1. Bal, limon və zəncəfilin gücündən faydalanın
Evinizdəki
ədviyyatlarla hazırlaya biləcəyiniz sadə bir qarışımla boğaz ağrısından xilas ola
bilərsiniz. Bir neçə qaşıq bal, yarım limonun suyu ilə bir çay qaşığı toz zəncəfili
qarışdırın və üzərinə az miqdarda ilıq su əlavə edin. Əldə etdiyiniz qarışımı içmək
boğaz ağrısı üçün təsirli vasitə olacaq.
2. Nanəcövhərli buxar vannası edin
Burun tutulması
və gecələr ağzı açıq yatmaq ağzın qurumasına səbəb olur. Bu isə ağıza çoxlu sayda
mikrobun daxil olmasına imkan yaradır. Yatmazdan əvvəl nanəcövhərli buxar vannası
burun tıxanıqlığının aradan qalxmasına səbəb olar.
3. Cökə və adaçayı için
Boğazdakı
qıcığı aradan qaldırma xüsusiyyəti ilə tanınan cökə və adaçayı içmək boğaz ağrısı
zamanı çox təsirli olur. Bu bitkilər immunitet sistemini gücləndirərək bədəninizin
infeksiyalara qarşı müqavimətini də artırar.
4. Bol su için
Bol su içmək
boğaz, dolayısı ilə hava yollarının nəmli qalmasını təmin edir. Bu da ağız qurumasının
qarşısını alır, boğazdakı qıcıqlanmanı azaldır. Gündə ən azı 1,5-2 litr su içməyə
cəhd edin. Suyu ilıq olaraq, yəni otaq temperaturunda için.
5. Qidaları ilıq formada yeyin
Həddən artıq
isti və ya soyuq qidalar boğazınızdakı qıcıqlanmanı artıra bilər. Buna görə də mütləq
qida və içkilərinizi ilıq formada qəbul edin. Boğazınızın həddən artıq ağrılı, şiş
və iltihablı olduğu vaxtlarda sıyıqlar və ya püre formasında yeməklər yeyin. Bu
cür yeməklər udmağınız üçün daha asan olacaq.
6. Siqaret və siqaret tüstüsündən uzaq olun
Siqaret çəkmək
nəfəs yollarını həm qıcıqlandırır, həm də xarici təsirlərə qarşı müdafiəni azaldır.
Siqaret çəkmək hər hansı infeksiya olmasa belə, boğazda ağrı, qıcıqlanma və öskürəyə
səbəb ola bilər. Siqaretdən əlavə, başda qəlyan olmaqla tüstülü vasitələrdən istifadə
və hətta bu vasitələrin tüstüsü olduğu yerdə durmaq boğazınızı qıcıqlandıra, boğaz
ağrısının sağalmasını gecikdirə bilər. Buna görə də siqaret çəkməyin və siqaret
tüstüsündən uzaq durmağa çalışın.
7. Qızdırıcı üzərinə içi su dolu qablar qoyun
Soyuq aylarda
evlərin isinməsi səbəbindən mühitdəki nəmlik azalır və udulan quru hava boğazdakı
qıcıqlanmaya səbəb olur. Bunun qarşısını almaq üçün evinizdə mağazadan aldığınız
buxar avadanlıqlarından istifadə edə bilərsiniz. Bundan başqa, daha bir çıxış yolu
var: evinizdəki qızdırıcının üzərində içi su ilə dolu qab və ya qablar qoyun. Bu
yollardan istifadə etməklə siz mühitin nəmli havasını təmin edə bilərsiniz.
