Bu il Ağdaşdan ali məktəblərə qəbul olunanların sayı artıb
Ali təhsil məktəblərinə tələbə qəbulundan sonra Ağdaş sakinləri ikiqat sevinc içindədirlər. Buna səbəb bu il rayondan əvvəlki illərlə müqayisədə daha çox məzunun ali məktəblərə qəbul olmasıdırsa, ikinci səbəb Ləki qəsəbəsindən bir ailədən iki övladın eyni qrup üzrə, eyni balı toplayaraq eyni ali təhsil müəssisəsinə daxil olmasıdır.
Yüksək balla şərəfli tələbə adını qazanan Abdullayev qardaşları ilə Ağdaş Rayon Təhsil Şöbəsində görüşdük. Əvvəlcə Tamerlan Abdullayevlə həmsöhbət olduq. Tamerlan Ləki qəsəbəsindəki 6 saylı tam orta məktəbin məzunudur. O, eyni zamanda, 5 il müddətində Ağdaş rayonu M.Şeyxzadə adına Texniki, təbiət və humanitar fənlər təmayüllü gimnaziyada təhsil alıb. IX sinifdə oxuyarkən riyaziyyat olimpiadasında bürünc medal qazanıb. XI sinfi bitirəndə isə qızıl medala layiq görülüb.
Tamerlan qəbul imtahanını I qrup üzrə verərək 690 bal toplayaraq Xəzər Universitetinin kompüter mühəndisliyi üzrə seçim edib.
Tuqay Abdullazadə isə orta təhsilə Ağdaş rayonu M.Şeyxzadə adına Texniki, təbiət və humanitar fənlər təmayüllü gimnaziyada başlayıb. Buranı bitirdikdən sonra Ağdaş Özəl Türk Liseyinə (hazırda fəaliyyət göstərmir) imtahan verərək birbaşa V sinifdən VII sinfə keçib. Bir il sonra təhsilini Ləki qəsəbə 6 saylı tam orta məktəbində davam etdirib. Orada oxuduğu 4 il müddətində davamlı olaraq fənn olimpiadalarında iştirak edib. Hər dəfə finala çıxıb. İki dəfə medalçı olub. Qəbul imtahanı zamanı o da qardaşı kimi 690 bal toplayaraq Xəzər Universitetinə kompüter elmləri ixtisasına qəbul olunub.
Haqqında bəhs etdiyimiz bu gənclərə şans qazandıran amillərdən biri də müəllim ailəsində dünyaya göz açmalarıdır. Ataları Səbuhi Abdullayev və anaları Gülnarə Məmmədova ali təhsilli Azərbaycan dili və ədəbiyyat müəllimidirlər.
Ağdaş Rayon Təhsil Şöbəsinin müdiri Hürü Əliyeva gənclərin uğuruna sevindiyini və onların gələcəkdə daha böyük zirvələr fəth edəcəklərinə inandığını bildirdi. Eyni zamanda, Ağdaş təhsilinin bu ilki uğurlarından danışaraq dedi:
- 2017-2018-ci tədris ili təhsildə keyfiyyət ili elan olunmuşdu. Nəticə ürəkaçandır. Artıq məktəblər üzrə 285 nəfər şagird ali təhsil müəssisələrinə qəbul olub. Onlardan 16 nəfəri 600 baldan yuxarı, 67 nəfər 500-dən çox bal toplayıb.
Bu il Ağdaş rayonunda 3 nəfər qızıl, 1 nəfər gümüş medala layiq görülüb. Qızıl medallardan ikisinin sahibi Tuqay və Tamerlan Abdullayev qardaşlarıdır. Ceyhun Zəkəriyyəyev isə Ağdaş rayonu M.Şeyxzadə adına Texniki, təbiət və humanitar fənlər təmayüllü gimnaziyada pilot sinfinin şagirdi olub. Səməd Vurğun adına şəhər tam orta məktəbin şagirdi Aişə Əliyeva isə gümüş medala layiq görülüb.
Belə qabiliyyətli uşaqlar Ağdaş rayonunun orta məktəblərində çoxdur. Onlar Ağdaş təhsilinin uğur çələngidirlər.
Əli SƏLİMOV,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!