang” “hava karşerinqi” sistemi kimi avtonom, səmərəli və əlçatan hava nəqliyyatı sistemi yaratmağı planlaşdırır.

“VT35 ilə biz şəhər hava taksi fəaliyyətindən başqa regional daşımaların yeni mərhələsini açırıq”, – deyə “EHang” şirkətinin nümayəndəsi vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!