Biz Qarabağı yenidən qurub əvvəlkindən də abad edəcəyik
Bunun üçün dövlətimizin maddi imkanı və xalqımızın mənəvi gücü yetərincədir
Prezident İlham Əliyevin yanvarın 14-də işğaldan azad edilmiş ərazilərə növbəti səfəri zamanı verdiyi bəyanatların iqtisadi-siyasi və hərbi əhəmiyyəti günü bu günəcən şərh olunur. Xüsusilə yeni obyektlərin təməlinin qoyulması beynəlxalq aləmə ciddi mesaj kimi qəbul edilir.
Bildirilir ki, Prezident bununla bütün dünyaya bəyan edir ki, bu torpaq bizimdir, ona görə də düşməndən fərqli olaraq onu dağıdaraq viran qoymuruq, əksinə, yenidən qururuq və cənnətə çevirəcəyik. İnsan heç vaxt özünə məxsus olanı dağıtmaz, deməli, bu ərazilər ermənilərə deyil, bizə məxsusdur.
Səfər zamanı dövlət başçısının təməlini qoyduğu obyektlərin nəqliyyat infrastrukturu ilə bağlı olması təsadüfi deyil. Çünki infrastruktur yaratmadan bölgəni yenidən qurmaq və inkişaf etdirmək mümkün deyil. Şuşaya qısa zamanda yeni yolun çəkilməsinə qərar verilməsi də bununla bağlıdır. Həmçinin Füzulidə hava limanının təməlinin qoyulmasının xüsusi iqtisadi və siyasi mənası var. Bu layihənin iqtisadi əhəmiyyəti işğaldan azad olunan ərazinin ölkəmiz üçün xüsusi önəm daşıdığını dünyaya bildirilməklə xarici investorların bölgənin bərpasına cəlb edilməsidir. Siyasi əhəmiyyəti isə odur ki, biz bölgədə söz sahibiyik və dağlıq Qarabağın üzərində nəzarət Azərbaycana məxsusdur.
Qeyd edək ki, xarici investorlar hər hansı bir əraziyə sərmayə qoyarkən, ilk növbədə, oradakı infrastrukturu nəzərə alırlar. Bu üzdən Prezident İlham Əliyev bölgədə avtomobil, dəmir yolu və hava nəqliyyatı infrastrukturunun yaradılmasına xüsusi əhəmiyyət verir. Yeri gəlmişkən, bir mühüm məqama da toxunaq: Prezident 10 noyabr Bəyanatı imzalandıqdan sonra bildirib ki, Naxçıvana dəhlizin açılmasının sənədə salınması onun tələbi ilə baş tutub. Qeyd edək ki, bəyanatda torpaqlarımızın azad olunmasından sonra ən çox əhəmiyyət daşıyan məsələlərdən biri də Naxçıvana birbaşa yolun, o cümlədən dəmir yolu xəttinin açılmasıdır. Bu, təkcə Azərbaycanın ayrılmaz hissəsi olan Naxçıvana yolun açılması deyil, həm də ölkəmizə mühüm tranzit ölkə statusunun qazanmasında əlavə imkanlar yaradır. Məlumdur ki, Bakı-Tbilisi-Qars dəmir yolunun çəkilməsi ilə Şərqlə Qərb arasında mühüm tranzit ölkə statusunu qazanmışıq. Mehri dəhlizindən Naxçıvana dəmir yolunun açılması isə ölkəmizə əlavə imkanlar qazandıracaq. Belə ki, bu gün dünyada marşrutların şaxələnməsinə, əlavə yolların mövcudluğuna xüsusi əhəmiyyət verilir.
Hazırda Çinlə Avropa arasında ticarət dövriyyəsinin dəyəri 1 trilyon dollardan çoxdur. Pandemiya başa çatdıqdan sonra dünyada ticarətin dirçələcəyi də məlumdur. Azərbaycan isə belə bir zamanda yüklərin Çindən Avropaya və əks istiqamətə daşınmasında əlverişli ölkəyə çevrilib. Üstəlik əlavə marşrut ölkəmizə yüksək gəlir gətirməklə yanaşı, həm də əlavə siyasi dividendlər də qazandıra bilər.
Bu yeni dəmir yolu xətti eyni zamanda qardaş Türkiyə ilə iqtisadi əlaqələrimizi yaxşılaşdıracaq, Naxçıvanın həm Avropaya, həm də Şərqə qapılarını açacaq, muxtar respublikanın iqtisadi inkişafını sürətləndirəcək. Üstəlik Türkiyənin Orta Asiya ölkələri ilə iqtisadi və siyasi əlaqələrinin genişlənməsinə imkanlar yaranacaq. Səbəbsiz deyil ki, bir çox ermənipərəst siyasətçilər və politoloqlar 10 noyabr Bəyanatındakı bu bəndi ölkələrinin geosiyasi maraqlarına təhlükə kimi görürlər. Bu səbəbdən çalışırlar ki, bu bəyanatdakı həmin bəndin icrasına mane olsunlar.
Prezident İlham Əliyevin səfər zamanı Şuşada ilk görüşü hərbçilərlə keçirməsi də təsadüfi deyil. Dövlət başçısı bununla dünyaya və ermənilərə göstərdi ki, Şuşa fatehləri hələ buradadır. Çünki hələ də Ermənistanda Dağlıq Qarabağın “status”unu “diriltmək” və revanş almaq istəyənlər var. Amma onlar unudurlar ki, onların bu arzuları çoxdan cəhənnəmə göndərilib.
Buna baxmayaraq, xam xəyala düşənlər ATƏT-in Minsk qrupunun həmsədri olan Fransa və ABŞ-la “status” məsələsi ətrafında yeni siyasi oyunlara başlamaq istəyirlər. Ermənistan xarici işlər naziri A.Ayvazyanın yanvarın 20-də ATƏT-in Minsk qrupu həmsədr ölkələrinin Ermənistandakı səfirləri ilə görüşü də bu amala xidmət edirdi.
O ki qaldı ermənilər tərəfindən orada-burada səsləndirilən revanş çağırışlarına, yenidən müharibə aparıb itirdiklərini geri alacaqları barədə bəyanatlarına, onlara Şuşada layiqli cavab verilib. Prezident İlham Əliyev qəti şəkildə həmin qüvvələrə xəbərdarlıq edərək bildirib: “Mən demişəm ki, əgər kimsə Ermənistanda revanş haqqında düşünürsə, o, bizim dəmir yumruğumuzu bir daha görəcək. Bu dəmir yumruq onların belini qırdı, onların başını əzdi. Əgər bizə qarşı hər hansı bir təxribat törədilərsə, cavabımız çox sərt olacaq, çox peşman olacaqlar və yenə də acı məğlubiyyətlə üzləşəcəklər... Bu gün Dağlıq Qarabağda özünü siyasətçi adlandıran bəzi ünsürlər yenə də baş qaldırmağa çalışırlar. Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq? Gəlin, alın. Gəlin bura, siz burdasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik”.
Rüstəm KAMAL,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Pakistanın MUSLİM İnstitutunun direktoru DQİDK-da olub
04 May
Nazir müavini: Düşərgənin ilk günündən gənclərin çox maraqlı ideyalarının, layihələrinin olduğunu gö...
04 May
Azərbaycanın Moldova ilə insan hüquqları sahəsində təcrübə mübadiləsi məsələsi müzakirə edilib ...
04 May
Ərəb Dünyası İnstitutunun direktoru: Multikulturalizm Azərbaycanda həyat tərzi kimi qəbul edilib ...
04 May
AİB COP29-la əlaqədar Azərbaycan Prezidentinə müraciət ünvanlayıb
04 May
DYP “Bakı Marafonu-2024” ilə əlaqədar yol hərəkəti iştirakçılarına müraciət edib ...
04 May
Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə ...
04 May
SOCAR-ın Müşahidə Şurasının üzvləri yeni inşa olunan yaşayış kompleksi ilə tanış olublar...
04 May
Ankarada keçirilən tədbirdə Qərbi Azərbaycanla bağlı tarixi ədalətin bərpasının vacibliyi vurğulanıb...
04 May
COP29 ilə əlaqədar Təşkilat Komitəsinin üçüncü iclasında mühüm məsələlər müzakirə olunub...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!